Ephesa 5:3 - Matu Chin New Testament 2006

³ Nangmi tah Pathen kah thlaang la na awm u dawngah hutaa tawngpa thawlhna, apueh ngaihna, tuiilehkap aka ciim nawh kawng te nangmi tim ah thui ham pateng khaw awm nawh.

Matu Bible

³ Hlangcim rhoek neh a tingtawk vanbangla nangmih taengah cukhalhnah neh rhongingnah boeih khaw, halhkanah khaw phoei boel saeh.

Ephesa 5:3 Iomraidhean Croise

Mathai 15:19

Thlaang ngawnna, samphaihna, hutaa tawngpa thawlhna, atheen nawh thaihu saina, huuenna, hoemna, thlaang thaang the sakna, poekna atloe boeih he tah lungbui khui kalawng ni a law.

Luka 12:15

Tecoengah ahimi boeih nala te, “Apueh ngaihna soeprep dawngah kuemsuem u lang tloeng u lah; metihtiah thlaang kah hingna tak tak he bawirengna, khueh toen thaihu dawngah pangtung nawh.” a tina.

Luka 16:14

Tangka aka ngaih soeh Farasi thlaang thli lawng he kah awl boeih he a yaak u vengah Jesuh te a nuihna u.

Caeltueih 15:20

Te lak atah, kutsaimuei bokna ah a nawn u dawngah phung alam ben ah aka caih nawh caak awkk te caak nawh ham; hutaa oen tawngpa thawlhna dawngah kuemsuem ham, rawn khak ramsa te caak nawh ham, sathi khaw caak nawh hamla ca mah pat pe u sih.

Caeltueih 20:33

Kai lawngah a-u kah sui khaw, ngun khaw, hinaak himbai khaw ka naai nawh.

Rom 1:29

Ahimi tah soeprep athe-arana athe thaihu cungkuem, apueh ngaihna, thawlhna oen betoet u tih uett-eena, thlaang ngawnna, tawhsina, thailatna, kawnehna oen be u.

Rom 16:2

Pathen thlaang thli tah pakhat oen khat na do tueng van angla Bawipa miing oen ah ahih te do u lang angoe boeih te nangmi lawng van bawm uh; ahih tah thlaang yahawh ham paya theen la awm tih kai hamla khaw awm van.

Rom 6:13

Tecoengah na pumvaang ame ang mai te khaw thaihu the saina ah hawna hamla thawlhna ah pe u tlaih boel. Te lak atah duekna kalawng hingna ah n'thawh sak koep angla doengna sai ham na pum boeih te Pathen te pe u hawn.

1Korin 10:8

Ahimi timkah thlaang vangg lawng hutaa tawngpa thawlhna a sai u van angla mami lawngtah sai ham awm nawh, te tila a sai u dawngah thlaang thongkul thongthum hin at ah duek drek u.

1Korin 5:1

Nangmi tim ah te lukih thlaang thli lawng pateng khaw a yahna koei rih awm tangkiik mai hutaa tawngpa thawlhna awm tila ka yaak. Thlaang pakhat lawngtah a manuthawn oen ip haih tila avan thui u!

1Korin 6:13

Thlaang khatsut lawng atah “Caak awkk he bungpui hamla awm tih bungpui he tah caak awkk hamla ni.” na ti u. Soeng mai ngoen ta; tede Pathen lawngtah aboetna te a pha sak bok ai. Thlaanghing pum he cuk-halh thawlhna ah hawna ham nawh ni, Bawipa biibina ah hawna ham ni, Bawipa lawng ni pum he a cawm acah.

1Korin 6:18

Cuk-halh thawlhna te kuemsuem uh. Atloe thawlhna lawngtah thlaang kah a pum te rawk sak aih nawh; tede cuk-halh thawlhna aka sai thlaang lawngtah amah pum roe te a thawlh sak poen.

2Korin 12:21

Nangmi tengla ka law koep vengah te ka Pathen lawng nangmi haiah yaraula n'khueh hau vetih n'hu vengah aka thawlh thlaang thli oen thinkaw ciimcaihna nawh boeih oen amami kah a sai pumsa hue-ngaihna, hutaa tawngpa thawlhna a yut u nawh dawngah te ka rap hau ai tite ka lakueng.

Ephesa 5:12

(Ahimi lawngah ahuep-ahella thaihu a sai kawng te thui ham pateng yah ham awm tangkiik).

Ephesa 5:5

Nangmi lawng na ming ceet ham tah a-u khaw hutaa tawngpa thawlhna aka sai, tuiilehkap aciim nawh awl aka thui, apueh aka ngaih tah Khrih oen Pathen kah Ram ah adang ham koei te dang manawh tite ming uh (apueh asawm ngaihna he kutsaimuei bokna pakhat van ni).

Philipi 1:27

Tahe ah awlpui tah Khrih kah awlthang lawngah a kuek angla nangmi lawng na hing u ham awm, nangmi tengla ka law thai tih kan huh u vengah khawseh, ka law thai nawh tih kan huh u nawh vengah khawseh, mengtengna pakhat oen acakla na pai u tih awlthang theen oengna dawngah kawngaihna pakhat oen thik at la raal na teek u tite yaak ka ngaih.

Kolosa 3:5

Tecoengah dilai pumsa ngaihna nangmi kaw khuiah bii aka bi hutaa tawngpa thawlhna, ciimcaih nawh khawsakna, halhna, athe ngaihsoehna, apueh ngaihna, he ang thli boeih he na duek sak ham awm. (Metihtiah apueh ngaihna he kutsaimuei bokna pakhat van ni)

1Thessalonika 4:3

Pathen lawng nangmi te ciim sak ham oen ah hutaa tawngpa thawlhna cipp muelmang sak ham a ngaih.

