James 2:18 - Matu Chin New Testament 2006

¹⁸ Tede thlaang khatsut lawng, “Thlaang pakhat lawngah oengna a khueh tih atloe pakhat lawng saina a khueh,” ti ai. Awl ka thungna tah, “Saina awm ohla thlaang lawng oengna a khueh thaina te van tueng sak lah. Kai lawngtah ka oengna te saina oen kavan tueng sak ai,” ti he ni.

Matu Bible

¹⁸ Tedae khat khat loh, “Nang loh tangnah na khueh, kai tah khoboe ka khueh. Khoboe muehla na tangnah te kai n'tueng lah. Kai loh nang te ka khoboe lamloh tangnah kan tueng eh,” a ti ni.

James 2:18 Iomraidhean Croise

Rom 14:23

Tede caak awkk te a caak vengah ngaithliwhna a khueh atah Pathen lawng ahih te dan a tat ai. Metihtiah ahih lawng a sai te oengna dawngah akung a sut nawh dawngah ni. Thaihu boeih he oengna dawngah akung a sut nawh atah thawlhna ni.

Rom 3:28

Thlaanghing he Pathen lawng thlaangdoeng la a khueh he phungawl vaina rang oen nawh tih oengna rang oen ni.

Rom 4:6

Biibina khat khaw thuum muehla Pathen lawng thlaangdoeng la a pawm thlaang pakhat kah awmngaihna te Devid lawng a thui vengah a thui-ngaihna tah he tila awm:

Rom 8:1

Tahe tah Khrih Jesuh oen pumkhatla aka awm thli ham tah thawlh awlcekna awm tlaih nawh.

Rom 9:19

Tede nangmi tim kah thlaang pakhat mai lawngah, “He tila a awm oh atah a-u lawngah Pathen kawngaih te a oelh ataih thai ai,” na ti u mai ai.

1Korin 13:2

Kai lawngah thlaang kawthawhna awl te thui thaina kutdo te ka khueh cakhaw; kai lawngah cuihna boeih ka khueh tih awlhuep boeih te yaakming thaina ka khueh cakhaw, kai lawngah tlaang sawm thoeih sak thaina oengna boeih te ka khueh cakhaw lungna ka khueh nawh atah kai he ahong la ni ka awm.

2Korin 5:17

A-u khaw Khrih oen a tuhkai u coeng atah, ahih tah thlaang thaai poen ni; a hing ruem tah khum tih athaaila hing poen.

2Korin 7:1

Ka lungna paya thli, he awlkam boeih he mami tengah ni a sai. Tedawngah pumtaksa khawseh, muithla khawseh, aka ciim sak nawh soeprep boeih dawng kalawng mami he ciimcaih u silang Pathen hinyahna oen aciimsuekla hing u sih.

Galati 5:6

Khrih Jesuh oen mami pumkhatla ng'awm u atah yahhuivuen reet khaw, reet nawh khaw athloeina awm nawh; awlpui tah lungna oen bii aka bi oengna te ni.

1Timothy 1:5

He tila awl kan peek he mengtengna tah athetheen mingna kawpoek ciim oen oengna tangtang oen ah thinkaw ciim dawng kalawng lungna te a thoengna ham thaphawhna ni.

Titus 2:7

Soeprep boeih ah namah roeroe he khawboe ramlang theen ben ah oett koeila awm. Hinyah koei la awm lang na cangpueina dawngah ataktangla awm.

Hebrew 11:31

Thlaanghalhnu Rahab lawngah Israel thlaang raalyam thli te beroepna oen a do dawngah Pathen awl aka ngaai nawh thlaang thli oen ngawn haih ohla sa a sueng he oengna oen ni.

Hebrew 11:33

Oengna oen ah ram tawm te a teek u tih a taa u. Ahimi lawng asoeng thaihu te a sai u tih Pathen kah awlkam te a dang u. Sathueng thli kah a kaa te a khuem rap u tih,

Hebrew 11:6

A-u lawngkhaw oengna oen nawh atah Pathen kaw te tawng thai nawh; metihtiah a-u khaw Pathen tengla aka law lawng Pathen tah awm tih amah aka tlap boeih te kutdo a peek tite a oeng ham awm.

James 2:14

Maya manau thli, thlaang pakhat lawng oengna ka khueh ti de saina oen a tueng sak nawh atah atheenna awm aw? Te oengna lawng ahih te a thlawn thai aw?

James 3:13

Nangmi tim ah mingna aka khueh thlaangcuih pakhat mai khaw awm aw? A awm atah atheen hingna oen ah tueng sak seh. Cuihna, boe-ngaaina, atheen a saina oen ah tueng sak seh.