Ephesa 4:22 - Matu Chin New Testament 2006

²² Tedawngah pumsa ngaihna lawng thailatna oen phe la aka awm na hing ruem te tah hoett u loeih.

Matu Bible

²² Hmilhmaknah kah hoehhamnah dongah aka poeih uh lamhma kah hlang rhuem omih te nangmih loh duul uh.

Ephesa 4:22 Iomraidhean Croise

Rom 6:6

Mami kah hing ruem te Jesuh Khrih oen thinglam dawngah khiing haih la awm poen tite m'ming u. Te tila a khiing haih he tah thawlhna oen aka be pumsa hing ruem te phe boeih tih thawlhna sal la awm tlaih nawh ham ni.

Rom 7:11

Thawlhna lawng atue theen a dang tih awlpeek te a hawna vetkat tih n'thai n'latna; te awlpeek oen kai te ng'ngawn.

2Korin 11:3

Evi te ruul lawngah asuek ahalh tih athai alatna angla te nangmi khaw na thinkaw thaw u vetih Khrih na uepna khaklal te na toeng u hau ai tila ka lakueng.

Galati 1:13

Kai lawng Judah bokna dawngah ka tlungmu veng kah ka hingna te nangmi lawng na ming u poen, kai lawng reenna khueh muehla Pathen kah khrihcabu te ka heem ka tek tih amilh amoeng hamla ka sai.

Ephesa 2:3

Ataktang atah mami boeih he ahimi angla ni ng'awm u van tih mami lawng pumsa ngaihna angla khaw n'sak u, mami thinkaw oen pumsa lawng ahue angaih boeih te n'sai u. Mami khaw m'mah kah awm ih angla te thlaangtloe angla Pathen thinsana aka yawkk ham koei ni.

Ephesa 4:17

Tedawngah Bawipa miing oen nangmi te ngaithuenna kan peek u: nangmi lawng Pathen aka bok nawh lukih thlaang thli angla awm u tlaih boel, ahimi kah poekna tah apoei-oepla awm tih a thinkaw tah khawyiin khoep.

Ephesa 4:25

Tedawngah hoemthui thlaang awm tlaih boel seh! Thlaang boeih lawng aka oeng paya laikoei tengah awltak tang te thui seh; metihtiah mami boeih tah Khrih pum dawngah thik at la aka thuum boeih ni.

Ephesa 4:31

Thunkha-thunthlimna, thinso-kawsana, thinsana te hoett u loeih. Pakhat oen khat tlungna oen sal-aphaamna, khat oen khat thina thinkaw awm tlaih boel seh.

Kolosa 2:11

Khrih oen pumkhatla awmna dawngah nangmi lawng yahhuivuen-reetna u, thlaanghing kah sai yahhuivuen na reet u nawh tih Khrih kah sai yahhuivuen-reetna oen ni. Te tah he pumsa kah thawlh tharana kalawng loeihna te ni.

Titus 3:3

Metihtiah n'hu vengah mami khaw ng'ngau u tih awl ngaai nawh lawnghang la ng'awm u. Pumsa ngaihna oen awmtheenna soeprep kah sal la ng'awm u. Mami kah hingna he uett-eena oen thaihu naai ah mami lawng n'hawna; Mami te thlaang tloe lawng n'thina tih ahimi te mami lawng n'thina van.

Hebrew 12:1

Tedawngah he yoeh aih la sausi yahawh lawng mami he n'yaawl khoep poen dawngah mami cehna lawngpui ah kanghalhkung thaihu soeprep boeih oen mami pum ah aka bat mangkhak thawlhna boeih te dul u silang tah mami haiah avan khueh lansak benla te loehlang u silang heng u sih.

Hebrew 3:13

Te lak atah, nangmi te thawlhna lawng thai a latna nawh ham, thinthah la na awm u nawh hamla, caciim lawngah, “Tihin,” a ti te mami oen tuhkaina a awm khui atah hin roekk ah pakhat oen khat bawmcem yoeyah uh.

James 1:21

Tedawngah nangmi lawng tuiilehkap moeiboe boeih oen athe khawboe ramlang boeih te hoett u loeih. Pathen tengah te nawn u langtah nangmi aka thlawn thai na lungbui khuiah avan ling awl te do u lah.

James 1:26

Bokna ben ah ka tlungmu tangkiik mai tila aka poek thlaang awm aw? Ahih lawng a laai te a khoem thai nawh atah ahih kah bokna te aphu awm nawh tih amah oen amah te ni athai-alat u khoeng mai.

1Peter 1:18

Nangmi lawng na patuer hue tengkah na pang patoeng hoeikhangna aka awm nawh hingna kalawng aphu a peek tih n'loeih sak te nangmi lawng na ming u. Te tah sui, ngun angla mui-angen thai koei thaihu nawh ni.

1Peter 4:3

Pathen aka ming nawh thlaang thli lawng a sai u angla te nangmi lawng sai van hamla atue atang akhoek anoen te n'hu vengah na hawna u poen. Nangmi lawng na hingna te sai koei nawh yahpawhna, cuk-halhna, yuu ruuina, yuukung tai la ah so-atena, cingdoek halangna, tuiilehkap kutsaimuei bokna dawngah na hawna u poen.

2Peter 2:13

Ahimi lawng thlaangtloe sawah raina a thoeng sak angla amami sawah raina oen a thung pe van ai. Ahimi ham tah nawmna ti he hingthuntaang ah pumsa kah hue-ngaihna soeprep sai he ni. Amami kah thailatna lawngpui ah te awmtheen u tih nangmi oen buh a veel haih u vengah khaw, haithelatt oen yarau aka thoeng sak la awm u.

2Peter 2:7

Khawboe ramlang the tih phung aka khueh nawh thlaang thli lawngah a thekhana thlaangdoeng Lot te tah a loeih sak.