Ephesa 4:18 - Matu Chin New Testament 2006

¹⁸ Ahimi lawngah mingna tehca khaw khueh u nawh tih a thin a haam khaklal dawngah Pathen kah peek hingna te dang ham koei la awm nawh.

Matu Bible

¹⁸ A kopoek te a hmuep la a om pah tih Pathen kah hingnah te a hai coeng. A khuikah kotalhnah neh a thinko kah thinthahnah khaw om pai.

Ephesa 4:18 Iomraidhean Croise

Mathai 13:15

Metihtiah a kawpoek biing sut tih a haa a buem khoep u, a mik te a yiin khoep u, tih nawh kawinih ahimi mik lawng a huh vetih a haa lawng a yaak coengah a thinkaw lawng a yaakming vetih ka tengla va meel u ai, ahimi te kai lawng ka hoeih sak sui de” tila Pathen lawng a thui te ni.

Marku 3:5

Jesuh te a thin sa, a teng avai ah te maang tih ahimi te a bueh, ahimi a thin len tih a thawlh u te a huh vengah khatvaang atah a kaw khaw the. Tecoengah kut kheem thlaang nala te, “Na kut te yueng lah” a tina. A kut te a yueng tih theen koep.

Johan 12:40

“Pathen lawng ahimi mik te a pum sak tih lung among sak, ‘Tetih atah ahimi mik lawng hu nawh vetih, ahimi kah thinkaw lawng ming nawh vetih ahimi te hoeih sak hamla ka tengla a law u nawh ai’ tila Pathen lawngah ti” tila te a thui.

Caeltueih 17:30

Pathen amah te thlaanghing lawng a ming nawh vengkah atue atang te n'tu la khaw poek asam nawh, tede tahe atah khaaw tawm ram tawm kah thlaang boeih kah the-arana boeih te mangthawng taak hamla awl a peek poen.

Caeltueih 3:17

Tedawngah maya manau thli, nangmi boeih oen namami kah mawtkung thli lawng Jesuh sawah na sai u te na ming u nawh dawngah na sai u tite ka ming u.

Rom 1:28

Pathen kawng cuihna taktak te thlaanghing lawng a thinkaw khuiah khueh ham a ngaih u nawh dawngah aciimcaih nawh thinkaw lungbui khueh ham Pathen lawng a thlahphaam. Tedawngah sai koei nawh athe thaihu a sai u.

Rom 11:25

Ka maya manau thli, nangmi lawng ka cuih ka hoe heet poen tila na poek u nawh ham nangmi te ming sak ka ngaih awlhuep pakhat awm. Te awlhuep tah he ni. Israel thlaang thli a thin a haam khaklal he aboet toe ham nawh ni, Gental thlaang thli Pathen tengah asoepcala apha thlan khui ham bueng ni.

Rom 11:7

Tetih atah metila a awm? Israel hue lawng a tlap te hu u nawh. Pathen lawng a tuek ayawlca bueng lawng ni a huh; atloe hue tah a haa pang malhtalh tih Pathen kah khuena awl te ya nawh.

Rom 2:19

Mikpum thli te lawngpui nuehkung, yiinna khuikah thlaang thli ham aangna la ka awm na ti u;

1Korin 1:21

Thlaanghing lawng amah kah cuihna oen Pathen te a ming thaina nawh ham amah lawng a cuihna oen a sai poen. Kaimi lawng ka phawng, “ngau-athuuna” a ti u awlthang he aka tangna thlaang te thlawn hamla Pathen lawng awl a khueng.

1Korin 2:8

He dilai ukkung thli a-u khat lawngkhaw cuihna he ming u nawh. Ahimi lawng ming u kawinih ruep-awmna Bawipa te thinglam dawngah ngawn u manawh.

2Korin 3:14

Ahimi kah thinkaw tah khai u khoep tangtang tih tihin toe ah khaw awlkam ruem cabu te a tae u veng roekk ah a thinkaw tah te kah bailoeng lawng te a khuk toengtoeng hun. Thlaang he Khrih oen a tuhkai u deng bueng ah ni te bailoeng te a thlih hun.

2Korin 4:4

He dilai kah raaibawi pathen lawng ahimi kah thinkaw te yiinna khuiah a khueh dawngah ahimi lawngah tangna u nawh. Ahih lawngah Pathen oen aka lo u tangtang Khrih kah ruep-awmna kawng Awlthang Theen dawng kalawng aka thoeng aangna, ahimi sawah aka vangg aangna te huh nawh ham a dah khoep.

Galati 4:8

N'hu veng atah nangmi lawng Pathen te na ming u nawh tih pathen rawlrap hue kah saltamnaa la na awm u.

Ephesa 2:1

Anoekbuet atah nangmi lawng awl na ngaai u nawh tih na thawlh u dawngah muithla ben ah na duek u.

Ephesa 2:12

Tevengah te nangmi tah Khrih oen na thla u. Nangmi tah thlaangphun tloe la na awm u tih Pathen kah thlaangtuek khuiah na thuum u thai nawh. Pathen lawng a thlaang thli tengah a awlkamna dawngah akung asut awlkam paipi oen ah te na bet na pha u nawh tih he dilai dawngah ngaiuepna aka khueh nawh oen Pathen khueh nawh la khaw na sak u.

Kolosa 1:21

N'cuiveng atah nangmi lawng athe thaihu thli na sai u tih, na poek u dawngah Pathen oen na thla u.

1Thessalonika 4:5

Pathen aka ming nawh thlaang hurthok angla pumsa hue-ngaihna oen hing u boel.

Hebrew 5:2

Amah khaw asoepna nawh a phun phun a awm van dawngah cuihhoena aka khueh nawh thlaang thli oen thawlhpalhna aka sai thlaang thli sawah kawdawna a khueh thai.

Hebrew 9:7

Tede, Khawsoeih Bawi bueng te Riim-im khuila kuun tih, te tila te kum khat ah vai-at bueng ni a kuun. Ahih lawngah thisen te a khuen tih amah ham khaw, ming ohla thawlhna aka sai thlaangping ham khaw Pathen tengah a nawn.

James 4:4

Nangmi uep-awm nawh thlaang hue! Dilai oen ah beroep u he Pathen kah raal la awm tite na ming u nawh aw? A-u khaw dilai kah paya beroep la awm ham aka ngaih tah amah oen amah te Pathen kah raal la sai u.

1Peter 1:14

Pathen awl te ngaai uh, nangmi lawng n'tu khaw na ming u nawh vengah namami kawngaih la na hing u angla te hing u tlaih boel.

1Johan 2:11

Tede a-u khaw a maya manau te a thina atah yiinna khuiah awm hun; yiinna khuiah yingyawi tih te yiinna lawng mik a pum pe sak dawngah meben la ka ceh ti khaw ming nawh.