James 1:1 - Matu Chin New Testament 2006

¹ Pathen oen Bawipa Jesuh Khrih kah tuihyoeihthlaang Jeem lawngah dilai peng tawm ah aka yan khonghak Pathen thlaang thli te kan toei u.

Matu Bible

¹ Pathen neh Boeipa Jesuh khrih kah sal James loh canglak mupoe koca hlainit taengah ka omngaih.

James 1:1 Iomraidhean Croise

Mathai 10:3

Filip oen Bartalomiu, Tawmas oen mangmu cawikung Matthai, Alfias capa Jeem, oen Tadias;

Mathai 13:55

“Ahih he lettama capa nawh aw? Meri he ahih kah a manu nawh aw? Jeem, Josep, Simon oen Judah he ahih kah a manau thli nawh aw?

Mathai 19:28

Jesuh lawng ahimi tengah, “Atak tang kavan thui u; San thai a pha tih Thlaanghing Capa lawng Bawi ngawlhcoen dawngah Ruep-awmna oen a ngawlh vengah nangmi ka hubang thlaihih hue nang khaw Israel thlaangphun thlaihih te uk ham bawi-ngawlhcoen dawngah na ngawl u van ai.

Marku 3:18

Andru, Filip, Bartalomiu, Matthai, Tawmas, Alfias capa Jeem, Taddias, Phunkuup Simon oen

Luka 22:30

Nangmi lawngtah ka Ram khuiah kamah kah caboi dawng na caak na awkk u vetih Israel phun paha thlaihih te uk hamla bawi ngawlhcoen dawngah na ngawl u ai.

Luka 6:15

Matthai oen Tawmas, Alfias capa Jeem oen Simon (Phunkuup a ti u te),

Johan 12:26

A-u khaw kai kah bii he bi hamla a ngaih atah ka hu ah bang seh, te dengah ni kai kah tuihyoeihthlaang thli lawngah ka awmna ah a awm u van ai. Kai kah bii aka bi te tah a Pa lawng a thangpawm ai.” a tina.

Johan 7:35

Aana khuehkung Judah thlaang thli lawngah amami khat oen khat te, “Mami lawng huh nawh ham mela a ceh vik ai? Mami phun Judah thlaang thli a awmna Krik khawpui la cet vetih Krik thlaang thli te a cang puei ai aw?

Caeltueih 1:13

Ahimi tah khawpui khuila kuun u tih amami a awmna huen la te cet u: Ahimi hue te tah; Piter, Johan, Jeem oen Andru, Filip oen Tawmas, Bartalomiu oen Matthai, Alfias capa Jeem, Phunkuup Simon; oen ah Jeem capa Judas, he hue ni.

Caeltueih 12:17

Piter lawng ahimi te awm duem hamla a kut oen noekna a peek tih thongim khui kalawng ah metila Bawipa lawng a loeih sak tite ahimi tengah a thui pe. Ahih lawngah, “He he Jeem oen atloe oengca thli tengah thui pe uh.” a tina tih ahimi te a ceh taak coeng atah atloela poe cet.

Caeltueih 15:13

Ahimi lawng awl a thui boeih u coeng atah Jeem lawng ah: “Maya manau thli, ka awl hutung u lah!

Caeltueih 15:21

Metihtiah sinakok bok-im ah n'cui veng kalawng Mosi kah Phung awl te Sabbath khawhin roekk ah a tae poepa u tih khaw tawm ah ahih awl te khaw a phawng u poen.” a tina.

Caeltueih 15:23

Ahih rawi kut ah te a dangkah angla ca a pat pe u: “Nangmi kah maya manau la aka awm kaimi celtuih thli oen ahaamca thli lawng Antiok, Siria oen Cilicia ah aka awm Gental phun maya manau thli te kan toei u.

Caeltueih 2:5

Tevengah te dilai saw ram tawm kah aka law, bokna ben ah thinkaw aka pe Judah thlaang thli te Jerusalem ah awm u.

Caeltueih 21:18

Avuen atah Jeem te huh hamla Pawl oen kaimi haih ka cet u; Khrihcabu ahaamca boeih khaw te ah te awm u.

