James 1:12 - Matu Chin New Testament 2006

¹² Noekdakna a tawng vengah acak rap uep-awm la aka pai tah yotheen a dawng u, metihtiah te ang noekdakna te a taa thai tih Pathen lawng amah aka lungna thlaang thli ham awl a kam hingna te kutdo la a dang ai.

Matu Bible

¹² Yoethen hlang long tah noemcainah a ueh. Ueppang la aka om long ni hingnah rhuisam te a dang eh. Te tah amah aka lungnah rhoek ham a kam pah coeng.

James 1:12 Iomraidhean Croise

Mathai 10:22

Kai kawng dawngah thlaang boeih lawng nangmi te n'thina ai; tede a-u khaw aboettoe ueh atah Pathen lawng a thlawn ai.

Mathai 25:34

Tecoengah Sengpahrang lawng a bantang ben ah aka awm hue te, ‘Law uh, nangmi a Pa kah yotheenna aka paang hue! Law u lang dilai suen cuek veng kalawng nangmi ham a roek abah sut Vaan ram te paang u lah.

Luka 6:22

Thlaanghing Capa kawngah nangmi te thlaang lawngah n'thina u tih n'hoett sut u, n'sal aphaam tih athela n'thui u atah nangmi tah yotheen kam-awmna na dawng u!

Rom 5:4

uehthaina lawngah Pathen kaw tawngna oen Pathen kaw tawngna lawngah ngaiuepna a thoeng sak tite m'ming u.

Rom 8:28

Pathen lawngtah amah aka lungna thli ham oen amah lawng a kamthlahna angla a khue thlaang thli lawng atheenna ham thaihu boeih he a sai pe tila m'ming u.

1Korin 2:9

Tede Caciim lawng a thui angla, “A-u lawng vaikhat khaw hu nawh tih ayaak nooek nawh, a-u lawngkhaw coengg thai ai tila poek nooek nawh te amah aka lungna thlaang thli hamla soeprep te Pathen lawng a roek a bah pe poen,” tila a thui.

1Korin 8:3

Tede Pathen aka lungna thlaang te tah Pathen lawng a ming.

1Korin 9:25

Loehlangna hengna poei ah thuum ham aka ngaih boeih lawngah atlawh hlangla amah oen amah phep u, aka cak poe nawh raipai lumuek te dang hamla te tila a sai u; tede mami lawngtah tlumtloei thai nawh dungyan aka cak poe te dang hamla ni n'sai u.

2Timothy 2:15

Nang tah bii aka yah puei nawh, Pathen kah awltak te asoengla aka cangpueikung la na awm van angla Pathen kawtlaakna te na dangna ham yawm lah.

2Timothy 4:8

Tahe tah, adoengla aka hing thli a peek taana kutdo lawng te kai he n'ring poen, te kutdo te tah, Bawipa lawngah, te Khawhin ah te m'peek ai, kai bueng he m'pe manawh, amah a lawna te lungna oen a lamtoen thlaang boeih te a peek ai.

Hebrew 10:32

N'hu vengah thaihu metila a awm tite poek u lah. Pathen kah aangna nangmi teng avan pha pek vengah te raina phun soeprep na tawng u de, te raina lawng nangmi te n'taa nawh.

Hebrew 11:17

Pathen lawngah Abraham te a noek adak vengah a capa Isak te luciik la aka nawn sak te tah oengna ni. Pathen lawng Abraham tengah ni awl a kam, tede a capa khueh duen pakhat te luciik la nawn ham kamtoen oepsoeh.

Hebrew 12:5

Pathen lawng a ca-anau thli nangmi tengah thapeekna awl avan thui te na hilh u poen aw? “Ka ca, Bawipa lawng nang n'siim vengah ngaithuen lah, nang te n'toelthaam vengah na kaw boet sak boel.

Hebrew 6:15

Abraham lawng kawdaw thinsan oen a ring tih Pathen lawng awl a kam te a dang.

James 2:5

Maya manau thli aw, hutung u lah! Pathen lawngah he dilai dawngkah khawdeng thlaang thli he oengna ah kuirang la awm ham, amah aka lungna thlaang thli ham a kam pe vaan ram te pang hamla a tuek.

James 5:11

Ahimi lawngah patang a khang u thai dawngah yotheenna aka dang thlaang ni ka ti u. Jobah kah kawdaw thinsanna te na yaak u poen tih aboet ben ah Pathen lawng ahih a peek te khaw na ming u. Metihtiah Bawipa tah reenna oen thlaang kah hailam ben poekna oen ah betoet.

1Peter 3:14

Tede nangmi lawngah doengna na sai u lal maiah patang na khang u atah nangmi tah yotheenna aka dawng thlaang ni! A-u khaw rih u boel, lakueng khaw lakueng u boel.

1Peter 4:13

Te lak atah Khrih kah patang khangna te na khang u van dawngah awmngaih u lah. Te ah ni ahih kah ruep-awmna a tueng vengah nangmi lawng awmngaihna oen na betoet ai.

1Peter 4:14

Khrih hubang la na awm u dawngah nangmi te n'thui theet u atah na kaw hoe sak u lah; he tah Pathen Muithla ruep-awmna oen aka be muithla te nangmi sawah awm ti ngaihna ni.

1Peter 5:10

Tede nangmi lawng atue soetca ah patang na khang u kawlkalh coeng atah lungvatna boeih kah Pathen, Khrih ah pumkhat la awmna rang oen amah kah dungyan ruep-awmna te paang van hamla nangmi khuekung Pathen amah lawng nangmi te thlaangdoeng la n'khueh vetih acakla pai thaina oen tha-awm tharana te m'peek ai.

1Peter 5:4

Tedawngah Tuudoen Ahaam koek te a tueng vengah a aangna aka duek yum thai tlaih nawh ruep-awmna bawilumuek te nangmi lawng na dang u ai.

1Johan 4:19

Pathen lawng mami n'lungna lamha dawngah mami lawngkhaw n'lungna van.

Olphong 2:10

Nang lawng patang khang ham koei me ang khaw rih boel. Hutung lah! Seitan lawng nangmi noekdakna ham thlaangvaang te thong ah a thlaak ai; nangmi kah patang khangna te hin ha khuiah boet ai. Duek toela kai ham uep-awm la awm lah; taana kutdo la hingna kan pe ai.

Olphong 3:19

Kai lawngtah ka lungna thlaang boeih te ka toel ka thaam tih dan ka tat. Tedawngah na tha thlue sak lang na thawlhna yut lah.

Olphong 3:21

Kai tah taakung la ka awm tih tahe ah a Pa kah a bawingawlhcoen tengah ka ngawlh van angla, taakung la aka awm thli te ka bawingawlhcoen sawah kai oen haih ngawlhna nawl te ka peek ai.