Ephesa 4:16 - Matu Chin New Testament 2006

¹⁶ Ahih kah khawl-acuuina oen pum dawngkah atloe boeih te a bawlcawm kang tih ruhcong boeih oen pum te tuhkai u haih tih bawmcem u. Tedawngah pum dawngkah atloe boeih lawng a bi ham koei te a sai u tih pum lawngah lungna oen roeng hang.

Matu Bible

¹⁶ Amah lamloh pum he boeih kiba tih cului uh. Rhuhcong boeih lamloh pakhat rhip kah cungnueh neh a bibi tarhing ah bomnah neh a cungvang khaw pum pakhat kah rhoengnah dongah lungnah neh amah kah hlinsainah te a khueh.

Ephesa 4:16 Iomraidhean Croise

Johan 15:5

Kai tah misurkungpui la ka awm tih nangmi tah a beek a thleeng thli ni. A-u khaw kai dawngah awm tih kai khaw ahih dawngah ka awm atah yahawh hlang la thaih ai; kai rang nawh atah n'tu khaw na sai thai u manawh.

Rom 12:4

Mami lawng pum pakhat dawngah abeek yahawh n'khueh u tih, he a beek thli lawng bii atloe tloe rip a khueh u.

1Korin 10:17

Takawi thluem at awm tih, te takawi thluem at te n'cuut u dawngah mami he thlaangmi la tah yahawh mai cakhaw pumkhatla ni n'awm u.

1Korin 13:13

Awlpui thaihu pathum awm: te tah oengna, ngaiuepna oen lungna he ni, he thli boeih khuiah lungna he abokoek ni.

1Korin 8:1

Kutsaimuei tengah a nawn u caak awkk kawng cathut oen nan doet u te tahe ah kavan thui ai. Ahimi lawngah, “Mami boeih he cuihhoena n'khueh,” tila a thui u te soeng ngoen. Te cakhaw te ang cuihhoena lawngtah thlaang te a oekk athloen sak tih a halang sak, tede lungna lawngtah thlaang te asoem asai tih a roeng sak.

Galati 5:22

Tede Muithla lawng a thoeng sak tah lungna, awmngaihna, ngaimawngna, kawdawna, reenna, theenna, uep-awmna,

Galati 5:6

Khrih Jesuh oen mami pumkhatla ng'awm u atah yahhuivuen reet khaw, reet nawh khaw athloeina awm nawh; awlpui tah lungna oen bii aka bi oengna te ni.

Ephesa 1:4

Mami he amah haiah aka ciim tih cawttbauh kap nawh la awm ham, Khrih oen mami pumkhatla awmna rang oen ah amah koe la awm ham ah dilai he a suen thlan vengah, Pathen lawng mami he n'tuek poen. Amah lawng n'lungna dawngah,

Ephesa 3:17

oengna rang oen ah nangmi kah thinkaw lungbui ah Khrih lawng a im te sa seh tila ka thangthui. Nangmi lawng lungna dawngah akung na liing tih thlengyung na thlaakna ham khaw ka thangthui,

Ephesa 3:7

Awlthang theen biibikung la ka awm he Pathen kah kutdo ni, he tah amah kah huham tharana oen a sai tih m'peek ni.

Ephesa 4:12

He tila a sai he tah Khrih kah pum te a roengna ham Pathen kah thlaang boeih lawngah Khrihca bii te bi hamla roekbahna ni.

Ephesa 4:15

Mami lawng lungna thinkaw oen awltak thuina oen ah luu la aka awm Khrih dawngah te soeprep ah roeng ham awm.

Philipi 1:9

Nangmi lawng atheen koek te na tuek thaina ham, nangmi kah lungna lawng cuihhoena tangtang oen ah nuemnai thaina oen haih a roeng tare hamla ka thangthui.

Kolosa 2:19

Pum kah luu la aka awm Khrih phoeih mangkhak te a toeng u. (Khrih kah khoemdoenna oen pum lawngah cawmcah u tih ruh-rawng dakda oen tharui lawng a tawm malh coengah Pathen lawng roeng sak ham a ngaih angla te coengg.)

Kolosa 2:2

He tila ka bi he nangmi lawng raltheenna oen na betoet u vetih lungna dawngah pakhat oen khat beroep u ham, aka soeng yaakmingna lawng a thoeng sak ngaitluep ngaimawngna aka soep te na khuehna u thai ham ka ngaih dawngah ni. He tila nangmi lawngah Pathen kah awlhuep te na ming u thai ai, te awlhuep tah Khrih amah he ni.

1Thessalonika 1:3

Metihtiah, nangmi lawng na oengna te biibina dawngah na tuengsakna, namami kah lungna lawngah bii ruh m'bi sakna, mami Bawipa Jesuh Khrih ah aka cak ngaiuepna na khueh u te Pa Pathen haiah ka hilh u nawh.

1Thessalonika 2:13

Kaimi lawngah Pathen tengah awmngaih ciil ka thuina kawng atloe awm hun. Kaimi lawng Pathen awl te nangmi tengla kavan khuen vengah thlaanghing kah awl angla nawh tih, Pathen kah awl angla te na hutung u tih na do u, te tah ataktang ni. Metihtiah aka oeng nangmi tengah Pathen lawng bii a bi.

1Thessalonika 3:12

Nangmi khat oen khat khawseh, thlaang boeih na lungna u te khawseh kaimi lawng nangmi kan lungna abo van angla Pathen lawng van roeng sak tare seh.

2Thessalonika 1:3

Maya manau thli, nangmi hamla Pathen tengah awmngaih ciil ka thui u poepa. Te tila awmngaih ciil thui te aka soeng ni, metihtiah nangmi kah oengna tah roeng hang tangkiik tih nangmi pakhat oen khat na lung u te a roeng hang tare dawngah ni.

1Timothy 1:5

He tila awl kan peek he mengtengna tah athetheen mingna kawpoek ciim oen oengna tangtang oen ah thinkaw ciim dawng kalawng lungna te a thoengna ham thaphawhna ni.

1Peter 1:22

Tahe ah nangmi lawng awltak te na vaina rang oen nangmi tah na ciim u poen tih oengca na puei na paw thli te lungna taktak oen na lungna u poen, tedawngah nangmi khat oen khat thinkaw tak oen lung u tare lah.

1Johan 4:16

Te tila Pathen lawng mami n'lungna te kamami roeroe lawng ka ming u tih ka tangna u. Pathen tah lungna ni, a-u khaw lungna dawngah aka awm tah Pathen oen pumkhatla awm tih Pathen khaw ahih oen pumkhatla awm.