Hebrew 1:2 - Matu Chin New Testament 2006

² Tede, tahe atue boetna ben atah a capa rang oen mami tengah awl avan thui. A Capa rang oen ah khawhipuempa he Pathen lawng a sai tih aboet lam ah thaihu soeprep khuehkung la ahih te Pathen lawng a tuek.

Matu Bible

² Tedae tahae kah hnukkhueng khohnin ah capa lamloh mamih taengah a thui. Anih te cungkuem aka pangkung la a hmoel tih lunglai te khaw anih rhangneh a saii.

Hebrew 1:2 Iomraidhean Croise

Mathai 13:39

Varaamcaang aka heh raal tah Seitan ni; caang ah tue tah dilai a boetna; caangaatkung tah vanthlaang hue ni.

Mathai 17:5

Piter lawng awl a thui lii vengah ahimi te aka bawk tangkiik muui lawng a thiing khoep u tih muui khuikah awl lawng, “He tah ka lungvatna ka Capa ni, ahih sawah ka kaw hoe, a awl ngaai pe uh,” tila a thui.

Mathai 21:38

Tede dum aka vat hue lawng a capa te a huh u vengah “He tah dum khuehkung kah capa, ro aka pang ham ni. Law uh, ngawn silang a ro thaihu lawh pe u sih.” ti u.

Mathai 26:63

Tede Jesuh lawng n'tu khaw thui nawh. Khawsoeih Bawi lawng pai koep tih, “Aka hing Pathen miing ka phoei tih kan doet: Nang he Pathen Capa Messiah tang aw thui lah?” a tina.

Mathai 28:18

Jesuh lawng ahimi tengla cet phai tih. “Dilai oen vaan kah saithaina aana boeih kai m'peek poen.

Mathai 3:17

Tecoengah vaan kah awl lawng, “He tah ka lungvatna ka Capa ni, ahih sawah ka kaw hoe tangkiik.” tila a thui.

Marku 1:1

He tah Pathen Capa Jesuh Khrih kawng Awlthang theen ni.

Marku 12:6

Dum khuehkung lawng a tuih ham tah a lungduet amah capa khat bueng te ni a awm poen. Hukhueng atah, ka capa he tah dum aka vat hue lawng a hinyah ai a ti dawngah a capa te a tuih.

Marku 12:7

Tede dum vat hue lawng, ‘Ahih he dum khuehkung kah a capa ni. Law uh, ngawn u sih, ahih kah ro thaihu he mami kah koeva la awm ai,” ti u.

Johan 1:10

Te awl te tah dilai ah awm, ahih rang oen Pathen lawng dilai he a sai de ahih te dilai lawng ming nawh.

Johan 1:14

Te awl te tah thlaanghing la coengg tih lungvatna oen awltak oen ah betoet, mami tim ah he awm. Mami lawng amah kah ruep-awmna te n'huh u, te ruep-awmna te tah ana Pa kah khuehduen pakhat bueng Capa la a awm te ni.

Johan 1:3

Ahih rang oen ah Pathen lawng thaihu boeih he a sai; Ahih rang oen ah a sai mueh thaihu khat khaw awm nawh.

Johan 13:3

Jesuh lawngah tharana cungkuem ana Pa lawng a peek te a ming; ahih lawngah Pathen tengkah ka law tih Pathen tengla ka cet ai ti khaw a ming.

Johan 13:32

Tecoengah ahih rang oen Pathen kah ruep-awmna te a tueng atah Pathen lawng Thlaanghing Capa amah dawngah ruep-awmna te a tueng sak vetih avan sai pahoei poen ai.

Johan 15:15

Nangmi te tuihyoeihthlaang kan tina tlaih nawh, metihtiah tuihyoeihthlaang lawngtah a bawipa kah a sai te ming nawh. A Pa tengkah ka yaak boeih te kavan thui poen dawngah nangmi he ka paya kan tina u poen.

Johan 16:15

A Pa kah a khueh boeih te tah kai kah ni; tedawngah Muithla lawngtah kai lawng ka peek te a lawh vetih nangmi tengah avan thui ai tila kavan thui u.” a tina.

Johan 17:2

Nan peek boeih te dungyan hingna ka peek thaina ham thlaang boeih sawah sai thaina aana te nan peek poen.

Johan 3:16

Pathen lawng dilai he a lungna tangkiik dawngah a Capa khat bueng khueh duen te a peek, ahih te aka tangna boeih tah duek manawh, dungyan hingna te a khueh ai.

Johan 3:25

Johan kah hubang khatsut hue tah bokna benkah ciimcaihna kawngah te Judah thlaang pakhat oen awl puung u.

Johan 5:26

Ana Pa amah te hingna kungpui la awm, tetih van la a Capa te hingna kungpui la awm ham a sai poen.

Johan 5:27

Tecoengah a Capa tah Thlaanghing Capa la a awm dawngah awl cek thaina te a peek poen.

Johan 9:29

Kaimi lawngtah Pathen lawng Mosi tengah awl a thui pe te ka ming u, tede nang lawng a hu ah na vai thlaang te tah ame kalawng a law ti khaw ka ming u nawh!” a tina u.

Caeltueih 10:36

Thlaang boeih kah Bawipa la aka awm Jesuh Khrih rang oen ngaimawngna Awlthang Theen a thui tih Israel thlaang thli tengah Pathen lawng a peek te na ming u.

Caeltueih 2:17

Ahih lawngah, ‘Khawhin aboetna a pha atah, Pathen lawng: Thlaang boeih he ka Muithla oen ka toi ai. Na capa thli oen na canu thli lawngah ka awl he a phawng u ai; Thlaangno roeng thaai thli lawng huhthlaam a huh u vetih Ciya patawng hue lawngah mang a man ai.

