James 1:18 - Matu Chin New Testament 2006

¹⁸ Pathen lawng amah kah thaihu sai aka hing boeih khuiah lamhacuek huen ah awm ham awltak awl oen ah amah kawngaih angla mami he n'sai poen.

Matu Bible

¹⁸ A kutngo khuiah thaihcuek pakhat la mamih om sak ham ni oltak kah a ngaih vanbangla a ol loh mamih n'cun.

James 1:18 Iomraidhean Croise

Johan 1:13

Ahimi lawng thlaanghing phung angla Pathen kah ca-anau la coengg nawh, ahimi te thlaanghing ana pa kah ca-anau angla a cuun moenih; ahimi kah ana Pa tah Pathen amah ni.

Rom 4:17

Caciim lawng, “Nang tah nam tawm thlaangphun kah Pahaam la kan sai poen” tila a thui angla awm. Tedawngah he awlkam he tah Pathen haiah theen tih Abraham lawng a oeng Pathen tah thlaangduek thawhsakkung oen awm nawh te awmsakkung ni.

1Korin 4:15

Metihtiah nangmi kah Khrihca khawsakna dawngah doenkung thli thongha na khueh u mai cakhaw na Pa tah pakhat bueng ni na khueh u. Metihtiah Khrih Jesuh oen pumkhatla na hingna dawngah Khrih Awlthang Theen nangmi tengah kavan khuenna rang oen na pa tah kai ni.

2Korin 6:7

awltak awlthang te phawngna oen, Pathen kah huham tharana oen ah Pathen kah tuihyoeihthlaang la ka awmna te ka tueng sak u. Kaimi lawng raal teekna ham khawseh, kamami pum thloetna ham khawseh, doengna te awva angla ka hawna u.

Ephesa 1:12

Tedawngah Khrih ah ngaiuepna lamhacuekla aka khueh mami lawngah Pathen ruep-awmna te thangpawm u sih!

Ephesa 1:13

Te tila te nangmi khaw thlawnna avan khuenkung Awlthang Theen awltak awlthang te na yaak u vengah Pathen thlaang la na awm u poen. Nangmi lawngah Khrih te na oeng u tih amah thlaang la na awmna miknoekna te Pathen lawng nangmi sawah thawhcang a heen poen; te tah amah lawng awl a kam tangte Ciim Muithla te nangmi m'peekna rang oen ni.

2Timothy 2:15

Nang tah bii aka yah puei nawh, Pathen kah awltak te asoengla aka cangpueikung la na awm van angla Pathen kawtlaakna te na dangna ham yawm lah.

Hebrew 12:23

Vaan ah miing thut la aka awm Pathen kah a ca camiing hue awmngaih kawhoe la a tunna ah nangmi tah na law u. Thlaang boeih awlcekkung oen thlaangdoeng thli kah muithla thlaangsoep la aka sai Pathen tengla te na law u.

James 1:15

Tecoengah amah kah athe ngaihna te a kaw khuiah suen tih thawlhna te a cuun; te thawlhna tah roeng hang tih duekna te a cuun.

James 1:21

Tedawngah nangmi lawng tuiilehkap moeiboe boeih oen athe khawboe ramlang boeih te hoett u loeih. Pathen tengah te nawn u langtah nangmi aka thlawn thai na lungbui khuiah avan ling awl te do u lah.

James 3:14

Tede, na kaw khuiah thlaang uett-eena, thlaang thina, namah ham bueng poekna te na khueh u atah namami kah cuihna dawngah oekthloenna oen ah awltak te oelhtaih u boel.

1Peter 1:23

Tedawngah aka hing tih dungyan aka cak Pathen awl rang oen nangmi tah na thangthaai u poen; aka duek thai nu oen pa kah ca-anau angla nawh tih aka duek thai nawh kah ca-anau la na awm u.

1Peter 1:3

Mami Bawipa Jesuh Khrih kah ana Pa oen Pathen te mami lawng uem u lah sih! Metihtiah aka lenduet a lungna lawngah Jesuh Khrih te duekna kalawng a thawh sakna rang oen mami he hingna a thaai m'peek poen. Tedawngah mami tah aka hing ngaiuepna oen m'betoet u,

1Johan 3:9

A-u khaw Pathen kah ca-anau la aka awm tengah Pathen kah pumsa tah ahimi dawngah awm tih thawlhna te sai poepa nawh. Metihtiah Pathen tah ahimi kah ana Pa la a awm dawngah ahih lawng thawlhna sai taitu nawh.

Olphong 14:4

Te thli tah amah oen amah kuemsuem u tih hutaa tawngpa thawlhna aka sai nawh cadawng cuem la awm u tih tuuca a cehna roekk ah a vai u. Ahimi te tah thlaang boeih tim kah tlang tangte la awm u tih Pathen oen Tuuca tengah a nawn lamhacuek ni.