Galati 1:4 - Matu Chin New Testament 2006

⁴ Mami he tahe vengkah atue the khui kalawng loeih sak ham mami kah Pa Pathen kawngaihna te a vai tih mami kah thawlh dawngah Khrih lawng amah oen amah te pe u.

Matu Bible

⁴ Mamih kah tholhnah kongah amah aka hnawn uh te. Te daengah ni ta kumhal kah aka pai boethae khui lamloh a pa neh Pathen kah kongaih bangla mamih n'hlawt eh.

Galati 1:4 Iomraidhean Croise

Mathai 13:22

Thliing tim ah aka tla caangti thui-ngaihna tah Vaan ram kawng tah a yaak de dilai khawsakna dawngah lakueng tih dilai han bawilen ngaihna lawng akang ahalh khoep tih caangvui caangthaih aka thaawn nawh oen lo u.

Mathai 20:28

Te tila ni Thlaanghing Capa khaw thlaangtloe te bii bi sak ham law nawh tih thlaang kah bii bi ham oen thlaang yahawh te tlang ham oen ah hingna peek ham ni a law,” a tina.

Mathai 26:28

“He tah ka thi ni. Pathen kah awlkhueh thaai acakna oen thlaang boeih kah thawlh khawdawp ngaaina hamla ka hok ka thisen ni.

Mathai 26:42

Jesuh tah cet koep tih “A Pa, he kah patang khangna boengloeng he awkk ohla khoe thai koeila a awm nawh atah, na kawngaih angla awm hawn seh,” tila thangthui.

Mathai 6:9

Tedawngah na thangthui u vengah: ‘Vaan ah aka awm kaimi na Pa, Na miing ciim tah hinyah la awm hawn seh;

Marku 10:45

Metihtiah Thlaanghing Capa lawng Pateng khaw a bii te thlaang bi sak ham law nawh; thlaang kah bii te bi ham tih thlaang yahawh hlang hamla a hingna te peek ham ni a law” a tina.

Luka 22:19

Tecoengah takawi te a lawh tih Pathen tengah awmngaih awl a thui coeng atah takawi te a eh tih ahimi te a peek, “He tah ka pum ni, nangmi ham kan peek te ni. Nangmi lawng kai he nan poek khuepna ham he tila sai uh.” a tina.

Luka 22:42

“A Pa, na kawngaih atah he kah patang khangna boengloeng he ka teng kalawng khoe hawn. Tede kai kah kawngaihna boel selang na kaw-ngaih angla sai hawn.” tila thangthui.

Johan 10:11

Kai tah tuudoen theen ni. Tuudoen theen lawngtah tuu hamla a hingna te a peek.

Johan 12:31

Tahe ah dilai he awlcek ham atue apha poen; tahe ah he dilai ukkung thli te atloela a khoe poen ai.

Johan 5:30

“Kai lawngah kamah rang oen thaihu khat khaw ka sai nawh; Pathen lawng avan thui angla ni awl ka cek, tedawngah kai kah awlcekna tah doeng, metihtiah kai lawng kamah ngaih te sai ham ka yawm nawh, tede kai aka tuihkung kah kawngaih te ni ka sai.

Johan 6:38

Metihtiah kamah kawngaih sai hamla vaan kah ka law nawh tih kai aka tuihkung kah kawngaih te sai ham ni ka law.

Rom 1:7

Tedawngah Pathen lawng a lungna tih a thlaang la coengg ham a ceel Rom khawpui ah aka awm nangmi boeih tengah he ca he kavan pat. Pathen oen Bawipa Jesuh Khrih kah lungvatna oen ngaimawngna tah nangmi tengah awm hawn seh.

Rom 12:2

He dilai khawsak siing angla khaw sa u tlaih boel, tede Pathen lawng nangmi thinkaw a khui ben te asoepbirla van thaw pan hawn seh. Te atah aka theen thaihu, aka soep thaihu oen amah kawtlaak te nangmi lawng na ming u thai ai, he tah Pathen amah kawngaih ni.

Rom 4:25

Mami kah thawlhna phu ah ahih tah duek tih Pathen oen mami roeproeina ham a thawh sak koep.

