Hebrew 3:1 - Matu Chin New Testament 2006

¹ Pathen kah thlaangkhue, Khrihca thlaangciim maya manau thli! Mami kah bokna phung ben ah Khawsoeih Bawi la awm ham Pathen lawng avan tuih Jesuh kawng te poek u lah.

Matu Bible

¹ Te dongah vaan kah khuenah neh pueipo, a cim manuca rhoek, mamih olphoei dongkah caeltueih neh khosoihham Jesuh te hmat uh.

Hebrew 3:1 Iomraidhean Croise

Johan 17:3

Tecoengah dungyan hingna ti he tah nang lawng na tuih Jesuh Khrih he ming tih Pathen taktak nang te ming he ni.

Johan 20:21

Jesuh lawng ahimi nala te, “Nangmi tengah ngaimawngna awm seh, a Pa lawng kai n'tuih van angla nangmi he kan tuih u.” tila koep a thui pe.

Johan 20:27

Tecoengah Tawmas nala te, “Na kutdawn thli te ka kut dawngah khueh langtah ka kut he bueh lah; na kut te yueng langtah ka vee he yutt yam lah. Uepvoet tlaih boel, tangna loeih!” a tina.

Caeltueih 1:15

Khawhin meyoeh yun nuem a awm coeng atah oengca thli huhtunna awm tih thlaangmi te a pum boeih la ya pakul yun awm, Piter lawng pai tih awl a thui.

Rom 11:17

Olif thingkung a liing u a beek thli khatsut te a tloek u tih te kah thingngaw dawngah te olif thingkung rawlrap a beek thli te oen a cong u. Te tila nangmi Gental thlaangphun khaw olif thing rawlrap angla na awm u tih, tahe tah Judah thlaangphun thli kah muithla ben hingna tharana te na bawn u van poen.

Rom 15:27

Te tila awltloekna a khueh u te tah amami kah kawthawh oen ni; tede ataktang atah ahimi lawng-khaw, khawdeng thli bawm ham te a sai koei bii van ni. Judah thlaangphun lawng Muithla ben kah yotheenna te Gental hue tengah arek ara van angla Gental hue lawngkhaw amami kah thaihu thaiha yotheenna a dang te oen Judah thlaangphun te a bawm van ham awm.

Rom 15:8

Tedawngah nangmi tengah kavan thui tah Judah thlaang thli yuengla Khrih tah tuihyoeihthlaang la coengg, Te tah Pathen lawng ahimi kah patuer thli tengah awl a kam te asoepna ham oen ah Pathen tah uep-awm ni tite tueng sak ham tih,

Rom 9:24

Mami tah a thlaangkhue la ng'awm u, Judah thlaangphun timkah bueng nawh tih Gental thlaangphun timkah khaw a khue.

1Korin 1:2

Pathen kah thlaangciim la awm ham khue la aka awm tih Jesuh Khrih oen tuhkaina rang oen ah amah kah a koe la aka awm Kawrin khaaw kah Pathen Khrihcabu, mami oen ahimi kah Bawipa la aka awm Jesuh Khrih te a bok tih khaaw tawm ram tawm ah aka awm thlaang thli tengah khaw, naangmi tengah khaw ca kavan pat u:

1Korin 10:17

Takawi thluem at awm tih, te takawi thluem at te n'cuut u dawngah mami he thlaangmi la tah yahawh mai cakhaw pumkhatla ni n'awm u.

1Korin 9:23

He ang thli boeih he awlthang theen kawngah ni ka sai, awlthang theen dawngkah yotheen kam-awmna te rek-ara thaina ham ni.

2Korin 1:7

Tedawngah nangmi sawah ka ngaiuep-na te tah cak; kaimi kah patang khangna te nangmi lawng na khang u van tih kaimi lawng ka dang u bawmna te khaw na dang u van.

2Korin 9:13

Nangmi lawng he bii he na bina rang oen ah Khrih kah awlthang theen te acakla na phoeih u tih na pai u thai dawngah khawseh, nangmi lawng thlaangtloe thli oen ahimi te moeihoeihna oen na peek u dawngah khawseh, thlaang yahawh lawngah Pathen te a koeh u poen ai.

Ephesa 3:6

Te awlhuep tah awlthang theen rang oen Gental thlaangphun lawng Judah thlaangphun oen haih Pathen kah yotheen kam awmna te a dang poen; ahimi tah pumkhat dawngah aka thuum haih van poen tih Jesuh Khrih rang oen ah Pathen kah awlkam te a dang poen.

Ephesa 4:1

Tedawngah, Bawipa bii ka bi dawngah thongtla kai lawngah awl kan uen u: nangmi te Pathen lawng n'khue veng kah a taring van ah te adoengla khaw sa uh.

