Ephesa 4:10 - Matu Chin New Testament 2006

¹⁰ Tedawngah aka rum thuk oen aka luui hang te tah vai ahih tih vaan asawben avooel la luui hang a ti he tah amah he khawhipuempa ah betoetna ham ni.

Matu Bible

¹⁰ Amah te suntla tih a cungkuem te soep sak ham vaan boeih kah a soah aka luei la om bal.

Ephesa 4:10 Iomraidhean Croise

Mathai 24:34

He he hilh u boel: tahe kah aka hing hue a duek boeih thlan ah he kah thaihu boeih he thoeng ai.

Luka 24:44

Tecoengah ahimi tengah, “Mosi kah Phungawl khuiah khaw, tawngha thli kah ca thut dawngah khaw, Saam laabu dawngah kai kah kawng alam a thut boeih te asoep ham awm tila nangmi teng ka awm vengah kavan thui u te he kah thaihu thli he ni.” tila a thui pe.

Johan 1:16

Amah kah abetoet lungvatna khui kalawng yotheen kam-awmna khat coeng khat te mami m'peek.

Johan 19:24

Raalkap thli lawng, “He tah pheuh u boel sih; a-u lawng nuem a dang ve, talcung sutt u sih” tila a thui u. He kah Caciim lawngah, “Ahimi lawngah, kai tah hi-acuu te pek u the tih ka himbaidung te tah talcung a yueh u” tila a thui te asoepna hamla tila he awm. Raalkap thli lawng te tila te a sai u.

Johan 19:28

Jesuh lawngah, tahe tah thaihu cungkuem soep boeih poen tite a ming tih Caciim lawng a thui te asoepna ham, “Tui ka hall” tila a thui.

Johan 19:36

Caciim lawngah, “A ruh te pakhat Pateng tlot manawh” tila a thui te asoepna hamla tila he awm.

Caeltueih 1:11

ahih rawi lawngah, “Galili thlaang thli, n'tu ah te ah te na pai u tih vaan benla na dan khiing u? Jesuh he nangmi teng kalawng vaan la luui poen, vaan la a luui hang na huh u van angla te a rum thuk koep te na huh u ai.” a tina.

Caeltueih 1:9

He awl he a thui coengah ahimi kah mik huh roe ah te vaan la luui hang, muui lawng a yaawl khoep tih ahimi lawng hu u thai tlaih nawh.

Caeltueih 2:33

Ahih tah ana Pa Pathen kah bantang ben ah a ngawlh sak poen tih ana Pa kah awlkam angla Muithla te a dang poen. Tahe ah nangmi lawng na huh u tih na yaak he tah kaimi sawah avan toi amah kutdo ni.

Caeltueih 3:18

Yan vengah Pathen lawng tawngha boeih tengah, amah kah Messiah lawngah patang a khang ai tila a thui oepsoeh te amah lawng te tila asoep sak.

2Korin 12:2

N'hu kum thlailii vengah khrihca thlaang pakhat vaan asang koek la a pawmsang hang te ka ming (He tila apawmsang hang te a taktang kai aw, tihnawhtah huhthlaam aw ka huh kai, ka ming nawh - Pathen lawng ni a ming).

Ephesa 3:19

Ahih kah lungna te meveng khaw asoepla ming thai koeila awm nawh de, nangmi lawng a lungna te na ming u ngai ai, tedawngah Pathen pumsa soepna boeih oen nangmi na betoet u ham ka thangthui.

Kolosa 1:19

A Capa lawng amah khuiah Pathen pumsa soepbir a khueh he Pathen amah kah awltloekna rang oen ni.

Kolosa 2:9

Metihtiah Khrih thlaanghing pumsa dawngah Pathen kah pumsa asoepbirla awm tih,

1Timothy 3:16

Mami kah bokna dawngah aka awm alenduet awlhuep he a-u lawngkhaw oelhtaih thai manawh; Ahih tah thlaanghing pumsa la va thoeng, soeng tangtang tite muithla lawng a tueng sak, vanthlaang thli lawng a huh u, Ahih kawng te thlaangphun boeih tengah a thui u tih dilai peng tawm thlaang lawng a oeng u, tecoengah ahih tah vaan la luui hang poen.

Hebrew 4:14

Tedawngah mami lawng oengna te acakla phoeih rap u sih. Metihtiah, Pathen Capa Jesuh tah mami kah aka lenduet Khawsoeih Bawi la awm tih Pathen a awmna la te cet poen.

Hebrew 7:26

Tedawngah Jesuh tah mami kah ngoena aka soep sak Khawsoeih Bawi ni. Ahih tah ciim; thawlhpalhna khueh nawh tih thawlhna khaw ahih dawngah awm nawh; ahih te thlaangthawlh tim kalawng a thloeng tih vaan khawhi sawah a pawmsang hang poen.

Hebrew 8:1

Kaimi lawng awlpui la ka thui u tah vaan ah Huham tharakoek Pathen kah ngawlhcoen bantang ben ah aka ngawl Khawsoeih Bawi pakhat mami lawng n'khueh u ti he ni ka thui u.