Ephesa 6:21 - Matu Chin New Testament 2006

²¹ Mami lawng n'lungna manau, Bawipa kah bii kawngah uep-awm la aka awm Taikhikas lawng metila ka awm tite nangmi lawng na mingna u hamla kamah kawng-alam awlthang boeih te avan thui ai.

Matu Bible

²¹ Te daengah ni kai kawng he na ming uh van pueng eh. Ka saii boeih te thintlo manuca neh Boeipa dongah uepom tueihyoeih Tukhiko loh nangmih taengla ham phoe puei bitni.

Ephesa 6:21 Iomraidhean Croise

Caeltueih 20:4

Berea khaaw kah Piras capa Sopatar, Tesalon khaaw kah Aristarkas oen Sekunda; Derbe khaaw kah Kaia; Asia ram kah Tukhikas oen Trofimas mi te Timote lawng a ceh puei u.

1Korin 4:17

He tila ka kamthlah u dawngah ni Timote he kavan tuih, ahih tah Khrihca khawsakna dawngah ka lungna uep-awm ka capa ni. Ahih lawng atah kai lawng ka vai tih peng tawm khrihcabu tengah ka cang puei Khrih Jesuh oen pumkhatla awmna dawngah hingna athaai atungpui te avan thui koep ai.

Philipi 1:12

Maya manau thli, ka tengah aka thoeng thaihu he awlthang theen a puungna ham aka bawmcem tangtang la coengg ti he nangmi ming sak ka ngaih.

Kolosa 1:7

Nangmi lawng Epafras teng kalawng Pathen kah lungvatna te na ming u, Ahih tah kaimi lawng ka lungna biibipuei haih kaimi yuengah uep-awm la Khrih kah biibikung ni.

1Timothy 4:6

He kah thuituenna thli he maya manau thli tengah na thui pe atah nang tah Khrih Jesuh kah atheen tuihyoeihthlaang la na awm ai; namah oen namah muithla ben na cawm na cah u van angla te oengna awl oen aka soeng cangpueina namah lawng na vai te hawna lah.

2Timothy 4:12

Taikhikas tah Efesa khaaw la ka tuih.

Titus 3:12

Artima nuem, nawhtah, Tikhikas nuem na tengla kavan tuih vengah Nikopolis khaw ah ka tengla va lawh. Te ah te sikca khui puet ah awm ham ka kamthlah.

Philemon 1:16

Tahe ah ahih tah sal mailai tlaih nawh ni, tede ahih tah sal lak ah atheen ngaai Khrih ah mami kah lungna boenhui la ni a awm poen. Kai hamla tah ahih he aphu awm tangkiik, nang ham tah sal pakhat la khaw Khrih ah boenhui pakhat la khaw metila aphu a awm tare ai.

1Peter 5:12

He capat atoica he Silas kah bawmna rang oen nangmi tengah kavan thut, ahih he uep-awm khrihca maya manau la ka poek ni. Nangmi tengah thaphawhna awl thui ham ka ngaih tih nangmi lawng na dang u lungvatna tah Pathen tengkah tangtang ni tila aka mingkung la ka awm. Te lungvatna dawngah acakla pai uh.

2Peter 3:15

Mami lawng n'lungna maya Pawl lawng, Pathen kah peek cuihna te hawna oen nangmi tengah ca avan pat angla Bawipa lawng mami sawah kawdawna a khueh he tah mami he thlawn ham a ngaih dawngah atue atang avan soeng ni tila poek uh.