Galati 4:3 - Matu Chin New Testament 2006

³ Tetih van angla mami khaw muithla ben ah kawpoeksoepna n'khueh thlan vengah te khawhipuempa aka uk muithla kah saltamnaa la n'awm u.

Matu Bible

³ Te dongah mamih khaw cahmang la n'om uh vaengah diklai kah a niing hmuiah sal aka bi la n'om?

Galati 4:3 Iomraidhean Croise

Mathai 11:28

“Thalrih aka phuei tih tha aka hoengg thli boeih ka tengla law u lah, kai lawngah duemdawngna kan pe u ai.

Johan 8:31

Tedawngah Jesuh lawng amah aka tangna thlaang thli tengah, “Kai lawng kan cang puei u he nangmi lawng na tangna u atah nangmi tah kai kah hubang tangtang la na awm u;

Caeltueih 15:10

Tedawngah, n'tu hamla nangmi kah patuer thli lawngkhaw, mami nawn lawngkhaw phueih thai nawh thalrih te oengca thli na phueih sak rang oen tahe ah Pathen te noekdak ham na ngaih u?

Rom 7:14

Phungawl he muithla ben thaihu ni tite mami lawng m'ming u; tede kai tah thawlhna tengla sal angla a yoeih thlaang ni.

Rom 8:15

Metihtiah Pathen lawng m'peek u Muithla tah nangmi te sal la coengg sak ham oen ah birih ngaihuet sak ham nawh tih; te Muithla lawngtah nangmi te Pathen kah ca-anau la sai ham ni. Te Muithla kah tharana rang oen Pathen te, “A Pa! a Pa!” tila n'khue thai.

2Korin 11:20

Nangmi lawng ngoen tah, asoeng nawh la nangmi aka uk thli khaw, nangmi te thailatna tih apueh aka ca thli khaw, namami kah awlthuina dawngah khup lat la aka sai thli khaw, nangmi te huhsit thlaang thli khaw, na mik-hai te aka bel thli khaw, khawdawp na ngaai u thai ngoen ta.

Galati 2:4

Khrih Jesuh oen pumkhatla mami awmna rang oen loeihna n'khueh u te ming hamla thlaang khatsut tah aka oeng tangtang van angla sa u tih raalyam angla mami bu khuiah ahuepla va kuun u. Ahimi lawngah mami he saltamnaa la te sai ham a ngaih u.

Galati 3:19

Tetih atah Phungawl kah kam-thlahna he ta n'tu kai? He tah thawlhna he ame ang kai tite tueng sak ham a tawm athap tih te tah awlkamna aka dang Abraham cadil a law thlantoe ah aka cak ham mai ni. Phungawl he tah vanthlaang lawngah laipai thlaang pakhat tengah patoeng avan peek.

Galati 4:2

Camaw la a awm vengah ana pa lawng atue-atang anuen te apha thlantoe atah ahih te doenkung thli oen kaawn-ava oen ah thaihu boeih khoemdoenkung thli lawngah te a tahu tabem u.

Galati 4:24

He thaihu he nuehtahna ah yaakming koei la awm: hutaa pahih rawi he awlkam paipi pahih yuengla awm. Hutaa pakhat, Hagar lawngtah a ca thli te saltamnaa la a cuun tih Sinai Tlaang ah a sai paipi nuehtahna yuengah Hagar te awm.

Galati 4:25

Hagar tah Arabia ram kah Sinai Tlaang yuengla awm tih ahih tah tahe veng Jerusalem Khawpui khuikah thlaang boeih oen saltamnaa thli nuehtahna la awm.

Galati 4:31

Tedawngah maya manau thli, mami tah salnu kah a ca-anau nawh tih thlaangcuem nu kah a ca-anau thli ni.

Galati 4:8

N'hu veng atah nangmi lawng Pathen te na ming u nawh tih pathen rawlrap hue kah saltamnaa la na awm u.

Galati 4:9

Tede tahe atah nangmi lawng Pathen te na ming u poen, tihnawhtah he tila ka ti ai ta, Pathen lawng nangmi te m'ming u poen, tetih atah n'tu hamla tha aka awm nawh tih tula khaw aka coengg nawh muithla benla te mel koep ham na ngaih u? N'tu hamla ahimi kah saltamnaa la te awm koep ham na ngaih u?

Kolosa 2:20

Nangmi tah Khrih oen na duek haih u tih khawhipuempa kah muithla boeih ukkung teng kalawng na loeih u poen. Teahtah, n'tu ah he dilai hingna angla na hing khuep u?

Kolosa 2:8

Tecoengah Khrih tengkah ohla thlaang kah cangpueina patoeng oen khawhipuempa ukkung Muithla teng kalawng ah aka law, aphu aka awm nawh thlaanghing kah cuihna oen a-u lawngkhaw nangmi te sal la n'sai u nawh ham ngaithuen uh.

Hebrew 5:12

Nangmi he tahe vengah cangpueikung saya la pateng na awm u ham khoek thlai poen de, Pathen kah awl te akungcuek kalawng nangmi cang puei ham thlaangtloe te tahe toe na ngoe u hun. Nangmi lawngah buh tangtang te na caak u thai ham awm poen de tahe toe ah suuktui na awkk u khaak hun.

Hebrew 7:16

Ahih tah thlaanghing kah sai phung alam oen phung angla khawsoeih la coengg nawh, tede aboetna aka awm nawh hingna tharana rang oen ni a coengg.