Ephesa 4:24 - Matu Chin New Testament 2006

²⁴ Nangmi lawngah hingna athaai oen ah thoekcau uh, te tah Pathen kah mueisam oen aka lo u la a sai tih aka doeng tih aciim hingna tangtang a tuengna ni.

Matu Bible

²⁴ Pathen loh duengnah neh oltak kah cimcaihnah dongah n'suen vanbangla hlang thai te bai uh.

Ephesa 4:24 Iomraidhean Croise

Luka 1:75

te tah mami lawng hing khuiah amah haiah ciim acaih tih adoengla awmna ham ni.

Johan 17:17

Ahimi he awltak oen namah hamla pum peek sak lah; awltak tah na awl te ni.

Rom 12:2

He dilai khawsak siing angla khaw sa u tlaih boel, tede Pathen lawng nangmi thinkaw a khui ben te asoepbirla van thaw pan hawn seh. Te atah aka theen thaihu, aka soep thaihu oen amah kawtlaak te nangmi lawng na ming u thai ai, he tah Pathen amah kawngaih ni.

Rom 13:12

Yiinna tah boet tawm poen, khaw daai hang poen ai. Yiinna thaihu sai te toeng u poen silang tah aangna khuiah raal kahna awva te lo u sih.

Rom 13:14

Bawipa Jesuh Khrih kah awva te lo uh, na pumsa kah thawlh sai ngaihna oen thawlhna kah kawkhuekna te toeng u loeih.

Rom 6:4

Tecoengah mami baptisma n'dang vengah mami tah ahih oen up haih la awm tih a duekna ah n'duek haih u, Khrih tah Pa kah ruep-awmna huham lawng duekna kalawng a thawh sak koep angla mami khaw hingna athaai oen hingna van ham ni.

Rom 7:6

Tede tahe tah Phungawl kah piinna thong khuiah te n'duek u poen dawngah Phungawl dawng kalawng n'loeih u poen. Tahe atah ca oen a thut phungawl lawngpui ruem ah bii m'bi u tlaih nawh tih Muithla ben kah lawngpui thaai ah ni bii m'bi u poen.

Rom 8:29

Pathen lawng a tuek tangte thlaang thli te amah Capa angla a coenggna ham a thloekcala a thloeng, te tila a sai he tah amah aka oeng thlaang yahawh tim ah a Capa te ahaamkoek camiing awmthang la awm sak ham ni.

1Korin 15:53

Metihtiah a rong-ing la aka awm thai he rong-ing thai nawh la thaw u pan vetih aka duek thaihe aka duek thai nawh la pan thaw u poen ai.

2Korin 3:18

Tedawngah mami boeih tah mik-hai aka dah khoep tlaih nawh dawngah Bawipa kah ruep-awmna te aka tueng sak thlaang poen ni; te ruep-awmna tah Muithla la aka awm Bawipa teng kalawng law tih mami he amah oen aka lo u ruep-awm tare la n'sai.

2Korin 4:16

He tila a awm dawngah metuek vengah khaw kaimi tah ka kaw boet nawh. Mami kah pumtaksa he voehvoeh ah tlum ahonn ngoen cakhaw, mami kah muithla hingna tah hin at coeng hin at athaaila coengg tare hang.

2Korin 5:17

A-u khaw Khrih oen a tuhkai u coeng atah, ahih tah thlaang thaai poen ni; a hing ruem tah khum tih athaaila hing poen.

Galati 3:27

Nangmi tah Khrih oen pumkhatla awmna dawngah baptisma na dang u poen tih tahe atah Khrih amah hingna oen na khuk na dah u poen.

Galati 6:15

Thlaang pakhat lawng yahhuivuen reet oen reet nawh he awlpui tlaih nawh ni; thlaang thaai la awm he ni awlpui poen.

Ephesa 2:10

Mami Khrih Jesuh ah pumkhatla awmna rang oen ah thaihu theen sai hamla mami he n'sai poen. Mami lawng sai hamla aroek abah oepsoeh thaihu theen saina oen hing hamla mami he n'sai koep poen.

Ephesa 2:15

Judah Phungawl te awlpeek thli oen phung-alam thli te khaw boeih a phe; te tila a sai te tah amah oen pumkhat la awmna ah thlaangphun pahih te thlaangphun thaai pakhatla sai tih roeproeina te awm sak ham a ngaih dawngah ni.

Ephesa 6:11

Seitan kah athe thailatna te padauh thaina ham Pathen kah peek phawlip acungkuem oen ah thoekcau u lah.

Titus 2:14

Mami he athe-arana boeih dawng kalawng thlawn ham oen mami he thlaang ciim la sai tih amah bueng kah koe la awm ham oen ah theenna te thinkaw thluembuek oen aka sai ham, amah kah hingna roe te mami hamla a peek.

Hebrew 1:8

A Capa kawng tah Pathen lawng: “Aw Pathen, namah kah ram tah dungyan toe cak ai! Nang lawngtah na thlaang thli te doengna oen na uk ai.

Hebrew 12:14

Thlaang boeih oen roeproeicala awm ham yawm u lang aciim hingna oen hing hamla yawm uh, metihtiah aciim hingna nawh atah a-u lawngkhaw Bawipa te hu manawh.

1Peter 2:2

Camoe thangpek angla awm u langtah muithla ben kah suuktui ciim te hall yoeyah uh, muithla ben suuktui ciim te na awkk u atah na roeng hang vetih thlawn la na awm u ai.

2Peter 1:4

Te tila amah lawng peek ham awlkam aka bo hlang tih aphu aka tlo kutdo te mami m'peek poen. He kutdo rang oen mami aka phe thai dilai pumsa ngaihna kalawng na loeih u thai vetih Pathen pumsa te na cuut u thai van ai.