Ephesa 4:4

Pathen lawng nangmi n'khue vengah te ngaiuepna pakhat a awm van angla pum pakhat oen Muithla pakhat ni a awm.

Philipi 3:14

Tedawngah kutdo dang hamla lansak benla te adoengla poe ka heng, te kutdo tah sawben hingna ah Khrih Jesuh rang oen Pathen kah khuena te ni.

Kolosa 1:12

Tedawngah a aangna ram ukna khuiah Pathen lawng a thlaang thli ham oepsoehla a khueh thaihu te nang lawng paang thai koei la saikung Pa te awmngaih oen koeh uh.

Kolosa 1:22

Tede tahe tah a Capa kah thlaanghing pumsa la a duekna rang oen Pathen lawng amah paya theen la n'sai poen. Te tila a sai he tah amah haiah nangmi te ciimcaih tih cawttbauh aka kap nawh la lawh ham ni.

Kolosa 3:12

Nangmi tah Pathen thlaang la na awm u; amah lawng nangmi te n'lungna tih amah hamla nangmi te n'tuek. Tedawngah thlaang kah hailam poekna, reenna, komyomna, boe-ngaaina, kawdawna oen ah khukdah u lah.

1Thessalonika 2:12

Kaimi lawng nangmi te thathluena awl, ngaimawngna awl kavan thui u tih amah Ram oen ah ruep-awmna te paang hamla nangmi khuekung Pathen awmngaihna koei la na hingna u ham kan thuituen u.

1Thessalonika 5:27

Bawipa kah saithaina aana oen ah he capat he aka oeng thlaang boeih tengah tae pe ham reenna kavan bih.

2Thessalonika 1:11

Te kawngah ni nangmi ham kaimi ka thangthui u poepa. Amah lawng nangmi n'khuena oen ating atawkk la na hingna u thai ham kaimi lawng mami kah Pathen tengah ka bih u. Pathen lawng amah kah huham tharana oen ah nangmi lawng na ngaih boeih theenna te van soep sak selangtah oengna oen bii na sai te van tluep sak seh.

2Thessalonika 2:14

He tila thlawnna dang ham kaimi lawng kavan thui Awlthang Theen oen ah nangmi te Pathen lawng n'khue u; mami Bawipa Jesuh Khrih kah ruep-awmna te dang ham oen paang van ham ni n'khue.

1Timothy 6:12

Oengna loeh-lang taana poei ah na tha khueh boeih oen heng lang dungyan hingna te namah ham lo lah; Pathen lawng nang n'khue tih mingpueikung sausi thlaang yahawh haiah na oengna te acakcala na phawng te tah dungyan hingna te huh sak ham ni.

1Timothy 6:2

Bawimanghai thli te khrihca la a awm u atah ahimi khaw mami kah maya manau la awm van poen ti u boel selang sal thli lawngah te hinyah ohla awm u boel seh. Ahimi kah bii te atheenla a bi pe tare ham awm. Metihtiah ahimi kah biibina rang oen hoeikhangna aka dang te tah ahimi lawng a lungna khrihca thli van ni.

2Timothy 1:9

Pathen lawng mami he amah thlaang la awm ham n'thlawn tih n'khue u, te tah mami kah saina dawngah nawh tih, a lungvatna tah atue a tong thlan veng kalawng Khrih Jesuh rang oen m'peek poen,

2Timothy 2:7

Awl kavan thui he atheenla poek, metihtiah he awl he boeih yaakming thaina te Bawipa lawng m'peek ai.

Hebrew 10:19

Tedawngah maya manau hue, Jesuh kah duekna rang oen Huen Ciim Koek khuila te mami lawng yalpawla n'kuun thai poen.

Hebrew 10:21

Mami lawngah Pathen im ukkung khawsoeih alenduet te n'khueh u.

Hebrew 10:23

Awlkam aka cak Pathen tah uep-awm la a awm dawngah mami lawng ngaiuepna n'khueh u te acakla phoeih mangkhak u sih.

Hebrew 13:22

Maya manau thli, thathluena awl ka thui he na vai u hamla kan ceel u. He capat kavan thut he san aih nawh.

Hebrew 2:11

Jesuh lawngtah thlaang kah thawlh-na te a ciing sak tih thawlhna ciingsakkung oen amah lawng thawlhna a ciing pe sak thlaang boeih te lawng ana Pa pakhat ni a khueh u. Tedawngah Jesuh lawng te thli te amah kah maya manau tila khue hamla yak nawh.

Hebrew 2:17

Tedawngah soeprep boeih ah maya manau angla awm ham roe la angoe tih te tila a awm te tah thlaang boeih kah thawlhna te khawdawp ngaai hamla Pathen bii a bina ah uep-awmna oen reenna aka khueh Khawsoeih Bawi la awm ham ni.

