Galati 1:6 - Matu Chin New Testament 2006

⁶ Ka kawpoek rai tangkiik mah aw! Khrih kah lungvatna oen nangmi khuekung te bawtbet khawlai kawl-kalhca maiah na hoett u tih awlthang theen atloe te na do u.

Matu Bible

⁶ Khrih kah lungvatnah dongah nangmih aka khue taeng lamloh a tloe olthangthen la ki na buung uh te ka ngaihmang van.

Galati 1:6 Iomraidhean Croise

Marku 6:6

Thlaangping lawngah Oengna a khueh u nawh dawngah Jesuh tah a kawpoek rai sut. Tecoeng atah Jesuh lawng te kah vangca vangnau te a hiil tih thlaang thli te a cang puei.

Johan 9:30

Te thlaang lawngah, “Ahih lawngah, ka mik he avan tueng sak lal maiah ame kalawng a law khaw ka ming nawh na ti u te kawpoek rai ham awm!

Caeltueih 15:11

Tetih moenih ta! Ahimi angla mami lawngkhaw n'tangna u van tih Bawipa Jesuh kah lungvatna rang oen thlawnna n'dang u.” a tina.

Rom 10:3

Pathen lawng thlaang he me ang along a-im oen amah oen ah a roep u sak ti he ahimi lawng ming u nawh, amami kah lawngpui te sai ham a yawm u dai, tedawngah Pathen lawng amah oen thlaanghing roepna a sai lawngpui te paang u nawh.

Rom 5:2

Ahih lawngtah oengna rang oen mami he Pathen kah lungvatna khuila n' kuun puei u poen, te lungvatna khuiah tahe n'awm u. Tedawngah Pathen bawilenna n'bur haih u ai tila ngaiuepna oen n'tha thlue u.

Rom 8:28

Pathen lawngtah amah aka lungna thli ham oen amah lawng a kamthlahna angla a khue thlaang thli lawng atheenna ham thaihu boeih he a sai pe tila m'ming u.

Rom 8:30

Tedawngah Pathen lawng athloekla a thloeng thlaang thli te a khue; te tila a khue thlaang thli te amah oen a roep u sak tih a ruep-awmna te khaw a paang sak.

1Korin 4:15

Metihtiah nangmi kah Khrihca khawsakna dawngah doenkung thli thongha na khueh u mai cakhaw na Pa tah pakhat bueng ni na khueh u. Metihtiah Khrih Jesuh oen pumkhatla na hingna dawngah Khrih Awlthang Theen nangmi tengah kavan khuenna rang oen na pa tah kai ni.

2Korin 11:4

Metihtiah, thlaang pakhat lawng nangmi tengah law tih kaimi lawng ka thui nooek nawh atloe Jesuh te avan thui u vengah nangmi lawng na uemdoeh tih awmngaihla khawdawp na ngaai u. Nangmi lawngah kaimi teng kalawng na dang u Muithla oen awlthang theen oen ah aka vai u nawh muithla oen awlthang te na do u!

2Korin 2:17

Kaimi tah Pathen kah awl te aphu aka awm nawh thaihu thaiha la aka sai thlaangtloe hue oen ka lo u nawh; tede Pathen lawng kaimi he n'tuih u dawngah, Khrih kah tuihyoeihthlaang la ka awm u van angla Pathen haiah te thinkaw ciimna oen ka thui.

Galati 1:11

Maya manau thli, nangmi teng-ah kavan thui awlthang theen he thlaanghing teng kalawng akung tong la awm nawh tite kavan thui u ai.

Galati 1:15

Tede Pathen lawng a lungvatna oen ah ka thang thlan veng kalawng n'tuek poen tih amah kah bii bi hamla n'khue.

Galati 1:7

Ataktang atah, “awlthang theen atloe” awm nawh, tede he tila ka thui he tah, nangmi te ngaihangtum la n'khueh tih Khrih kah awlthang theen te thawveel hamla aka yawm thlaang khatsut a awm dawngah ni.

Galati 2:14

Awlthang theen awltak lawngdoeng ah cet u nawh tila ka ming vengah Piter te rangpui haiah, “Nang he Judah thlaang balboel tah Gental thlaang angla khaw na sak tih Judah thlaang angla khaw na sa nawh. Tetih atah, metila Gental thlaang thli he Judah thlaangphun angla khaw a sakna ham na yawm mangkhak thai ai?” ka tina.

Galati 2:2

Pathen lawngah na ceh ham awm tila avan thui dawngah ka cet. Mawtkung thli oen pumpakla ka huh u vengah te Gental thlaangphun thli tengah awlthang theen ka phawngna kawng te ka thui pe. N'hu veng kah bii ka bi te khaw, tahe ah bii ka bi he khaw apoeila coengg sak ham ka ngaih nawh.

Galati 2:5

Tede, nangmi hamla awlthang theen awltak te a sa sueng tih acakna yoeyah ham kaimi lawngah ahimi te kawlkalhca khaw ka thlahphaam u nawh.

Galati 2:7

Poekna atheen peek ohla Piter te Judah thlaangphun tengah awlthang theen phawng ham bii a peek van angla te Gental thlaangphun tengah kai lawng awlthang theen phawng hamla Pathen lawng bii m'peek te a huh u dai.

Galati 5:14

Metihtiah Phungawl boeih he, “Namah oen namah te na lungna u van angla na imbe lovaai te lungna lah” tila a thui awlpeek pakhat dawngah cui boeih poen.

Galati 5:4

Phungawl vaina oen ah Pathen oen roeproei hamla aka yawm thli tah namah oen namah Khrih oen na pek u poen. Nangmi tah Pathen kah lungvatna adau benla ni na awm poen.

2Thessalonika 2:14

He tila thlawnna dang ham kaimi lawng kavan thui Awlthang Theen oen ah nangmi te Pathen lawng n'khue u; mami Bawipa Jesuh Khrih kah ruep-awmna te dang ham oen paang van ham ni n'khue.

1Timothy 1:14

Mami kah bawipa lawngah amah kah lungvatna te yahawh hlang la ka sawah avan lun tih oengna oen lungvatna te m'peek. Khrih Jesuh oen pumkhat la awmna rang oen ah te ang thli te mami kah koe-ava la awm poen.

1Timothy 1:3

Macidonia ram la ka ceh vengkah awl kan uen angla te Efesa khaaw ah na awm hamla ka ngaih. Thlaang khatsut lawng Efesa khaaw ah asoeng nawh oengna a cang puei u tih ahimi te na toeng sak ham awm.

2Timothy 1:9

Pathen lawng mami he amah thlaang la awm ham n'thlawn tih n'khue u, te tah mami kah saina dawngah nawh tih, a lungvatna tah atue a tong thlan veng kalawng Khrih Jesuh rang oen m'peek poen,

2Timothy 2:1

Ka capa nang tah Khrih Jesuh oen pumkhat la awmna rang oen n'dang u lungvatna dawngah acakla awm lah.

1Peter 1:15

Nangmi khuekung Pathen te aciim van angla nangmi khaw na saina boeih dawngah aciimla awm uh.

2Peter 1:3

Pathen amah kah ruep-awmna oen atheenna pang van hamla mami khuekung Jesuh Khrih mingna rang oen Pathen hinyahna oen ah hing hamla mami kah ngoe soeprep boeih te Pathen kah tharana huham oen m'peek poen.

Olphong 22:21

Bawipa Jesuh Khrih kah lungvatna tah thlaang boeih sawah awm seh. Amen.