Rom 8:27

Mami kah thinkaw aka ming Pathen lawng Muithla kah kawpoek te khaw a ming; metihtiah Muithla lawngtah Pathen amah kah kawngaih angla a thlaang thli yuengah a bih pe dawngah ni.

Rom 8:3

Thlaanghing pumsa a tha ayoek dawngah Phungawl lawng a sai thai nawh te Pathen lawng a sai. Thlaanghing pumsa ah aka awm thawlhna te a Capa avan tuihna rang oen a phe poen. Thawlhna taa hamla thlaanghing kah thawlhna pumsa angla va law.

Rom 8:32

Pathen lawng a Capa khueh duen pateng haih ohla mami ham m'peek! Mami hamla a Capa pekung lawng soeprep boeih he ayoela mami peek muehla awm ai aw?

1Korin 15:3

Kai lawng ka dang tih nangmi kan peek patoeng he tah awlpui tangkiik ni, te tah Caciim dawngah a thut angla Khrih tah mami kah thawlhna dawngah ni a duek;

2Korin 4:4

He dilai kah raaibawi pathen lawng ahimi kah thinkaw te yiinna khuiah a khueh dawngah ahimi lawngah tangna u nawh. Ahih lawngah Pathen oen aka lo u tangtang Khrih kah ruep-awmna kawng Awlthang Theen dawng kalawng aka thoeng aangna, ahimi sawah aka vangg aangna te huh nawh ham a dah khoep.

Galati 2:20

tedawngah aka hing he tah kai tlaih nawh tih ka khuiah aka hing tah Khrih poen ni. Tahe kah hingna he tah kai n'lungna tih hingna pekung Pathen Capa oengna rang oen ka hing.

Galati 6:14

Tede, kai tah mami Bawipa Jesuh Khrih kah thinglam bueng ni ka oekthloenna ai; metihtiah kai ham tah Khrih thinglam rang oen ah dilai he duek poen; kai khaw dilai ham tah ka duek poen.

Ephesa 1:11

Thaihu soeprep boeih he Pathen kah khawkhana oen awltloekna angla ni boeih a awm; Khrih oen pumkhatla awmna rang oen ah Pathen lawng amah kah a thlaang la awm ham mami he n'tuek poen, te tah a cuekca veng kalawng amah kah kamthlahna khawkhannna poen ni.

Ephesa 2:2

Te veng tue ah te nangmi lawng dilai han kah athe lawngpui te na vai u; khawhi dawngah aka awm muithla benkah tharana ukkung awl te na ngaai pe u; te muithla lawngah te Pathen awl aka ngaai nawh thli te tahe ah a uk.

Ephesa 5:16

Tahe kah atue khawhin he tah san the la a awm dawngah nangmi lawng atue theen na khueh boeih te atheenla hawna uh.

Ephesa 5:2

Khrih lawng mami he n'lungna tih a hingna te mami ham abaw aka tuui huihthlutna oen Pathen kawhoena luciik la a nawn u van angla nangmi kah hingna te lungna lawng uk seh.

Ephesa 6:12

Metihtiah mami lawng thlaanghing te n'teek u nawh tih vaan benkah muithla the kah tharana, ukkung thli, saithaina aana khuehkung thli, tahe yiinna san kah khawhipuempa tharana huham oen ni n'teek u.

Philipi 4:20

Mami kah Pa oen Pathen tengah ruep-awmna tah dungyan toe awm hawn seh! Amen.

1Thessalonika 1:3

Metihtiah, nangmi lawng na oengna te biibina dawngah na tuengsakna, namami kah lungna lawngah bii ruh m'bi sakna, mami Bawipa Jesuh Khrih ah aka cak ngaiuepna na khueh u te Pa Pathen haiah ka hilh u nawh.

1Thessalonika 3:11

Nangmi tengah kaimi ka law thaina ham mami kah Pa Pathen oen Bawipa Jesuh lawngah lawngpui van roek hawn seh!

1Thessalonika 3:13

He tila nangmi te amah lawng tha avan ra sak vetih Bawipa Jesuh amah kah thlaang boeih oen a law vengah nangmi tah Pa Pathen haiah thlaangsoep thlaangciim la na awm u ai.