Rom 1:4

Pathen la a awmna oen ciimna ben atah huham tharana oen duekna kalawng a thawhna rang oen ah Pathen Capa la a awm te a tueng sak.

Rom 8:17

Mami tah amah kah ca-anau la n'awm u veng kalawng a thlaang hue ham a khueh pe kam-awm yotheenna te n'dang van ai. Pathen lawng Khrih ham a khueh pe te mami lawngkhaw m'paang van ai; metihtiah Khrih kah patangraina te n'cuut u atah, mami lawng amah kah ruep-awmna te khaw m'paang van ai.

1Korin 2:7

Kai lawng ka phawng cuihna te tah Pathen kah cuihna awlhuep thlaanghing tengah pho sak ohla thuh khak la aka awm tih dilai a suen thlan veng kalawng mami kah ruep-awmna ham avan khueh tangte cuihna te ni.

1Korin 8:6

mami ham tah Pathen pakhat bueng ni a awm, ahih tah soeprep boeih saikung la awm tih ahih hamla mami tah n'hing u; tecoengah Jesuh Khrih Bawipa pakhat bueng te awm, ahih rang oen ah soeprep tah sai la awm tih ahih rang oen mami he n'hing u.

Galati 4:4

Tede aboetna ah atue atang anuen te apha khuek vengah tah Pathen lawng a Capa te avan tuih. Thlaanghing hutaa kah capa angla te law tih Judah Phungawl huiah te khaw a sak,

Ephesa 1:10

Pathen lawng atue akhoek vengah soep sak ham a ngaih tah vaan oen dilai dawngah aka awm soeprep a sai boeih te thik at la cawitun tih Khrih te a luu la khueh sak ham te ni.

Ephesa 3:9

Pathen lawng ahuepla khaw akhan te metila ataktangla a thoeng hang tite thlaang boeih ming sak ham biitungpui te kai m'peek. Thaihu soeprep Suenkung Pathen lawng n'hu veng atah amah kah awlhuep te a thuh a elh,

Hebrew 1:5

Pathen lawngah a vanthlaang a-u khat khaw, “Nang tah ka Ca la na awm tih tihin ah Kai tah nang kah na Pa la ka awm poen” tina vai nawh. Tecoengah me ang vanthlaang khaw “Kai tah ahimi kah ana Pa la, ka awm vetih ahimi tah ka Ca la awm ai,” tina vai nawh.

Hebrew 1:8

A Capa kawng tah Pathen lawng: “Aw Pathen, namah kah ram tah dungyan toe cak ai! Nang lawngtah na thlaang thli te doengna oen na uk ai.

Hebrew 11:3

Pathen awl lawng huh thai nawh khui kalawng huh thai he a sai tih Pathen kah awl lawng khawhipuempa he a sai tila mami lawng yaakming he tah oengna oen ni.

Hebrew 2:3

Te atah hetih aihla aka lenduet thlawnna he mami lawng n'tu la n'sak nawh atah metila mami he sa a sueng ai? Bawipa amah lawng he thlawnna he lamhacuekla a phawng tih aka ya boeih lawngah soeng tila mami tengah a tueng sak poen.

Hebrew 3:6

Tede Khrih tah Pathen im khuiah ukkung uep-awm a Capa la awm. Mami lawng ngaiuepna dawngah thincakna n'khueh tih uepvoetna a awm nawh atah mami tah amah kah im ni.

Hebrew 4:14

Tedawngah mami lawng oengna te acakla phoeih rap u sih. Metihtiah, Pathen Capa Jesuh tah mami kah aka lenduet Khawsoeih Bawi la awm tih Pathen a awmna la te cet poen.

Hebrew 5:8

Tecakhaw Pathen Capa la awm de, Pathen awl aka ngaai thlaang la coengg ham ah patang khangna oen a cang.

Hebrew 7:28

Mosi kah Phungawl lawngtah aka soep nawh thlaang te khawsoeih bawi la awm ham a sai; tede Phungawl coengah aka law, Pathen lawng awl a taap tih a sai awlkam te lawngtah dungyan aka soep khawsoeih la a Capa te a khueh poen.

Hebrew 7:3

Melkhizedek kah a manu oen ana pa oen ah an patuer hue kah akawng alam cathut khaw awm nawh; ahih kah a cuunna oen a duekna akawng alam cathut khaw awm nawh. Ahih tah Pathen Capa angtoekla awm tih; dungyan khawsoeih la poe awm.

Hebrew 9:26

te tila te sai ham ngoe kawinih dilai suen cuek veng kalawng voei yahawh hlang patang a khang poen ai. Ahih lawng amah oen amah te luciik la thawthuengna rang oen thawlhna aciingna ham san boeih kah aboetna atue a pha tawm veng he ah vaikhat ah akhoek koeng la ahih tah va law.

1Peter 1:20

Ahih te tah dilai suen thlan vengah Pathen lawng a tuek poen tih he kah atue khawhin aboetna tue vengah nangmi ham avan tueng sak.

2Peter 3:3

Lamhacuek ah nangmi lawng na ming u ham tah atue khawhin aboet ben ah ngoen tah a hingna te amami kah pumsa ngaihna lawng a uk thlaang khatsut law ai. Ahimi lawng nangmi te n'nuihna u vetih,

Jude 1:18

Ahimi lawng avan thui tah “Atue boetna khawhin apha veng atah nangmi nuihbu kamring la aka thui thlaang thli, Pathen te tula sak ohla amami kawngaih aka vai thlaang law ai,” tila a thui te ni.