1Thessalonika 4:7

Pathen lawng mami he cuk-halhna dawngah bawlneeng sak hamla n'khue nawh tih aciim acaihla awm ham ni n'khue u.

1Timothy 2:10

Tede bokna ben ah thinkaw pengnel hutaa hue lawng a sai ham tueng angla te thaihu theen saina oen thoekcau u seh.

1Timothy 3:3

Ahih tah yuu aka ruui nawh tih boethe halang nawh thlaang, boe-ngaai kawdaw thlaang, tangka aka ngaih soeh nawh thlaang seh,

1Timothy 6:10

Metihtiah tangka ngaih soeh aih he tah athe phun soeprep a thoengna kungpui ni. Thlaang khatsut tah tangka khueh moek a ngaih dawngah oengna te a ceh taak u tih kawthena acungkuem oen a thinkaw lungbui a rek sak u.

2Timothy 3:2

Thlaang lawngah he, amah ham bueng poekna, ngaihmoekna, a khueh u vetih oekthloenna oen amah oen amah pawmsang u ai; ahimi tah thlaang thekhana, a manu oen ana pa awl aka ngaai nawh, lungvatna aka ming nawh tih bokna ben tula aka ngaai nawh thlaang la awm u ai;

Titus 1:11

Te ang thlaang thli te awlthui toeng sak ham angoe; metihtiah, ahimi lawng cang puei koei nawh te a cang puei dawngah imkhuikaw boeih te a thek u, te tila a cang puei boeih te yaraula aka awm tangka dang ngaih maiah ni.

Titus 1:7

Metihtiah Khrihcabu mawtkung tah Pathen kah biitungpui khuehkung la a awm dawngah cawttbauh aka kap nawh thlaang seh. Ahih tah amah oen amah thoemthai koek la aka ngaai u nawh, thin aka toi nawh, yuu aka aw nawh, khawpaw rang-au la aka awm nawh, tangka ngaihmoekna aka khueh nawh thlaang seh.

Titus 2:3

Tetih van la te kum haam nunu thli te khaw hutaa kah awm ih phung angla aciim hingna oen aka awm hutaa la awm ham thuituen. Ahimi lawng thlaang theetkung oen yuu kah saltamnaa la awm u boel seh. Ahimi lawng thaihu theen te cang puei seh,

Hebrew 12:16

A-u khaw hutaa tawngpa thawlhna sai u boel. Muithla ben te n'tu la aka sak nawh Esau angla awm u boel; Ahih lawngtah amah kah camiing la a awmna te buh vai at caak la a yoeih mai poen.

1Peter 5:2

Pathen peek tuuping te aka khaal tuudoen la awm u lah, thathe huut la awm ohla, Pathen kawngaih angla thathlue thakaw la tuu te doen uh. Bii bi phu dang ngaih maiah bi mailai ohla bi ngaihna thinkaw tang oen ah bi uh.

2Peter 2:10

awlpui la tah amami kah tuiilehkap pumsa cuk-halhna oen Pathen kah aana n'tu la aka sak nawh hue te ni. He kah asoeng nawh cangpueikung thli he a thin cak u tih halang u, sawben vaan ah aka awm ruep-awm te khaw hinyah u nawh, ahimi lawng te thli te asal aphaam dai.

2Peter 2:14

Ahimi lawng thlaanghalhnu nawhtah atloe te bueh hamla ngaih u nawh; amami kah thawlh saina dawngah a kaw riim u nawh. Ahimi lawng oengna tha aka yoek thlaang thli te thawlhna dong dawngah a man sak. A thinkaw tah apuehngaihna oen betoet. Ahimi tah Pathen kah kawsi aka yawkk thlaang poen ni.

2Peter 2:3

Aka soeng nawh cangpueikung hue lawngtah amami kah apueh ngaih soeh te dang ham a ngaih u dawngah a suen coplap ciil te nangmi tengah avan thui ai. Aruem veng kalawng tahe toe ahimi Awlcekna te awm oepsoeh poen tih ahimi aka Phekung tah huertuela hak!

Olphong 2:14

Tede na sawah ka kaw a lawna nawh thaihu ayawlca awm: te tah nangmi tim ah Balaam kah cangpueina aka vai thlaang khatsut awm; Israel thlaangphun te thawlhna khuila mawt ham kutsai-muei thawthuengna caak awkk te caak ham hutaa tawngpa thawlhna oen ah thawlh hamla Balaam lawngah Balak te a cang puei.

Olphong 2:21

A thawlhna yut ham atue ka peek, tede ahih lawngah hutaa tawngpa thawlhna kalawng thawlh yut ham ngaih nawh.

Olphong 21:8

Tede riyawp thlaang thli, paipi aka thleep thlaang thli, tuiilehkap thinkaw aka khueh thli, Thlaang aka ngawn thli, thlaanghalh paadak thli, Caamna oen mu-uih caakna aka hawna thli, kutsaimuei aka bok thli oen ah hoem awl aka thui boeih hamla ahuen amawl te tah kat hai-alh te ni, te tah apabe duekna ni,” tila a thui.

Olphong 22:15

Te cakhaw cet thawlh lawnghang thli, caam oen mu-uih caakna aka hawna thli, hutaa tawngpa thawlhna aka sai thli, thlaang aka ngawn thli, kutsaimuei aka bok thli, saina oen khawseh, hoem awl thui oen khawseh thlaangthaipalat thli tah khawpui adauben ah awm u ai.

Olphong 9:21

Ahimi lawngah thlaang ngawnna, mu-uih caakna, hutaa tawngpa thawlhna oen huencaanna te khaw yut u nawh.