Ephesa 4:13 - Matu Chin New Testament 2006

¹³ Tedawngah mami boeih lawng oengna dawngah khaw, Pathen capa mingna dawngah khaw pakhatla te avan-at la ng'awm u ai; mami lawng poekna aka soep thlaang la ng'awm vetih Khrih kah asoepna tangtang asang koek te m'pha van ai.

Matu Bible

¹³ Tangnah dongkah kodoknah dongah, Pathen capa kah mingnah dongah, lungcuei hlang pakhat la, Khrih a soepnah pumrho dongkah cungnueh dongla boeih m'pha uh duela a khueh.

Ephesa 4:13 Iomraidhean Croise

Mathai 11:27

“Apa lawng thaihu soeprep boeih m'peek poen. Apa nawh tah a-u lawngkhaw Capa te ming nawh. Capa oen amah te m'ming seh tila Capa lawng a tueng sak thlaang thli teng bueng nawh atah a-u lawngkhaw a Pa te ming u manawh.

Johan 1:16

Amah kah abetoet lungvatna khui kalawng yotheen kam-awmna khat coeng khat te mami m'peek.

Johan 16:3

Ahimi lawngah kai he khaw, a Pa khaw a ming u nawh dawngah he ang thli he nangmi sawah a sai u ai.

Johan 17:21

Ahimi boeih lawng pumkhat la a awmna u ham ka thangthui. A Pa, Nang khuiah kai ka awm tih kai khuiah nang na awm van angla ahimi te mami khuiah awm van lah seh. Kai he nang lawng ni nan tuih tite dilai lawng a tangna ham ahimi he pumkhat la awm sak lah.

Johan 17:3

Tecoengah dungyan hingna ti he tah nang lawng na tuih Jesuh Khrih he ming tih Pathen taktak nang te ming he ni.

Johan 6:69

Tahe atah nang he Pathen tengkah aka law Thlaang Ciim tila kan tangna tih kan ming u poen.” a tina.

Caeltueih 4:32

Oengca thli lawngah thinkaw oen lungbui khat la kang a khueh u. A-u lawngkhaw a khueh thaihu te kamah kah thaihu ni ti u tlaih nawh tih ahimi lawng a khueh thaihu boeih te khat oen khat avanpila ree u.

1Korin 1:10

Maya manau thli, mami Bawipa Jesuh Khrih kah saithaina aana oen nangmi boeih tengah reenna kavan bih u, nangmi tim ah pekbona a awmna nawh ham awlthui kaalai dawngah na kaw vai u sak. Poekna pakhat, mengtengna pakhat oen ah awm uh.

1Korin 14:20

Maya manau thli, kawpoekna dawngah camaw angla awm u boel; the-arana nawh ben atah camaw la awm uh, kawpoekna ben atah poekna aka soep lungcuih thlaang la awm uh.

1Korin 2:6

Te cakhaw muithla ben ah poekna aka soep thlaang thli teng atah cuihna awl te ka thui pe. Tede te awl te tah he dilai dawngkah cuihna nawh ni, he dilai ukkung thli kah aka khum tharana te nawh ni.

2Korin 4:6

Khrih kah mik-hai dawngah aka aang Pathen kah ruep-awmna te ming thaina ham mami kah lungbui khuiah amah kah aangna te aka vaang sak Pathen oen ah “Yiinna khui kalawng aangna te vaang ai!” tila aka thui te atloe nawh tih Pathen amah toeng toeng ni.

Galati 4:19

Ka lungna ka ca ka nau thli! Nangmi kah thinkaw ah Khrih moeiboe a awm thlantoe tah hutaa lawng camoe a awm vengah tlawhna a ming angla te ka ming koep hun ai.

Ephesa 1:17

mami Bawipa Jesuh Khrih kah Pathen, mami kah ruep-awm m'Pa tengah nangmi te Muithla m'peekna hamla ka bih poepa, te Muithla lawngtah nangmi te n'cuih sak vetih Pathen te nangmi tengah avan tueng sak ai, te atah Pathen te na ming u ai.

Ephesa 1:23

Khrihcabu he tah soeprep boeih aka soepsakkung amah roe te asoepbirna Khrih kah a pum ni.

Ephesa 2:15

Judah Phungawl te awlpeek thli oen phung-alam thli te khaw boeih a phe; te tila a sai te tah amah oen pumkhat la awmna ah thlaangphun pahih te thlaangphun thaai pakhatla sai tih roeproeina te awm sak ham a ngaih dawngah ni.

Ephesa 4:12

He tila a sai he tah Khrih kah pum te a roengna ham Pathen kah thlaang boeih lawngah Khrihca bii te bi hamla roekbahna ni.

Ephesa 4:3

Nangmi te pakhatla aka piin roeproeina oen ah Muithla kah peek pumkhatla awmna te phoeih mangkhak uh.

Ephesa 4:5

Bawipa pakhat, oengna pakhat, baptisma pakhat awm:

Philipi 3:10

Kai lawng ka ngaih tah Khrih te ming ham oen ah amah thawhkoepna huham tharana te ming van ham amah kah patang khang te khang van ham oen ah amah angla duek van ham ni.

Philipi 3:8

Te thaihu thli bueng nawh tih; ka Bawipa Khrih Jesuh kah cuihhoena aphu aka awm ngaai rang oen soeprep cungkuem te sungna ni tila ka poek boeih poen. Amah rang oen ah soeprep boeih te ka hoett kang poen; te ang thli boeih te tah kaw-hnot vaiking la ni ka poek mai poen, Khrih ah ka thawnna ham oen ah,

Kolosa 1:28

Tedawngah kaimi lawng thlaang boeih tengah Khrih kawng he ka thui u. Thlaang boeih lawng Khrih oen pumkhatla awmna ah pakhat rip te thlaangsoep la Pathen haiah pha puei ham cuihna boeih oen ngaithuenna ka peek u tih ka cang puei u.

Kolosa 2:2

He tila ka bi he nangmi lawng raltheenna oen na betoet u vetih lungna dawngah pakhat oen khat beroep u ham, aka soeng yaakmingna lawng a thoeng sak ngaitluep ngaimawngna aka soep te na khuehna u thai ham ka ngaih dawngah ni. He tila nangmi lawngah Pathen kah awlhuep te na ming u thai ai, te awlhuep tah Khrih amah he ni.

Hebrew 5:14

Buh aka haam te tah kum haam thlaangsoep ham ni; ahimi lawngtah tuukkiik u tih athe atheen te a pek abo thai.

2Peter 1:4

Te tila amah lawng peek ham awlkam aka bo hlang tih aphu aka tlo kutdo te mami m'peek poen. He kutdo rang oen mami aka phe thai dilai pumsa ngaihna kalawng na loeih u thai vetih Pathen pumsa te na cuut u thai van ai.

2Peter 3:18

Mami kah Bawipa Jesuh Khrih lungvatna oen mingna dawngah roeng hang uh. Amah tengah ruep-awmna tah tahe kalawng ayoeyah awm hawn seh. Amen.

1Johan 5:20

Pathen Capa tah va law tih Pathen tangtang te mami lawng mingna hamla mami tengah yaakmingna te m'peek poen tite m'ming u. A Capa Jesuh Khrih oen pumkhatla awmna dawngah Pathen taktak oen mami pumkhatla m'awm u. Ahih tah aka soeng Pathen taktak la awm tih dungyan hingna la awm.