Caeltueih 23:26

“Klaudias Lisias lawng Hinyah koei ram ukbawi Filip tengah ca kavan pat:

Caeltueih 26:7

Te ngaiuepna te tah kamami thlaangphun paha thlaihih lawng yiin, daai Pathen a bok u vengah dang hamla a ngaiuep u te ni. Hinyah kap Bawipa, te kah ngaiuepna kawngah ni Judah thlaang thli lawng kai he taya n'cawi u!

Caeltueih 8:1

Ahih a ngawn u te Sawl lawngkhaw a kaw tlaak puei van. Te khawhin kalawng tah Jerusalem kah Khrihcabu ah heem-atek patang-khangna te tong u poen. Celtuih thli thui muehla oengca thli boeih tah Judia peng oen Samaria ram ah yan khonghak.

Rom 1:1

Khrih Jesuh kah tuihyoeihthlaang, Pathen lawng Awlthang Theen phawng hamla n'tuek tih n'khue celtuih Kai Pawl lawng ca kavan pat.

Galati 1:19

Bawipa amah kah a manau Jeem bueng te ka huh tih atloe celtuih a-u khaw ka hu nawh.

Galati 2:12

Jeem lawngah avan tuih thlaang thli te avan pha thlan veng atah Piter lawng Gental maya manau thli oen ah buh haih a caak u. Tede te thlaang thli te avan pha coeng atah, Gental thlaang thli te yahhuivuen reet sak ham aka ngaih thlaang thli te a rih u dawngah nawng tih Gental thlaang thli oen buh ca haih tlaih nawh.

Galati 2:9

Mawtkung la ka poek Jeem, Piter oen Johan mi lawngah Pathen lawng biitungpui kai m'peek te acak sak u; tedawngah ahimi lawng mami boeih he biibipuei ni tila noekna la kai oen Barnabas te kut n'tuuk u. Barnabas oen kai tah Gental thlaangphun tim ah bii bi ham tih amami tah Judah thlaangphun tim ah bii bi hamla ka kaw vai u.

Philipi 1:1

Khrih Jesuh kah tuihyoeihthlaang Pawl oen Timote lawng, Khrih Jesuh ah pumkhat la aka awm Filipi khaaw kah Pathen thlaang boeih khrihcabu mawtkung hue oen bawmkung boeih tengah ca kavan pat.

2Timothy 4:21

Sikding a pha thlan ah law hamla van yawm. Jubulas, Puden, Linu oen Klaudia mi lawngkhaw atloe khrihca boenhui boeih lawng nang te n'toei u.

Titus 1:1

Pathen kah tuihyoeihthlaang oen Jesuh Khrih kah celtuih kai Pawl lawng ca kavan pat. Pathen lawng a tuek thlaang thli kah oengna cak sak ham oen mami kah bokna oen awltak cangna ah ahimi te mawt hamla tuek la ka awm tih n'tuih.

1Peter 1:1

Jesuh Khrih kah celtuih kai Piter lawngah-- Pontas peng, Galati peng, Kappadocia peng, Asia oen Bitinia peng ah thlaangpoeng poedoe angla aka awm tih aka yan khok Pathen kah thlaangtuek thli tengah ca kavan pat.

2Peter 1:1

Jesuh Khrih kah tuihyoeihthlaang oen celtuih Simon Piter lawng mami kah Pathen oen Thlawnkung Jesuh Khrih kah doengna rang oen kaimi angla aphu aka tlo oengna aka dang van nangmi tengah:

Jude 1:1

Jesuh Khrih kah tuihyoeihthlaang oen Jeem kah manau Juda lawng Pathen lawngah a khue thlaang-thli, Jesuh Khrih lawng a thlipdah tih Pa Pathen kah lungna khuiah aka awm thli tengah:

Olphong 7:4

Tecoengah Pathen kah thawhcang oen a heen thlaangmi tah thong yakhat coeng thong sawmlii coengah thong lii a awm te avan thui. Te thli tah Israel thlaangphun paha thlaihih khuikah tih,