Ephesa 4:5 - Matu Chin New Testament 2006

⁵ Bawipa pakhat, oengna pakhat, baptisma pakhat awm:

Matu Bible

⁵ Boeipa pakhat, tangnah pakhat, baptistma pakhat ni a om.

Ephesa 4:5 Iomraidhean Croise

Mathai 28:19

Tedawngah dilai dawngkah thlaangphun boeih tengah cet u langtah ahimi te ka hubang la van coeng sak uh; Pa, Capa, Ciim Muithla miing ah baptisma pe uh.

Caeltueih 10:36

Thlaang boeih kah Bawipa la aka awm Jesuh Khrih rang oen ngaimawngna Awlthang Theen a thui tih Israel thlaang thli tengah Pathen lawng a peek te na ming u.

Caeltueih 2:36

Tedawngah Israel thlaang thli boeih, nangmi lawng thinglam dawng na ngawn Jesuh te Pathen lawngah Bawipa oen Messiah la a sai ni tite atak tang la ming u lah!” a tina.

Rom 3:30

Pathen tah pakhat ni, Judah thlaang khaw a oengna rang oen thlaangdoeng la a khueh tih Gental thlaang khaw a oengna rang oen thlaangdoeng la a khueh.

1Korin 1:13

Khrih he bu la pekbo u aw! Nang ham thinglam dawngah Pawl aw aka duek! Nangmi he Pawl kah hubang la awm ham aw baptisma na dang u?

1Korin 1:2

Pathen kah thlaangciim la awm ham khue la aka awm tih Jesuh Khrih oen tuhkaina rang oen ah amah kah a koe la aka awm Kawrin khaaw kah Pathen Khrihcabu, mami oen ahimi kah Bawipa la aka awm Jesuh Khrih te a bok tih khaaw tawm ram tawm ah aka awm thlaang thli tengah khaw, naangmi tengah khaw ca kavan pat u:

1Korin 12:13

Tetih van angla mami boeih he tah Judah oen Gental thlaang khaw, sal oen thlaangcuem khaw, Muithla pakhat lawng pum pakhat dawngah baptisma m'peek tih awkk koeila Muithla pakhat te ni mami m'peek u.

1Korin 12:5

Biibina he lawngpui atloetloela awm, tede Bawipa pakhat kah bii te ni m'bi u.

1Korin 8:6

mami ham tah Pathen pakhat bueng ni a awm, ahih tah soeprep boeih saikung la awm tih ahih hamla mami tah n'hing u; tecoengah Jesuh Khrih Bawipa pakhat bueng te awm, ahih rang oen ah soeprep tah sai la awm tih ahih rang oen mami he n'hing u.

2Korin 11:4

Metihtiah, thlaang pakhat lawng nangmi tengah law tih kaimi lawng ka thui nooek nawh atloe Jesuh te avan thui u vengah nangmi lawng na uemdoeh tih awmngaihla khawdawp na ngaai u. Nangmi lawngah kaimi teng kalawng na dang u Muithla oen awlthang theen oen ah aka vai u nawh muithla oen awlthang te na do u!

Galati 5:6

Khrih Jesuh oen mami pumkhatla ng'awm u atah yahhuivuen reet khaw, reet nawh khaw athloeina awm nawh; awlpui tah lungna oen bii aka bi oengna te ni.

Ephesa 4:13

Tedawngah mami boeih lawng oengna dawngah khaw, Pathen capa mingna dawngah khaw pakhatla te avan-at la ng'awm u ai; mami lawng poekna aka soep thlaang la ng'awm vetih Khrih kah asoepna tangtang asang koek te m'pha van ai.

Philipi 2:11

Pa Pathen ruep-awmna ham Jesuh Khrih tah Bawipa ni tila boeih a phawng u ai.

Philipi 3:8

Te thaihu thli bueng nawh tih; ka Bawipa Khrih Jesuh kah cuihhoena aphu aka awm ngaai rang oen soeprep cungkuem te sungna ni tila ka poek boeih poen. Amah rang oen ah soeprep boeih te ka hoett kang poen; te ang thli boeih te tah kaw-hnot vaiking la ni ka poek mai poen, Khrih ah ka thawnna ham oen ah,

Titus 1:1

Pathen kah tuihyoeihthlaang oen Jesuh Khrih kah celtuih kai Pawl lawng ca kavan pat. Pathen lawng a tuek thlaang thli kah oengna cak sak ham oen mami kah bokna oen awltak cangna ah ahimi te mawt hamla tuek la ka awm tih n'tuih.

Titus 1:4

Mami cuutna u oengna dawngah ka ca taktakla aka awm Titas, nang tengah ca kavan pat. Pa Pathen oen mami thlawnkung Jesuh Khrih lawngah lungvatna, ngaimawngna te m'pe hawn seh.

Hebrew 13:7

Nangmi tengah Pathen awl aka thui lamhacuek mawtkung thli te hilh u boel. Ahimi kah hingna oen a duekna te poek u langtah ahimi kah oengna te oett u lah.

Hebrew 6:6

Te tila a ming u lal maiah ahimi lawng oengna te a hoett u! Ahimi te thawlh yut sak koep ham coengg thai tlaih nawh, metihtiah ahimi lawng Pathen capa te thinglam dawng a ngawn koep u tih thlaangtim paalak ah yah a pawh sak u.

James 2:18

Tede thlaang khatsut lawng, “Thlaang pakhat lawngah oengna a khueh tih atloe pakhat lawng saina a khueh,” ti ai. Awl ka thungna tah, “Saina awm ohla thlaang lawng oengna a khueh thaina te van tueng sak lah. Kai lawngtah ka oengna te saina oen kavan tueng sak ai,” ti he ni.

1Peter 3:21

te tah tahe ah nangmi kah thlawnna baptisma miknoekna te a thuinuetna ni. He baptisma he tah pum dawngkah ciimcaih nawh te silhna nawh tih athe atheen pekbona kawpoek theen oen Pathen tengah awlkam saina ni. Jesuh Khrih thawhkoepna rang oen ah nangmi tah te baptisma oen n'thlawn u.

2Peter 1:1

Jesuh Khrih kah tuihyoeihthlaang oen celtuih Simon Piter lawng mami kah Pathen oen Thlawnkung Jesuh Khrih kah doengna rang oen kaimi angla aphu aka tlo oengna aka dang van nangmi tengah:

Jude 1:20

Tede ka paya thli, nangmi tah namami kah aciim oengna dawngah namami oen namami tawm athap patoeng uh. Aciim Muithla tharana oen thangthui uh.

Jude 1:3

Ka lungna ka paya thli, mami lawng n'dang rip thlawnna kawng he nangmi tengah ca oen thut hamla ka yawm. Pathen lawng a thlaang thli tengah vaikhatla khoekkoeng ham a peek oengna dawngah acakla pai ham nangmi tengah ca thut pahoei tih thaphawh ham ka poek.