Ephesa 5:15 - Matu Chin New Testament 2006

¹⁵ Tedawngah nangmi lawng khawsak ramsakna dawngah atheenla ngaithuen uh. Tu khaw aka ming nawh thlaang angla awm u boel, thlaangcuih angla awm uh.

Matu Bible

¹⁵ Te dongah na pongpa uh te khaw khaeh khaeh dawn uh. Hlangang banglam pawt tih hlangcueih la om uh.

Ephesa 5:15 Iomraidhean Croise

Mathai 10:16

“Hutung u lah! metaang tim ah tuu angla nangmi he kan tuih u. Tedawngah ruul angla na cuih khueh u lang akhuu angla na kaw daw sak uh.

Mathai 25:2

Te thli timkah hulaa pa-ngaa hue tah cuih tih pa-ngaa hue tah cuih nawh.

Mathai 27:24

Pilat lawng he tila awl doett khiing he coeng thai manawh, cumplaam la tho tih so tare poen ai tite a huh vengah tui a lawh tih rangpui haiah a kut te a silh. “He thlaangdoeng kah duekna kawngah kai ka thuum nawh! Namami kah sai ni!” a tina.

Mathai 27:4

“Ka thawlh tangkiik, thawlhna aka khueh nawh te duek sak hamla a sawah paipi ka thleep hau poen,” a tina. Ahimi lawng, “Kaimi lawng n'tu ka tina ai? Namah ngaih poen ni,” a tina u.

Mathai 8:4

Tecoengah Jesuh lawng ahih nala te, “Hutung lah! a-u tengah khaw thui boel, khawsoeih tengla cet phaat langtah na pum te nueh, tecoengah thlaang rangpui tengah ka hoeih poen tila tuengsakna ham Mosi phungawl angla luciik thawthuengna te nawn lah” a tina.

Luka 24:25

Tevengah Jesuh lawng te rawi nala te, “Metila na ngau hih aih! Tawngha thli lawng a thui boeih te tangna hamla na kawpoek yaai hih aih he!

1Korin 14:20

Maya manau thli, kawpoekna dawngah camaw angla awm u boel; the-arana nawh ben atah camaw la awm uh, kawpoekna ben atah poekna aka soep lungcuih thlaang la awm uh.

Galati 3:1

Nangmi Galati thlaangngau hue! Nangmi te a-u lawng a sii oen n'phueng u? Thinglam dawngah Jesuh Khrih kah a duekna te na mikthlaam ah aciimphanla tueng poen!

Galati 3:3

Metila tila he na ngau u tangkiik aih mai! Nangmi lawng Pathen Muithla oen na tongnan u tih tahe ah namami kah tharana oen boet sak ham na ngaih u aw?

Ephesa 5:2

Khrih lawng mami he n'lungna tih a hingna te mami ham abaw aka tuui huihthlutna oen Pathen kawhoena luciik la a nawn u van angla nangmi kah hingna te lungna lawng uk seh.

Ephesa 5:33

Tede nangmi oen khaw tuhkai u: vaa-aca boeih lawng amah pum te a lungna angla a yu-aca te lungna selang tah yu-aca boeih lawngkhaw a vaa-aca te hinyah van seh.

Philipi 1:27

Tahe ah awlpui tah Khrih kah awlthang lawngah a kuek angla nangmi lawng na hing u ham awm, nangmi tengla ka law thai tih kan huh u vengah khawseh, ka law thai nawh tih kan huh u nawh vengah khawseh, mengtengna pakhat oen acakla na pai u tih awlthang theen oengna dawngah kawngaihna pakhat oen thik at la raal na teek u tite yaak ka ngaih.

Kolosa 1:9

Tedawngah nangmi kawng ka yaak cuek veng kalawng nangmi ham ka thangthui poepa u. Amah Muithla lawng m'peek cuihna boeih oen yaakmingna, amah kawngaih mingna oen nangmi na betoetna u ham Pathen tengah ka bih u.

Kolosa 4:5

Aka oeng nawh thlaang thli tengah cuihna oen tho tat u lang atue theen na khueh boeih te hawna uh.

1Thessalonika 5:15

A-u lawngkhaw athe te athe van oen thung u boel, khat oen khat sawah khawseh, thlaang boeih sawah khaw seh theenna te sai hamla poek yoeyah uh.

1Timothy 6:9

Tede kuirang la coengg ham aka ngaih thli tah suek-halhna khuiah tla u, ngau-athuuna soeprep oen rih awm hue-ngaihna dong dawngah man u tih te lawngah ahimi te sungna oen rawkna benla te a ceh puei.

Hebrew 12:25

Tedawngah nangmi tengah awl thuikung hue kah awl te oelhtaih nawh ham ngaithuen uh. Dilai dawngah awlthang thuikung hue kah awl te hutung ham aka ngaih nawh tah loeih u nawh. Vaan kah awl aka thui te mami lawng mangthawng taak atah metila mami n'loeih pai ai!

James 3:13

Nangmi tim ah mingna aka khueh thlaangcuih pakhat mai khaw awm aw? A awm atah atheen hingna oen ah tueng sak seh. Cuihna, boe-ngaaina, atheen a saina oen ah tueng sak seh.

1Peter 1:22

Tahe ah nangmi lawng awltak te na vaina rang oen nangmi tah na ciim u poen tih oengca na puei na paw thli te lungna taktak oen na lungna u poen, tedawngah nangmi khat oen khat thinkaw tak oen lung u tare lah.

Olphong 19:10

Ahih te bok ham a khow kungah ka buekuep, tede ahih lawng, “He tila sai boel! Kai tah nang oen atloe aka oeng hue oen ah Jesuh lawng a phawng awltak aka phoeih rapsaat hue angla tuihyoeihthlaang pakhat van ni. Pathen mah bok lah!” n'tina. Jesuh lawng a phawng awltak lawng ni tawngha thli kawthawhna a peek.