Hebrew 3:12

Oengca maya manau hue, nangmi tim ah aka hing Pathen te mangthawng taak ngaihna thinkaw lungbui the khueh nawh ham oen tangna hamla aka ngaih nawh thlaang khatca khaw na awm hau nawh ham ngaithuen uh.

Hebrew 3:14

Metihtiah mami lawng acuekca veng kah ngaikhuekna n'khueh te aboettoe acakla m'phoeih rapsaat atah mami boeih tah Khrih oen bii bi haih la ng' awm u.

Hebrew 6:20

Te kah huen ciim koek te mami m'pha thlan ah mami yuengla Jesuh lawng a pha poen tih Melkhizedek kah bii tomthlepkung la dungyan khawsoeih bawi la awm poen.

Hebrew 7:26

Tedawngah Jesuh tah mami kah ngoena aka soep sak Khawsoeih Bawi ni. Ahih tah ciim; thawlhpalhna khueh nawh tih thawlhna khaw ahih dawngah awm nawh; ahih te thlaangthawlh tim kalawng a thloeng tih vaan khawhi sawah a pawmsang hang poen.

Hebrew 7:28

Mosi kah Phungawl lawngtah aka soep nawh thlaang te khawsoeih bawi la awm ham a sai; tede Phungawl coengah aka law, Pathen lawng awl a taap tih a sai awlkam te lawngtah dungyan aka soep khawsoeih la a Capa te a khueh poen.

Hebrew 9:11

Tede he kah aka awm tangte phung-alam thaihu theen sawah Khrih tah Khawsoeih Bawi la law poen. Ahih lawng bii a bina riim-im te tah bo ngaai tih soep; te tah thlaanghing kut oen a sak riim-im nawh tih he kah sai la aka awm dilai oen khaw tuhkai u nawh.

Hebrew 9:15

Tedawngah Pathen kah a thlaangkhue thli lawngah dungyan yotheen kam-awmna Pathen lawng awl akam sut te a dangna ham Khrih lawngah paipi athaai te a sai. Te tila a dang he tah, ahimi lawng lamhacuek paipi khuiah a awm u vengkah a sai thawlhna boeih kalawng thlaangping te a duekna oen a loeih sak dawngah ni.

1Peter 2:9

Tede nangmi tah a tuek thlaangphun, seng-pahrang kah khawsoeih, thlaangphun ciim, Pathen kah thlaangphun la na awm u. Yiinna khui kalawng amah kah aangna khuila nangmi khuekung Pathen lawng kawpoekrai a sai te thui sak ham nangmi te n'tuek u.

1Peter 3:5

Metihtiah yan veng kah Pathen aka uepna hutaa thli kah a thlaang theenna tah a vaa thli kah awlngaaina dawngah awm.

1Peter 5:1

Khrihcabu ahaamca thli kai khaw ahaamca pakhat la ka awm van angla nangmi tengah reenna kavan bih u. Kai tah Khrih kah patang khangna te hukung la ka awm tih aka law ham koei ruep-awmna te khaw pang van hamla ka awm dawngah nangmi tengah reenna kavan bih.

1Peter 5:10

Tede nangmi lawng atue soetca ah patang na khang u kawlkalh coeng atah lungvatna boeih kah Pathen, Khrih ah pumkhat la awmna rang oen amah kah dungyan ruep-awmna te paang van hamla nangmi khuekung Pathen amah lawng nangmi te thlaangdoeng la n'khueh vetih acakla pai thaina oen tha-awm tharana te m'peek ai.

1Johan 1:3

Kaimi lawng ka huh u tih ka yaak u te nangmi tengah khaw kavan phawng u. Pathen oen a Capa Jesuh Khrih oen ah kaimi lawng ka khueh pawlneengna dawngah nangmi khaw na thuum thaina ham kaimi lawng ka huh tih ka yaak te nangmi tengah khaw kavan phawng u.

Jude 1:1

Jesuh Khrih kah tuihyoeihthlaang oen Jeem kah manau Juda lawng Pathen lawngah a khue thlaang-thli, Jesuh Khrih lawng a thlipdah tih Pa Pathen kah lungna khuiah aka awm thli tengah:

Olphong 17:14

Ahimi lawngah Tuuca te a teek u ai, tede tuuca oen amah lawng a khue tih a tuek thlaang thli oen uep-awm hubang thlaang thli lawngah ahimi te a taa ai, metihtiah ahih tah bawi boeih kah Bawipa oen sengpahrang boeih kah Sengpahrang la awm,” tila te a thui.

Olphong 18:20

Vaan nang, te khawpui rawk dawngah awmngaih lah! Pathen kah thlaang thli oen celtuih thli oen ah tawngha thli awmngaih u lah! Nangmi sawah a saina boeih dawngah Pathen lawng ahih te awl a cek poen!