Hebrew 1:3 - Matu Chin New Testament 2006

³ Ahih tah Pathen kah ruep-awmna aangna aka tueng sak tih Pathen amah coenggna oen aka lo u taktak ni. Huham tharana aka awm awl oen khawhipuempa he a khawl acuui tih a cak sak. Thlaanghing ham thawlh khawdawp ngaaina oen thawlh ciimna a sai coengah, vaan ah Huham Thara sangkoek Pathen kah bantang ben ah te ngawl.

Matu Bible

³ Anih tah thangpomnah khosaeng neh a ngaikhueknah kah mueimae la om. A thaomnah olka neh a cungkuem a khoem. Tholh cimcaihnah a saii tih hmuen sang kah Boeilennah bantang ah ngol.

Hebrew 1:3 Iomraidhean Croise

Mathai 22:24

Ahimi lawng, “Saya, Mosi kah cangpueina dawngah thlaang pakhat a ca cuun ohla a duek atah a manau lawng a yu te a yuna roe roe ai. Te tila a yuna tih a ca a cuun hih atah aka duek tangte a maya kah a ca la awm ai,” ti.

Marku 16:19

Bawipa Jesuh lawng ahimi te awl a thui pe coengah vaan la luui tih Pathen bantang ben ah te ngawl.

Johan 1:14

Te awl te tah thlaanghing la coengg tih lungvatna oen awltak oen ah betoet, mami tim ah he awm. Mami lawng amah kah ruep-awmna te n'huh u, te ruep-awmna te tah ana Pa kah khuehduen pakhat bueng Capa la a awm te ni.

Johan 1:29

Avuen khawhin atah amah tengla Jesuh a law te Johan lawng a huh tih, “Dilai thawlhna aka phuei Pathen kah Tuuca ke bueh u lah!

Johan 1:4

Te awl te tah hingna kungpui la awm tih te kah hingna lawngah thlaanghing tengla aangna te avan khuen.

Caeltueih 2:33

Ahih tah ana Pa Pathen kah bantang ben ah a ngawlh sak poen tih ana Pa kah awlkam angla Muithla te a dang poen. Tahe ah nangmi lawng na huh u tih na yaak he tah kaimi sawah avan toi amah kutdo ni.

Caeltueih 7:56

Ahih lawngah, “Bueh lah! Vaan ke awng u tih Pathen kah bantang ben ah Thlaanghing Capa aka pai ke ka huh!” tila a thui.

Rom 1:16

Awlthang Theen tah ka uepna rapsaat; aka tangna thlaang boeih thlawnna hamla Pathen kah tharana ni. Lamhacuekla Judah thlaangphun ham tih tecoengah Gental thlaangphun hamla khaw awm.

Rom 8:34

Tedawngah ahimi te a-u lawng thawlh a peel thai ai? Khrih Jesuh lawngkhaw thawlh peel manawh; Ahih tah duek, tede tho koep, Pathen bantang ben ah ngawl tih mami hamla reenna avan bih.

2Korin 4:4

He dilai kah raaibawi pathen lawng ahimi kah thinkaw te yiinna khuiah a khueh dawngah ahimi lawngah tangna u nawh. Ahih lawngah Pathen oen aka lo u tangtang Khrih kah ruep-awmna kawng Awlthang Theen dawng kalawng aka thoeng aangna, ahimi sawah aka vangg aangna te huh nawh ham a dah khoep.

Kolosa 3:1

Nangmi tah Khrih oen hingna benla na tho haih u poen, tedawngah Pathen bantang ben ah Khrih lawng a bawi ngawlhcoen dawng a ngawlhna huen, vaan ram kah thaihu dawngah na lungbui te khueh uh.

Titus 2:14

Mami he athe-arana boeih dawng kalawng thlawn ham oen mami he thlaang ciim la sai tih amah bueng kah koe la awm ham oen ah theenna te thinkaw thluembuek oen aka sai ham, amah kah hingna roe te mami hamla a peek.

Hebrew 1:13

Pathen lawng a vanthlaang thli te: “Na raal thli he na khowpha huiah khowtloengna la ka khueh thlantoe ka bantang ben ah ngawl” tina vai nawh.

Hebrew 10:12

Tede Khrih lawngtah thawlh-thlamna ham luciik thawthuengna vai at a nawn tih te tah dungyan ham khoek poen. Tecoeng atah Pathen kah bantang ben ah te ahih tah ngawl poen.

