James 1:25 - Matu Chin New Testament 2006

²⁵ Tede a-u khaw thlaang aka loeih sak aka soep phungawl dawngah te anepla dan u tih a harukna, hutung hong la hutung doek tih hilh pahoei mai ohla ataktangla a hawna atah te thlaang te a saina boeih ah Pathen lawng yotheenna a peek ai.

Matu Bible

²⁵ Tedae poenghalnah lungcuei olkhueng te aka so tih aka om thil, aka yakung te aka hnilhkung la om pawt tih khoboe neh aka rhoihkung, yoethen long tah a bibi neh om ni.

James 1:25 Iomraidhean Croise

Luka 11:28

Tede Jesuh lawngah, “Pathen awl te a yaak tih aka vai tah metihtlukla a awmngaih tare ai!” a tina.

Johan 13:17

Tahe tah awltak he na ming u poen, ataktangla aka sai tah metihtlukla a awmngaih ai!

Johan 8:36

Nangmi te Capa lawng n'loeih sak atah na loeih u tangtang ai.

Caeltueih 13:43

Thlaangping te sinakok bok-im kalawng a ceh boeih u coengah Pawl oen Barnabas te Judah thlaang thli oen Judah phung la aka kuun Gental thlaang broe lawngah a hu ah bung a vai u. Celtuih rawi lawng ahimi te Pathen lungvatna dawngah awm poe hamla thathluena awl a thui pe.

Caeltueih 2:42

Ahimi lawngah celtuih hue tengah cangna, khat oen khat pawlneengna, beroep lopaang buh veelna, thangthuina ah amami kah atue te a hawna u.

Caeltueih 26:22

Tede tihin toe ah Pathen lawng n'bawm, tedawngah thlaang yitt thlaangbo nangmi boeih haiah he ka pai tih awl ka thui. Tawngha thli oen Mosi lawng a thui oepsoeh aka thoeng ham koei thaihu te ni kai lawng ka thui:

Rom 11:22

He ah he Pathen kah thlaang reenna kaw a poekna oen rih koei la a awm te n'huh u. Aka tlim thli ham tah rih awm tangkiik tede nangmi te tah n'reen u, nangmi lawng a reenna khuiah na awm u poe atah reenna kaw avan poek ai, tede na awm u nawh atah nangmi khaw tloek poet la na awm u van ai.

Rom 2:13

Thlaanghing he Pathen haiah thlaangdoeng la a awmna tah Phungawl te yaakna rang oen nawh tih Phungawl lawng sai a ti te saina rang oen ni.

Rom 7:12

Tedawngah Phungawl tah ciim tih awlpeek khaw ciim, doeng tih theen.

Rom 8:15

Metihtiah Pathen lawng m'peek u Muithla tah nangmi te sal la coengg sak ham oen ah birih ngaihuet sak ham nawh tih; te Muithla lawngtah nangmi te Pathen kah ca-anau la sai ham ni. Te Muithla kah tharana rang oen Pathen te, “A Pa! a Pa!” tila n'khue thai.

Rom 8:2

Metihtiah Khrih Jesuh oen pumkhatla hingna ah mami aka ceh puei Muithla kah phungawl lawng duekna oen thawlhna phungawl khui kalawng mami te n'loeih sak poen.

1Korin 15:58

Tedawngah ka lungna maya manau thli, paihuen net lang acakla pai uh. Bawipa kah bii na bi u te metuek ah khaw apoei-oepla awm nawh tih ahong-ahii nawh ni tite na ming u dawngah Bawipa bii na bina dawngah te tokthlue poepa uh.

2Korin 13:5

Oengna dawngah na hing oen na hing nawh te mingna hamla namami oen namami te noem acai u langtah noekdak u lah. Khrih Jesuh te nangmi thinkaw ah a awm tangtang te na ming u ai! A awm nawh tangtang atah noekdakna dawngah na tlim dingri u poen ai.

Galati 2:4

Khrih Jesuh oen pumkhatla mami awmna rang oen loeihna n'khueh u te ming hamla thlaang khatsut tah aka oeng tangtang van angla sa u tih raalyam angla mami bu khuiah ahuepla va kuun u. Ahimi lawngah mami he saltamnaa la te sai ham a ngaih u.

Galati 5:1

Mami tah n'loeih poen, Khrih lawng n'loeih sak poen! Tedawngah aka loeih thlaang la na awm u van angla acakla pai u langtah namah oen namah te saltamnaa la coengg koep u boel.

Galati 6:2

Pakhat oen pakhat thalrih phueih te talawng takai u langtah, te tila te Khrih kah phungawl te vai uh.

Kolosa 1:23

Tedawngah, nangmi lawng thincak oen ayung na pengnelna dawngah te oengna oen acakla pai uh, awlthang theen na yaak vengkah na khueh u ngaiuepna dawng kalawng namah oen namah te thoeihnawng tlaih boel. He awlthang theen he dilai pum kah thlaang boeih tengah a phawng u tih he awlthang theen hamla Kai, Pawl khaw tuihyoeihthlaang la ka awm.

1Timothy 2:15

Tede hutaa lawngah acuep amueih la oengna, lungna oen ciimna dawngah acakla a awm atah camoe cuunna rang oen ah thlawnna a dang ai.

1Timothy 4:16

Namah oen namah te ngaithuen lang na cang puei te khaw ngaithuen lah. He thaihu boeih he toeng ohla sai, metihtiah nang lawng na sai atah namah oen namah khaw, na awl-thui hutung thlaang thli te khaw pahih bok la na thlawn thai ai.

Hebrew 12:15

Pathen kah lungvatna te a-u lawngkhaw mangthawng taak nawh ham ngaithuen uh. Thingkha thing lawng roeng hang tih asue oen thlaang te raina boehoengla a peek angla a-u khatca khaw awm u boel.

James 2:12

Mami loeihna pekung phungawl lawng awl a cek ham koei thlaang angla te awl thui u lang bii te bi uh.

1Peter 2:16

Nangmi lawngah ahoeng ahoett la aka awm thlaang angla khaw sa uh; tede nangmi lawng ahoeng ahoett la na awmna te athe-ara thlipdahna ham hawna u boel, Pathen kah sal angla khaw sa uh.

1Johan 2:24

Tedawngah nangmi lawng acuekca kalawng na yaak u awl te na kaw khuiah khueh uh. Te awl te na khueh u atah Capa oen Pa oen ah pumkhatla nangmi poe na awm u ai.

Olphong 14:13

Tecoengah vaan kah awl pakhat ka yaak tih, “He he thut lah! tahe kalawng atong vetih Bawipa kah bii te a bi dawngah aka duek tah yotheen aka dawng thlaang ni” tila a thui. Muithla lawngkhaw, “Oeih, soeng tang tang! Bii rai bina kalawng duem u poen ai. Metihtiah a biibi phu tah ahimi oen awm haih poen ai,” tila a thui.

Olphong 22:14

Amami kah himbai te aciimla aka suk tah yotheen a dawng u, ahimi tah hingna thingthaih te a caak thai vetih khawpui thawhka khuiah kuun thai u ai.