Hebrew 2:3 - Matu Chin New Testament 2006

³ Te atah hetih aihla aka lenduet thlawnna he mami lawng n'tu la n'sak nawh atah metila mami he sa a sueng ai? Bawipa amah lawng he thlawnna he lamhacuekla a phawng tih aka ya boeih lawngah soeng tila mami tengah a tueng sak poen.

Matu Bible

³ Metla mamih loh te tluk aih la khangnah n'sawtrhoel te n'poenghal aya? Boeipa dong lamloh a thui bangla a tongcuek kah a dang khaw te loella. Aka ya rhoek long khaw mamih ham a cak sak coeng ta.

Hebrew 2:3 Iomraidhean Croise

Mathai 23:33

Nangmi ruul hue, ruul kah cadil hue! Metila hell khui tlaakna kalawng ka loeih u thai ai tila na ngaiuep u?

Mathai 4:17

Teveng tue kalawng ah Jesuh lawng, “Vaan ram tah ayoeica poen dawngah, na thawlhna yut u loeih,” tila phungthuina a tong cuek.

Marku 1:14

Johan te thong a tlaak coengah Jesuh tah Galili ram la cet tih Pathen tengkah Awlthang Theen te a phawng.

Luka 1:2

He thaihu thli he acuekca veng kalawng aka hu tih awlthang aka phawng thli lawng mami tengah avan thui te ahimi lawng a thut u.

Luka 1:69

Ahih lawngah amah kah tuihyoeihthlaang Devid cadil tha aka ra Thlawnkung avan tuih poen.

Luka 24:19

Ahih lawng, “N'tu thaihu muuem?” tila a doet. Ahih rawi lawngah, “Nazaret khaaw kah Jesuh tengah aka thoeng teta. Ahih tah tawngha pakhat la awm tih Pathen oen thlaang boeih haiah a thuina oen a saina thaihu boeih dawngah ahu aham awm tila a poek u.

Johan 15:27

Nangmi khaw acuekca veng kalawng ka tengah na awm u dawngah kamah kawng he na thui u van ai.

Caeltueih 1:22

Te thlaang te tah Bawipa Jesuh he mami oen ah khawlawng ceh poepa vengah te mami tengah aka thuum van tih Johan lawng baptisma awlthang a thui veng kalawng ah, mami teng kalawng Jesuh vaan la a luui toe ah mami tengah aka awm thlaang seh” tila a thui.

Caeltueih 2:22

Ka puei Israel thlaangphun thli, ka awl he hutung u lah! Nazaret khaaw kah Jesuh lawng Pathen kah saithaina aana a khueh tite ahih rang oen Pathen lawng a sai kawpoekrai miknoekna oen kawpoekrai thaihu oen ah aciimphanla a tueng sak poen. Te ang thli te namami mik huh ah a sai dawngah nangmi lawng na ming u.

Caeltueih 4:12

Ahih rang bueng oen ni thlawnna he huh thai la a awm; dilai pum ah he Pathen kah peek ahih nawh atah mami aka thlawn thai a-u khat khaw awm nawh.

Rom 11:14

Ka thlaangphun thli te uett-eena thinkaw a khueh sak he tah thlaangvaang mai khaw thlawn thaina ham ni.

Rom 2:3

Tede ka puei, thlaang lawng thaihu the a sai tih awl na cek vengah nang lawng awl na cek thlaangtloe angla namah khaw na awm van. Pathen kah awlcekna kalawng ka loeih ai tila na poek aw?

1Korin 1:21

Thlaanghing lawng amah kah cuihna oen Pathen te a ming thaina nawh ham amah lawng a cuihna oen a sai poen. Kaimi lawng ka phawng, “ngau-athuuna” a ti u awlthang he aka tangna thlaang te thlawn hamla Pathen lawng awl a khueng.

1Thessalonika 5:3

thlaang thli lawngah, “Soeprep boeih tah ding asuek tih ngaimawng ngaitoela awm,” a ti u vengah bawtbet khawlai maiah raina lawng ahimi te a tlaak thil ai! Tattloel hutaa ca-awm tlawhna lawng kawlkalh ah a pha angla te awm vetih a-u thlaang khaw deem manawh.

1Timothy 1:15

Khrih Jesuh tah thlaangthawlh thlawn ham dilai la va law ti he tah aka soeng tangtang awl la awm tih lawh koeloe ham koei oen tangna koei ni. Kai tah thlaangthawlh boeih lak ah athe khuet ni;

Titus 2:11

Metihtiah, Pathen lawng thlaang boeih kah thlawnna hamla a lungvatna te avan tueng sak poen.

Hebrew 1:1

Yan veng atah Pathen lawng patuer thli tengah voei yahawh hlang aphunphun la tawngha thli teng kalawng awl a thui.

Hebrew 1:14

Tetih atah, vanthlaang thli he a-u te ang kai? Ahimi tah Pathen kah bii aka bi muithla la awm tih thlawnna aka dang ham koei thli te bawm hamla Pathen kah a tuih thlaang thli ni.

Hebrew 1:2

Tede, tahe atue boetna ben atah a capa rang oen mami tengah awl avan thui. A Capa rang oen ah khawhipuempa he Pathen lawng a sai tih aboet lam ah thaihu soeprep khuehkung la ahih te Pathen lawng a tuek.

Hebrew 12:25

Tedawngah nangmi tengah awl thuikung hue kah awl te oelhtaih nawh ham ngaithuen uh. Dilai dawngah awlthang thuikung hue kah awl te hutung ham aka ngaih nawh tah loeih u nawh. Vaan kah awl aka thui te mami lawng mangthawng taak atah metila mami n'loeih pai ai!

Hebrew 4:1

Tahe atah, Pathen lawng duemna huen a thui te pha thaina ham awlkamna m'peek poen. Te kah awlkam sut duemna khuiah te pha ohla awm hau nawh ham ngaithuen u sih.

Hebrew 4:11

Tedawngah awlkam duemna te dang thaina ham atlawh ngaaila tha huer u sih. Ahimi lawng oengna a khueh u nawh dawngah duemna a dang nawh angla te mami tah pakhat khaw te tila awm u boel sih.

Hebrew 5:9

Ahih lawngah thlaangsoep la a awm coengah amah awl aka vai thlaang boeih ham dungyan thlawnna a kungpui la awm tih,

Hebrew 9:28

Tetih toengtoeng la thlaang yahawh kah thawlhna aciingna ham Khrih lawngkhaw vaikhat tah luciik la nawn u. Ahih tah apabela law koep ai, te ngoen tah thawlhna ciing sak ham tlaih nawh tih amah aka lamtoen hue te thlawn ham poen ni.

1Johan 1:1

Acuekca veng kalawng aka awm tangte hingna Awl kawng te nangmi tengah ca oen kavan thut u. Te kawng te kaimi lawng ka yaak u, mik oen ka huh u tih ka kut oen ka tek u.

Jude 1:17

Tede, Ka paya thli, mami Bawipa Jesuh Khrih kah celtuih thli lawng n'hu vengah nangmi tengah avan thui u te hilh u boel.

Olphong 7:10

Ahimi lawng, “Thlawnna tah bawingawlh-coen dawng aka ngawl Pathen oen Tuuca teng kalawng ni a law” tila paang u.