Ephesa 4:25 - Matu Chin New Testament 2006

²⁵ Tedawngah hoemthui thlaang awm tlaih boel seh! Thlaang boeih lawng aka oeng paya laikoei tengah awltak tang te thui seh; metihtiah mami boeih tah Khrih pum dawngah thik at la aka thuum boeih ni.

Matu Bible

²⁵ Te dongah laithae te duul uh sih lamtah khat rhip loh a imben taengah oltak thui uh sih. Khat neh khat pumrho lam ni n'om uh.

Ephesa 4:25 Iomraidhean Croise

Johan 8:44

Nangmi tah na pa Raaibawi kah ca-anau la na awm u tih na pa kah kawngaih te vai hamla na ngaih u. Acuek veng kalawng ahih tah thlaang ngawnkung la awm tih awltak ben ah metuek veng khaw awm nooek nawh, metihtiah ahih ah awltak te a awm roe nawh dawngah ni. Hoem awl a thui vengah a sai nooek bueng te ni a sai, metihtiah ahih tah hoemthuikung la awm tih hoem thui thlaang boeih kah ana pa la awm.

Rom 12:5

Tetih van la mami khaw thlaang yahawh mai de Khrih ah pumkhatla awmna rang oen pumkhatla n'coengg tih pum dawngkah abeek tloe tloe he pakhat oen pakhat a tuhkai u van angla mami khaw khat oen khat m'pha u boeih.

1Korin 10:17

Takawi thluem at awm tih, te takawi thluem at te n'cuut u dawngah mami he thlaangmi la tah yahawh mai cakhaw pumkhatla ni n'awm u.

2Korin 7:14

Kai lawng nangmi kawng te ahih tengah ka oekthloenna u poen, nangmi lawng kai he tha nan the sak u nawh. Kaimi lawng nangmi tengah awltak te ka thui yoeyah u tih te tila Titas tengah ka oekthloen u te khaw soeng.

Ephesa 4:15

Mami lawng lungna thinkaw oen awltak thuina oen ah luu la aka awm Khrih dawngah te soeprep ah roeng ham awm.

Ephesa 4:22

Tedawngah pumsa ngaihna lawng thailatna oen phe la aka awm na hing ruem te tah hoett u loeih.

Ephesa 4:31

Thunkha-thunthlimna, thinso-kawsana, thinsana te hoett u loeih. Pakhat oen khat tlungna oen sal-aphaamna, khat oen khat thina thinkaw awm tlaih boel seh.

Ephesa 5:30

Metihtiah mami tah amah pum dawngah aka thuum van ni.

Kolosa 3:8

Tede tahe tah he ang thaihu thli thinsana, thinthena oen thlaang thina boeih te nangmi lawng na hoett boeih ham awm. Thlaang thekhana awl, tapvoepna awlthe awlkha he na hui na kaa dawng kalawng thoeng boel seh.

Kolosa 3:9

Nangmi lawng thlaangruem hingna oen thlaangruem moeiboe te na dul u tih thlaang thaai hingna oen na khuk u poen dawngah pakhat oen khat te thailat u patoeng boel.

1Timothy 1:10

Khawboe the thlaang thli ham, hutaa tawngpa thawlhna aka sai thlaang thli ham, tlangsum caak ngaih ah thlaang aka tu thli ham, hoem thui thli oen asoeng nawh sausi la aka pai thli ham, asoeng oengnakungpui te aka kalh thlaang thli ham ni a sai pe.

1Timothy 4:2

Te ang cangpueina te tah thiiling haialh oen a ung sak angla athetheen pekbona kawpoek aka duek moelh sut thlaangthaipalat hoem thui hue lawngah a puung adaw sak u.

Titus 1:12

Amah Krit thlaang, amami kah tawngha thli khuikah pakhat awltak aka thui lawng a thui vengah “Krit thlaang thli tah hoem aka thui poepa athe satluung oen thayong thlaang, caruutpui thli ni”

Titus 1:2

Mami kah bokna tah dungyan hingna ngaiuepna dawngah kung a sut. Hoem awl aka thui nawh, Pathen lawng dilai a suen thlan veng kalawng he hingna he mami peek ham awl a kam poen tih;

Hebrew 12:1

Tedawngah he yoeh aih la sausi yahawh lawng mami he n'yaawl khoep poen dawngah mami cehna lawngpui ah kanghalhkung thaihu soeprep boeih oen mami pum ah aka bat mangkhak thawlhna boeih te dul u silang tah mami haiah avan khueh lansak benla te loehlang u silang heng u sih.

James 1:21

Tedawngah nangmi lawng tuiilehkap moeiboe boeih oen athe khawboe ramlang boeih te hoett u loeih. Pathen tengah te nawn u langtah nangmi aka thlawn thai na lungbui khuiah avan ling awl te do u lah.

1Peter 2:1

Tedawngah namami kah the-arana boeih, hoem awl thuina, thai-alatna, uett-eena, awlthe awlkha te hoett u loeih.

Olphong 21:8

Tede riyawp thlaang thli, paipi aka thleep thlaang thli, tuiilehkap thinkaw aka khueh thli, Thlaang aka ngawn thli, thlaanghalh paadak thli, Caamna oen mu-uih caakna aka hawna thli, kutsaimuei aka bok thli oen ah hoem awl aka thui boeih hamla ahuen amawl te tah kat hai-alh te ni, te tah apabe duekna ni,” tila a thui.

Olphong 22:15

Te cakhaw cet thawlh lawnghang thli, caam oen mu-uih caakna aka hawna thli, hutaa tawngpa thawlhna aka sai thli, thlaang aka ngawn thli, kutsaimuei aka bok thli, saina oen khawseh, hoem awl thui oen khawseh thlaangthaipalat thli tah khawpui adauben ah awm u ai.