Ephesa 4:21 - Matu Chin New Testament 2006

²¹ Nangmi lawng ahih kawng te na yaak tangtang u poen tih amah kah hubang la na awm u van angla Jesuh dawngah aka awm awltak te nangmi lawng na cang u poen.

Matu Bible

²¹ Amah te na yaak uh tangloeng atah Jesuh ah oltak a om vanbangla amah dongah ni n'thuituen uh.

Ephesa 4:21 Iomraidhean Croise

Mathai 17:5

Piter lawng awl a thui lii vengah ahimi te aka bawk tangkiik muui lawng a thiing khoep u tih muui khuikah awl lawng, “He tah ka lungvatna ka Capa ni, ahih sawah ka kaw hoe, a awl ngaai pe uh,” tila a thui.

Luka 10:16

Jesuh lawng a hubang thli nala te, “A-u khaw nangmi kah awl a hutung u atah kai kah awl ni a hutung u; a-u khaw nangmi kah awl te a hutung nawh atah kai kah awl ni a hutung nawh poen; a-u khaw kai he aka hoett tah kai tuihkung te ni a hoett poen.” a tina.

Johan 1:17

Pathen lawng Phungawl te Mosi rang oen m'peek, tede awltak oen lungvatna tah Jesuh rang oen ni a law.

Johan 10:27

Kamah kah tuuca lawngtah ka awl he a hutung; tuu thli te ka ming tih ka hu ah va bang u.

Johan 14:17

Pathen kawng awltak aka tueng sak Muithla te m'peek ai. Dilai lawng ahih te hu thai nawh, ming thai nawh vetih ahih te do manawh. Tede ahih tah nangmi tengah awm tih na khuiah a awm dawngah nangmi lawngtah na ming u.

Johan 14:6

Jesuh lawng awl a thung pe tih, “Kai tah lawngpui oen awltak oen ah hingna la ka awm. Kai rang nawh atah a-u khaw Pa tengla cet thai manawh.

Rom 10:14

Tede ahimi lawng a tangna nawh atah bawmna dang ham metila a miing te a khue thai ai? Ahimi lawng awlthang te a yaak nawh atah metila a tangna thai ai? Awlthang te a thui nawh atah metila ahimi lawng a yaak thai ai?

2Korin 1:20

Metihtiah ahih tah Pathen awlkam boeih dawngah “Oeih” tina ni. Tedawngah Jesuh Khrih rang oen Pathen kah ruep-awmna ham mami lawng, “Amen”, tila n'thui u.

2Korin 11:10

He tila ka oekthloenna he Akhaia ram tawm ah a-u lawngkhaw khang khak thai manawh tite ka kaw khuikah Khrih kah awltak oen ah awl ka kam.

Ephesa 1:13

Te tila te nangmi khaw thlawnna avan khuenkung Awlthang Theen awltak awlthang te na yaak u vengah Pathen thlaang la na awm u poen. Nangmi lawngah Khrih te na oeng u tih amah thlaang la na awmna miknoekna te Pathen lawng nangmi sawah thawhcang a heen poen; te tah amah lawng awl a kam tangte Ciim Muithla te nangmi m'peekna rang oen ni.

Ephesa 2:17

Tedawngah Khrih tah va law tih Pathen oen athlathloeila aka awm nangmi Gental hue tengah khaw, thlaang boeih tengah ngaimawngna Awlthang Theen te a thui.

Kolosa 1:5

Awlthang Theen asoeng taktak te nangmi teng avan pha cuek vengah ngaiuepna m'peek kawng te nangmi lawng na yaak u. Tedawngah nangmi kah oengna oen lungna tah vaan ram ah nangmi ham a khueh ngaiuepna dawngah akung asut.

Kolosa 1:6

Nangmi lawng Pathen kah lungvatna kawng na yaak cuekca kalawng te lungvatna te ataktangla na ming u veng atah nangmi tim ah apuung ataai van angla te awlthang theen tah dilai pum ah puung khonghak tih yotheen kam-awmna te m'peek.

Kolosa 2:7

Amah khuiah na yung te adungla thlaak langtah amah dawngah na hingna te im angla sa u lang nangmi te n'cang puei u poen angla na oengna te cak sak u lah. Tecoengah awmngaih ciil thuina oen betoet uh.

1Johan 5:20

Pathen Capa tah va law tih Pathen tangtang te mami lawng mingna hamla mami tengah yaakmingna te m'peek poen tite m'ming u. A Capa Jesuh Khrih oen pumkhatla awmna dawngah Pathen taktak oen mami pumkhatla m'awm u. Ahih tah aka soeng Pathen taktak la awm tih dungyan hingna la awm.