Ephesa 4:4 - Matu Chin New Testament 2006

⁴ Pathen lawng nangmi n'khue vengah te ngaiuepna pakhat a awm van angla pum pakhat oen Muithla pakhat ni a awm.

Matu Bible

⁴ Nangmih kah khuenah te ngaiuepnah pakhat dongah n'khue uh vanbangla pum pakhat neh mueihla pakhat ni a om.

Ephesa 4:4 Iomraidhean Croise

Mathai 28:19

Tedawngah dilai dawngkah thlaangphun boeih tengah cet u langtah ahimi te ka hubang la van coeng sak uh; Pa, Capa, Ciim Muithla miing ah baptisma pe uh.

Caeltueih 15:11

Tetih moenih ta! Ahimi angla mami lawngkhaw n'tangna u van tih Bawipa Jesuh kah lungvatna rang oen thlawnna n'dang u.” a tina.

Rom 11:29

Pathen lawngtah a tuek thlaang thli oen yotheen kam-awm a peek thlaang thli kawngah a kawpoek thloet nawh.

1Korin 10:17

Takawi thluem at awm tih, te takawi thluem at te n'cuut u dawngah mami he thlaangmi la tah yahawh mai cakhaw pumkhatla ni n'awm u.

1Korin 12:20

Te tila te a beek tah awm moen mai de pum tah pakhat ni.

2Korin 11:4

Metihtiah, thlaang pakhat lawng nangmi tengah law tih kaimi lawng ka thui nooek nawh atloe Jesuh te avan thui u vengah nangmi lawng na uemdoeh tih awmngaihla khawdawp na ngaai u. Nangmi lawngah kaimi teng kalawng na dang u Muithla oen awlthang theen oen ah aka vai u nawh muithla oen awlthang te na do u!

Ephesa 1:18

Nangmi te me ang ngaiuep sak ham n'khue tih a thlaang thli hamla a kam pe kawpoek rai yotheen kam-awmna te metihtlukla a yahawh tih,

Ephesa 2:16

Khrih lawngah thinglam dawng a duekna oen ahimi khat oen khat a raal u the te a phe pe; thinglam oen ah thlaangphun pahih te pumkhat la a sai tih ahimi te Pathen tengla avan law puei koep.

Ephesa 2:18

Khrih rang oen ah Judah thlaang khaw, Gental thlaang khaw mami boeih lawngah Muithla pakhat dawng kalawng Pathen haiah m'pha thai u.

Ephesa 2:22

Amah oen pumkhatla awmna rang oen ah nangmi khaw thlaangtloe hue boeih oen a sak haih Pathen lawng amah Muithla oen a awmna im la na coengg u poen.

Ephesa 4:1

Tedawngah, Bawipa bii ka bi dawngah thongtla kai lawngah awl kan uen u: nangmi te Pathen lawng n'khue veng kah a taring van ah te adoengla khaw sa uh.

Ephesa 5:30

Metihtiah mami tah amah pum dawngah aka thuum van ni.

Kolosa 1:5

Awlthang Theen asoeng taktak te nangmi teng avan pha cuek vengah ngaiuepna m'peek kawng te nangmi lawng na yaak u. Tedawngah nangmi kah oengna oen lungna tah vaan ram ah nangmi ham a khueh ngaiuepna dawngah akung asut.

Kolosa 3:15

Khrih kah peek ngaimawngna tah nangmi lawng awltloekna na saina ah nangmi te lawngpui aka tueng sak ham ni; metihtiah he ngaimawngna khuiah awm haih hamla Pathen lawng pum pakhat dawngah nangmi te n'khue u. Tedawngah awmngaih uh.

2Thessalonika 2:16

Mami he n'lungna tih aboet nawh thincakna oen acak ngaiuepna te a lungvatna oen pekung mami kah Bawipa Jesuh Khrih amah oen mami kah Pa Pathen lawngah,

1Timothy 1:1

Mami kah Thlawnkung Pathen oen mami kah ngaiuepna Khrih Jesuh rang oen ah Khrih Jesuh kah celtuih la aka awm Kai Pawl lawngah:

Titus 1:2

Mami kah bokna tah dungyan hingna ngaiuepna dawngah kung a sut. Hoem awl aka thui nawh, Pathen lawng dilai a suen thlan veng kalawng he hingna he mami peek ham awl a kam poen tih;

Titus 2:13

Te tila te mami kah bawilen Pathen oen thlawnkung Jesuh Khrih kah ruep-awmna va tueng ngai ai tila n'ngaiuep awmngaihna Khawhin te n'ring u.

Titus 3:7

a lungvatna rang oen Pathen oen mami roeproei ham oen ah mami kah ngaiuep dungyan hingna te khueh thaina ham ni.

1Peter 1:21

Amah rang oen Pathen te nangmi lawng na oeng u tih, Pathen lawng amah te duekna kalawng a thawh sak tih ruep-awmna te a peek; tedawngah nangmi kah oengna oen ngaiuepna tah Pathen dawngah cak khak.

1Johan 3:3

A-u khaw Khrih ah he ang ngaiuepna aka khueh lawngtah Khrih aciimcaih van angla amah oen amah te aciimcaihla awm van.