Hebrew 1:9 - Matu Chin New Testament 2006

⁹ Nang lawngtah adoeng te na ngaih tih aka soeng nawh te na thina. Tedawngah nang kah Pathen la aka awm Pathen lawng nang te n'tuek tih na paya laikoei thli a peek lak ah hinyahna oen awmngaihna te nang m'peek tila a thui.

Matu Bible

⁹ Duengnah te na lungnah tih olaeknah te na hmuhuet. Te dongah Pathen loh nang n'koelh. Na Pathen loh na pueipo lakah kohoenah situi n'koelh pai.

Hebrew 1:9 Iomraidhean Croise

Luka 4:18

“Bawipa kah Muithla tah ka sawah awm, metihtiah khawdeng lungma thli tengah awlthang theen thui hamla ahih lawng kai he n'tuek poen. Sal la a khawh khaklal thlaang thli tengah loeihna te thui hamla, mikpum haiying thli a mik a tueng koepna ham; Heemtekna patang khang thlaang thli a loeihna ham,

Johan 1:41

Vaikhat atah a maya Simon nala te, “Kaimi tah Messiah te ka huh poen” a tina. (Messiah ti he tah ‘Khrih’ ti ngaihna ni.)

Johan 10:17

Kai lawngtah hingna te ka dang koep hamla a awm dawngah hingna te peek ham ka ngaih tih a Pa lawng n'lungna.

Johan 20:17

Jesuh lawngah, “Kai he n'tu khaklal boel de lah, a Pa tengla ka cet thlan hun, tede ka manau thli tengla cet langtah, ‘ahimi oen kai kah a pa, kai kah Pathen oen ahimi kah Pathen tengla ka cet poen ai ti’ tila thui peh.” a tina.

Johan 3:34

Pathen lawng a tuih thlaang te tah Pathen amah Muithla te betoetla a peek dawngah Pathen awl te a thui.

Caeltueih 10:38

Nangmi lawng Nazaret khaaw kah Jesuh kawng oen ah ahih sawah Ciim Muithla oen tharana te metila Pathen lawng a lun pe tite a ming u. Ahih tah Pathen lawng a awm puei dawngah peng tawm ah te cet, theenna te a sai tih Raaithe bawi kah huham tharana kut khuiah aka awm boeih te a hoeih sak.

Caeltueih 4:26

Bawipa oen Messiah te oelhtaih hamla, dilai saw kah sengpahrang thli lawng kamthlah u tih, ukkung thli lawng tun u.’ tila na thui.

Caeltueih 4:27

Metihtiah Herod oen Pontias Pilat tah he khawpui khuiah Gental thlaang thli oen Israel thlaang thli oen ah nang kah aciim Tuihyoeihthlaang Messiah la na sai Jesuh te oel khak hamla tun u tangtang.

Rom 12:9

Nangmi kah lungna te thinkaw tak oen na lung u ham awm. Athe te thina uh, atheen te phoeih mangkhak uh.

Rom 15:13

Ciim Muithla tharana oen nangmi kah ngaiuepna te roep poepa ham ngaiuepna kungpui, Pathen lawngah amah te na oengna rang oen awm-ngaihna oen ngaimawngna boeih oen ah nangmi te abetoetla n'toi hawn seh.

1Korin 1:9

A Capa Jesuh Khrih mami Bawipa oen pawlneeng haih hamla khuekung Pathen tah uep-awm ni.

2Korin 11:31

Bawipa Jesuh kah Pa oen Pathen tah yoeyahla a miing thangtheenna awm hawn seh; hoem awl ka thui nawh he amah lawng a ming.

Galati 5:22

Tede Muithla lawng a thoeng sak tah lungna, awmngaihna, ngaimawngna, kawdawna, reenna, theenna, uep-awmna,

Ephesa 1:3

Mami Bawipa Jesuh Khrih kah ana Pa oen Pathen te koeh u lah sih! Metihtiah Khrih oen pumkhatla awmna ah vaan ben kah Muithla yotheen kam-awmna soeprep peekna oen mami he yotheenna m'peek u.

Philipi 2:9

Tedawngah Pathen lawng ahih te asaw sang koek huen ah a pawmsang tih miing tloe boeih lak ah miing luekoek a peek.

Hebrew 2:11

Jesuh lawngtah thlaang kah thawlh-na te a ciing sak tih thawlhna ciingsakkung oen amah lawng thawlhna a ciing pe sak thlaang boeih te lawng ana Pa pakhat ni a khueh u. Tedawngah Jesuh lawng te thli te amah kah maya manau tila khue hamla yak nawh.

Hebrew 2:9

Tede mami lawngah Pathen kah lungvatna oen thlaang boeih ham duek hamla vanthlaang thli lak ah ahem bet la aka awm Jesuh te n'huh u. Te tila te duekna patang a khangna rang oen tahe atah ruep-awmna oen hinyahna lumuek te a muek poen tite n'huh u.

Hebrew 7:26

Tedawngah Jesuh tah mami kah ngoena aka soep sak Khawsoeih Bawi ni. Ahih tah ciim; thawlhpalhna khueh nawh tih thawlhna khaw ahih dawngah awm nawh; ahih te thlaangthawlh tim kalawng a thloeng tih vaan khawhi sawah a pawmsang hang poen.

1Peter 1:3

Mami Bawipa Jesuh Khrih kah ana Pa oen Pathen te mami lawng uem u lah sih! Metihtiah aka lenduet a lungna lawngah Jesuh Khrih te duekna kalawng a thawh sakna rang oen mami he hingna a thaai m'peek poen. Tedawngah mami tah aka hing ngaiuepna oen m'betoet u,

1Johan 1:3

Kaimi lawng ka huh u tih ka yaak u te nangmi tengah khaw kavan phawng u. Pathen oen a Capa Jesuh Khrih oen ah kaimi lawng ka khueh pawlneengna dawngah nangmi khaw na thuum thaina ham kaimi lawng ka huh tih ka yaak te nangmi tengah khaw kavan phawng u.

Olphong 2:15

Tetih van angla Nikolas kah cangpueina aka vai thlaang khatsut nangmi tim ah awm.