Hebrew 12:2

Mami kah oengna atongna kalawng aboetna toe apangtungna thinglam dawng duekna te rih nawh! Te thinglam dawng duekna voel ah awmngaihna lawng a ring poen dawngah thinglam dawng duekna te yahpawhna tila poek nawh tih tahe ah Pathen kah bawi ngawlhcoen bantang ben ah te ngawl poen.

Hebrew 4:14

Tedawngah mami lawng oengna te acakla phoeih rap u sih. Metihtiah, Pathen Capa Jesuh tah mami kah aka lenduet Khawsoeih Bawi la awm tih Pathen a awmna la te cet poen.

Hebrew 7:27

Ahih tah atloe khawsoeih bawi hue oen lo u nawh; Ahih lawngah lamhacuekla amah kah thawlhna oen thlaangping kah thawlhna dawngah khawhin roekk ah thawthueng ham ngoe nawh. Ahih lawngah amah oen amah te vai at ah akhoekkoengla dungyan ham thawthuengna pakhat a sai poen.

Hebrew 8:1

Kaimi lawng awlpui la ka thui u tah vaan ah Huham tharakoek Pathen kah ngawlhcoen bantang ben ah aka ngawl Khawsoeih Bawi pakhat mami lawng n'khueh u ti he ni ka thui u.

Hebrew 9:16

Ropangna awl he tah ropangna awl aka thuikung te a duek coengah ni a hawna.

Hebrew 9:26

te tila te sai ham ngoe kawinih dilai suen cuek veng kalawng voei yahawh hlang patang a khang poen ai. Ahih lawng amah oen amah te luciik la thawthuengna rang oen thawlhna aciingna ham san boeih kah aboetna atue a pha tawm veng he ah vaikhat ah akhoek koeng la ahih tah va law.

1Peter 1:21

Amah rang oen Pathen te nangmi lawng na oeng u tih, Pathen lawng amah te duekna kalawng a thawh sak tih ruep-awmna te a peek; tedawngah nangmi kah oengna oen ngaiuepna tah Pathen dawngah cak khak.

1Peter 3:22

Ahih tah vaan la luui tih Pathen bantang ben ah te awm tih vanthlaang boeih oen vaan ah saithaina aana khuehkung boeih oen ah huham tharana boeih te a uk.

2Peter 1:16

Mami kah Bawipa Jesuh Khrih tharana huham oen a lawna te kavan thui u vengah thlaang lawng a suen coplap ciil awl te kavan thui nawh. Kaimi lawng a bawilenna te ka mik roeroe oen ka huh u.

2Peter 1:17

Ruep-awm Sawsangkoek teng kalawng “Ahih he ka lungna ka Capa ni, ahih sawah ka kaw hoe tangkiik tila ahih tengah awl va law tih Pa Pathen lawng hinyahna oen ruep-awmna a peek vengah te kaimi khaw te huen ah te ka awm u.

1Johan 1:7

Tede ahih tah aangna la a awm angla mami lawng aangna ah ng'awm u atah pakhat oen pakhat pawlneengna mami lawng n'khueh u tih a Capa Jesuh thisen oen soeprep thawlhna kalawng mami n'silh poen.

1Johan 3:5

Khrih tah thawlhna ciim sak hamla law tite na ming u, ahih dawngah thawlhna roe awm nawh.

Jude 1:25

Mami kah Bawipa Jesuh Khrih rang oen pakhat bueng la aka awm Pathen, mami thlawnkung sawah acuekca kalawng khawseh, tahe ah khawseh ruep-awmna, tharana oen saithaina aana tah dungyan toela awm hawn seh. Amen.

Olphong 3:21

Kai tah taakung la ka awm tih tahe ah a Pa kah a bawingawlhcoen tengah ka ngawlh van angla, taakung la aka awm thli te ka bawingawlhcoen sawah kai oen haih ngawlhna nawl te ka peek ai.

Olphong 4:11

“Kaimi kah Bawipa oen Pathen! Nang lawngah ruep-awmna, hinyahna oen huham tharana te dang hamla tuueng ta-ngak, Metihtiah soeprep thaihu he nang lawng na sai tih na kawngaih angla, te thli te na awm sak tih na hing sak,” tila a thui u.