Ephesa 6:6 - Matu Chin New Testament 2006

⁶ Ahimi lawng nangmi te bii a bi ti seh tila na ngaih u dawngah ahimi kah mik huh bueng ah te bii sai u boel, tede Khrih kah sal la na awm u van angla Pathen kawngaih la na thinkaw lungbui boeih oen sai uh.

Matu Bible

⁶ Mikhmuh dongkah kolopatai rhoek bangla pawt tih hinglu lamloh Pathen kah kongaih aka saii Khrih kah sal rhoek la om uh.

Ephesa 6:6 Iomraidhean Croise

Mathai 12:50

A-u khaw vaan ah aka awm a Pa kawngaih aka sai tah ka maya, ka manau, ka ngannu oen a nu ni,” a tina.

Mathai 7:21

“Bawipa, Bawipa tila ka tengah aka ti thlaang boeih lawng Vaan ram khuiah kuun boeih manawh, tede Vaan ah aka awm a Pa kawngaih aka sai thli bueng lawngah kuun ai.

Marku 3:35

A-u khaw Pathen lawng sai sak ham a ngaih te aka sai boeih tah ka manau, ka ngannu oen a nu ni.” tila a thui pe.

Rom 6:17

Tede Pathen te uem u lah! Anoekbuet atah nangmi he thawlhna sal la na awm u de, tahe tah cangpueina dawngah na huh awltak na dang u te na thinkaw lungbui tak oen na vai u poen.

1Korin 7:22

Metihtiah Bawipa lawng a khue Sal pakhat he Bawipa kah thlaangcuem la awm poen; tetih van angla thlaangcuem a-u khaw Khrih lawng a khue atah ahih kah saltamnaa la ni a awm.

Galati 1:10

He tila ka thui he thlaanghing kawkhuekna dang ham aka yawm angla ka awm aw? Te tila dang ham ka yawm nawh! Pathen kah kawkhuekna te ni ka ngaih. Thlaanghing teng kah mik-hai theen te dang ham ka yawm aw? kai lawng te tila dang ham ka yawm khiing atah kai he Khrih kah tuihyoeihthlaang la ka awm manawh.

Ephesa 5:17

Nangmi lawngah thlaangcuih nawh angla awm u boel, Bawipa lawng nangmi sai sak ham a ngaih te dang hamla yawm uh.

Philipi 2:12

Tedawngah ka lungna ka paya thli, nangmi oen haih ka awm vengah ka awl na ngaai u poepa angla te tahe athla hlang la ka awm vengah khaw, ka awl he na ngaai u ham awlpui koek la awm. Nangmi kah thlawnna asoepna ham birih haitawk oen bii te bi yoeyah uh,

Kolosa 1:9

Tedawngah nangmi kawng ka yaak cuek veng kalawng nangmi ham ka thangthui poepa u. Amah Muithla lawng m'peek cuihna boeih oen yaakmingna, amah kawngaih mingna oen nangmi na betoetna u ham Pathen tengah ka bih u.

Kolosa 4:12

Khrih Jesuh kah tuihyoeihthlaang, namami kah paya laikoei Epafras lawng n'toei u. Ahih lawngah thinkaw tak oen nangmi ham thangthui poepa tih nangmi acakla na paina u ham, Khrihca thlaangsoep la na awmna u ham oen ah na oengna te aciimphanla na mingna u ham, Pathen kawngaih te asoepla na vaina u hamla a bih poepa.

1Thessalonika 2:4

Pathen lawng kaimi he n'noemcai tih ueppang koei, tueng-aleng a ti dawngah Awlthang Theen thui ham bii m'peek u tih amah lawng thui sak ham a ngaih angla te ka thui u. Kaimi lawng thlaang kah kawtawngna te ka yawm u nawh tih kaimi kah poekna noekdakkung Pathen kaw te tawng ham ni ka yawm u.

1Thessalonika 4:3

Pathen lawng nangmi te ciim sak ham oen ah hutaa tawngpa thawlhna cipp muelmang sak ham a ngaih.

Hebrew 10:36

Pathen kah kawngaih te na sai thaina ham oen ah amah awlkam thaihu te na dangna u ham thinsan kawdaw oen awm uh.

Hebrew 13:21

Nangmi lawngah ngaimawngna akung Pathen kah kawngaih te na sai u thai ham thaihu theen na ngoe boeih te m'pe hawn seh; Jesuh Khrih rang oen amah kawngaih te mami kaw khuiah sai hawn seh. Jesuh tengah ruep-awmna tah dungyan toe ayoeyahla awm hawn seh! Amen.

1Peter 2:15

Metihtiah amah ngaih la awl sah sah aka cal thlaangngau paathuu hue te nangmi kah thaihu theen saina lawng a awl phah sak seh tila Pathen lawng a ngaih ni.

1Peter 4:2

Tedawngah tahe kalawng tah dilai dawngah hingna na khueh khui roekk tah thlaanghing kah kawngaihna ohla Pathen kah kawngaihna lawng nangmi te n' uk u seh.

1Johan 2:17

Dilai oen dilai thaihu thlaanghing lawng a ngaih he tah khumpel boeih, tede Pathen kawngaih aka sai tah dungyan hing ai.