2Thessalonika 2:16

Mami he n'lungna tih aboet nawh thincakna oen acak ngaiuepna te a lungvatna oen pekung mami kah Bawipa Jesuh Khrih amah oen mami kah Pa Pathen lawngah,

1Timothy 2:6

Te tah atue atang apha khuek vengah Pathen lawng thlaang boeih thlawn ham a ngaih te tueng sakna ni.

Titus 2:14

Mami he athe-arana boeih dawng kalawng thlawn ham oen mami he thlaang ciim la sai tih amah bueng kah koe la awm ham oen ah theenna te thinkaw thluembuek oen aka sai ham, amah kah hingna roe te mami hamla a peek.

Hebrew 2:5

Mami lawngah n'thui u dilai, hailam ben ah aka law ham koei dilai thaai te uk hamla Pathen lawng vanthlaang he khueh nawh.

Hebrew 6:5

Ahimi lawngah Pathen awl a tuui-athlim khaw a ming tih aka law ham koei atue atang san kah tharana te khaw a ming u poen.

Hebrew 9:14

He tila ciimna te a awm tangtang atah, Khrih thisen lawngtah metihtlukla he lak ah aciim acaih sak ngaai ai! Dungyan Muithla rang oen ah aka soep luciik la amah oen amah te Pathen tengah nawn u poen. Aka hing Pathen kah bii te mami lawng bi thaina ham hoeikhangna aka awm nawh phung-alam vaina rang oen ciim acaih nawh athe atheen mingna thinkaw te a thisen oen a ciim sak ai.

James 4:4

Nangmi uep-awm nawh thlaang hue! Dilai oen ah beroep u he Pathen kah raal la awm tite na ming u nawh aw? A-u khaw dilai kah paya beroep la awm ham aka ngaih tah amah oen amah te Pathen kah raal la sai u.

1Peter 2:24

Mami lawng thawlhna ah duek tih doengna ah hing hamla Khrih amah lawng a pum dawngah mami thawlhna te thinglam dawng a phueih poen. Ahih kah boengha ngaw oen nangmi tah na hoeih u poen.

1Peter 3:18

Metihtiah Khrih tah thlaangthawlh boeih yuengla vai at ah akhoek koeng la duek poen, nangmi te Pathen teng ceh puei ham thlaangthawlh yueng la thlaangdoeng te duek. Ahih te pumsa ben atah duek de, muithla ben atah hing koep tih,

1Johan 2:2

Metihtiah, Khrih amah roe he mami kah thawlh khawdawp ngaaina Luciik la awm tih mami kah thawlhna bueng nawh tih thlaang boeih kah thawlhna te khawdawp a ngaai.

1Johan 3:16

Lungna he me ang nuem tila m'mingna tah he tila ni: Khrih lawng mami hamla a hingna te a peek. Tedawngah mami lawngkhaw maya manau thli hamla hingna he peek van hamla awm!

Olphong 1:5

duekna kalawng lamhacuekla aka tho, thincak sausi la aka awm, dilai sengpahrang boeih ukkung la aka awm Jesuh Khrih teng kalawng lungvatna oen ngaimawngna tah nangmi tengah awm hawn seh. Mami n'lungna tih a duekna oen mami he thawlhna kalawng aka loeih sak tih,

Olphong 5:9

Ahimi lawng, “Nang tah cayaawl te lawh ham oen tacik te phe tih thlam hamla na tuueng roe. Metihtiah n'ngawn u tih nang kah Luciik duekna oen thlaangphun soeprep, awlcawm awlcee, ram tawm oen namtawm te Pathen ham na lai poen.

Olphong 7:9

Tecoeng atah ka bueh vengah a-u lawngkhaw a toek lek nawh thlaangping te ka huh. Ahimi tah awlcawm awlcee aka thui nam tawm oen phun soeprep peng tawm ram tawm kah aka law boeih tih Ahimi lawng himbai bawk bai oen samtoe a pawm u tih bawingawlhcoen oen Tuuca haiah pai u.