Galati 2:2 - Matu Chin New Testament 2006

² Pathen lawngah na ceh ham awm tila avan thui dawngah ka cet. Mawtkung thli oen pumpakla ka huh u vengah te Gental thlaangphun thli tengah awlthang theen ka phawngna kawng te ka thui pe. N'hu veng kah bii ka bi te khaw, tahe ah bii ka bi he khaw apoeila coengg sak ham ka ngaih nawh.

Matu Bible

² Tedae pumphoenah neh ka caeh vaengah namtom taengkah ka hoe olthangthen nen ni amih ka pawnhlai. Amah van ah te rhoek a ming a om dongah a yong khaw a tlongtlai la a ka yong pawt khaming.

Galati 2:2 Iomraidhean Croise

Mathai 10:16

“Hutung u lah! metaang tim ah tuu angla nangmi he kan tuih u. Tedawngah ruul angla na cuih khueh u lang akhuu angla na kaw daw sak uh.

Caeltueih 15:12

Barnabas oen Pawl lawng, ahih rawi rang oen Gental thlaangphun tengah Pathen lawng kawpoekrai miknoekna oen kawpoekrai thaihu a sai kawng te a thui hih vengah thlaangping lawng sap a hutung u.

Caeltueih 15:2

Pawl oen Barnabas tah he kawngah ahimi oen oelh ataih u tih awl puung u. Tedawngah Pawl oen Barnabas he Antiok kah thlaang khatsut oen Jerusalem la cet u selang tah he kawng he celtuih thli oen ahaamca thli te doet u seh tila awl a thui u.

Caeltueih 15:4

Jerusalem te ahimi a pha veng atah khrihcabu oen celtuih thli oen ah ahaamca thli lawng ahimi te a do u tih ahimi rang oen Pathen lawng thaihu a sai boeih te a thui pe u.

Caeltueih 18:9

Yiin at atah Pawl lawng huhthlaam a huh tih te kah huhthlaam dawngah Bawipa lawng, “Rih boel, toeng tlaih ohla awlthang te poe thui,

Caeltueih 23:11

Te kah khawyiin ah te Bawipa tah Pawl tengah pai tih, “Rih boel! Jerusalem ah he kai ham sausi la na pai angla Rom khawpui ah khaw he tila na pai hun ai.” a tina.

Caeltueih 5:34

Tede ahimi timkah Farasi thlaang pakhat, thlaang boeih lawng a hinyah tangkiik, Phungawl cangpueikung Gamaliel aka miingna te awlcekna Khonsil ah pai tih, celtuih thli te adaubenla khuen kawlkalh ham awl a peek tih,

Rom 9:16

Tedawngah soeprep he mami thlaanghing kawngaih oen saina dawng nawh tih Pathen kah reenna rang oen ni.

1Korin 1:23

Kaimi lawngah thinglam dawngkah a ngawn u Khrih te ka phawng u tih te awlthang te Judah thlaang thli ham tah tlimna lungto la awm tih Gental thlaang thli ham tah awlpoei la awm;

1Korin 2:2

Metihtiah nangmi oen n'awm haih u vengah te awlpuila thinglam dawngah Jesuh Khrih kah a duekna kawng nawh atah soeprep boeih te hilh bangtlang tih thui tlaih nawh ham thinkaw ka melh rap poen.

1Korin 9:24

Loehlang heengna poei ah thlaang yahawh lawngah loeh u de pakhat lawng ni kutdo a dang tite na ming u. Tedawngah kutdo huh hamla heeng u lah.

1Korin 9:26

Tedawngah kai tah mengtengna lansak te pha ham adoengla ka heeng phaat; thoekna poei ah kut thluem oen thlaang phak phak aka thoek thlaang angla ni ka awm.

2Korin 12:1

Oekthloenna lawng he thaihu theen khat khaw sai nawh de, ka oekk u de lah ai. tede tahe ah Bawipa kah peek huhthlaam oen awlphawng te ka thui lah ai.

Galati 1:12

Te awlthang theen te kai lawngah thlaanghing tengkah ka dang nawh tih a-u lawngkhaw kai he n'cang puei nawh. Te tah Jesuh Khrih amah lawng ka tengah avan phawng ni.

Galati 1:16

Gental thlaangphun tengah amah kawng Awlthang Theen phawng hamla amah capa te kai tengah avan tueng sak vengah te a-u tengah khaw poekna bih ham ka cet nawh.

Galati 1:6

Ka kawpoek rai tangkiik mah aw! Khrih kah lungvatna oen nangmi khuekung te bawtbet khawlai kawl-kalhca maiah na hoett u tih awlthang theen atloe te na do u.

Galati 2:6

Tede mawtkung ni tila ka poek thlaang hue lawngah te poekna atheen kai he m'pe u thloei nawh. Mawtkung la ka poek thlaang thli te metila awm u mai cakhaw kai ham tah awlpui mai nawh. Metihtiah Pathen lawngtah thlaang he asaw ahan kah huhna oen awl khueng nawh.

Galati 2:9

Mawtkung la ka poek Jeem, Piter oen Johan mi lawngah Pathen lawng biitungpui kai m'peek te acak sak u; tedawngah ahimi lawng mami boeih he biibipuei ni tila noekna la kai oen Barnabas te kut n'tuuk u. Barnabas oen kai tah Gental thlaangphun tim ah bii bi ham tih amami tah Judah thlaangphun tim ah bii bi hamla ka kaw vai u.

Galati 5:7

Nangmi lawng atheenla na sai u ngoen ta! Nangmi lawng awltak na vai u te a-u lawng n'toeng sak u?

Philipi 2:16

Te tila na sai u atah Khrih khawhin ah nangmi rang oen mik-hai theen ka dang ai, metihtiah kai lawng ka yawmna boeih oen ka bi boeih te apoei-oep nawh ni tite na tueng sak ni.

Philipi 2:29

Tedawngah nangmi lawng ahih te Bawipa ah boenhui pakhat angla awmngaih oen van do uh. Ahih angla aka awm thlaang boeih te van hinyah uh,

1Thessalonika 3:5

Tedawngah ni Timote kavan tuih. Ka kaw tamte tlaih nawh tih nangmi kah oengna kawng te ming ham ka ngaih dawngah ahih te kavan tuih. Nangmi te Seitan lawng n'suek u vetih kaimi kah bii boeih te apoeila coengg hau ai tite ka lakueng.

2Timothy 4:7

Loehlangna poei ah khaw ka tha khueh boeih oen ka yawm poen, athla hlang aboet kheng toela ka heeng poen; oengna te ka phoeih rapsaat poen.

Hebrew 12:1

Tedawngah he yoeh aih la sausi yahawh lawng mami he n'yaawl khoep poen dawngah mami cehna lawngpui ah kanghalhkung thaihu soeprep boeih oen mami pum ah aka bat mangkhak thawlhna boeih te dul u silang tah mami haiah avan khueh lansak benla te loehlang u silang heng u sih.