Ephesa 4:1 - Matu Chin New Testament 2006

¹ Tedawngah, Bawipa bii ka bi dawngah thongtla kai lawngah awl kan uen u: nangmi te Pathen lawng n'khue veng kah a taring van ah te adoengla khaw sa uh.

Matu Bible

¹ Te dongah Boeipa ah thongtla kai loh nangmih aka khue kah khuenah neh a tingtawk la pongthoh ham kan hloep.

Ephesa 4:1 Iomraidhean Croise

Caeltueih 9:31

Judia Tecoeng atah ram, Galili ram oen Samaria ram kah khrihcabu tah ngaimawngla awm u. Bawipa te hinyahna oen khaw a sak u tih Ciim Muithla kah bawmna rang oen a tha ra u tih puung tare u.

Rom 11:29

Pathen lawngtah a tuek thlaang thli oen yotheen kam-awm a peek thlaang thli kawngah a kawpoek thloet nawh.

Rom 12:1

Tedawngah maya manau thli, Pathen lawng mami he n'reen tangkiik dawngah amah bii bina ah amah kah kawtlaak la aka hing luciik angla na pum te Pathen tengah nawn uh tila nangmi te kan ceel u. He tah aka soeng bokna tih nangmi lawng na peek ham koei bokna te ni.

1Korin 4:16

Tedawngah kai kah khawboe ramlang he na oett u hamla kan ceel u.

2Korin 10:1

Mami oen ng'awm haih veng atah awl kaa khaw thui nawh, athlathloei la a awm atah tluung-athang mai na ti u kai Pawl lawngah Khrih kah boe-ngaaina, kawdawna thinkaw oen ah reenna kavan bih u.

2Korin 5:20

Tedawngah kaimi lawng Khrih yueng la awl ka thui u; Pathen amah lawng nangmi te n'ceel angtoekla ni kaimi lawng kan ceel u. Nangmi lawngah Pathen kah raal la awmna kalawng a paya la awm u loeih tila kaimi lawng Khrih yueng ah kan ceel u.

2Korin 6:1

Tedawngah kaimi tah Pathen oen bii aka bi haih la ka awm u dawngah Pathen kah lungvatna aka dang nangmi lawng te lungvatna te apoeila coeng sak u boel tila reenna kavan bih u.

Galati 4:12

Maya manau thli, kai angla na awm u van ham reenna kavan bih u. Kai khaw nangmi angla ni ka awm. Nangmi lawng ka sawah thawlhpalhna na sai u nawh.

Ephesa 2:10

Mami Khrih Jesuh ah pumkhatla awmna rang oen ah thaihu theen sai hamla mami he n'sai poen. Mami lawng sai hamla aroek abah oepsoeh thaihu theen saina oen hing hamla mami he n'sai koep poen.

Ephesa 3:1

He kawngah ni Khrih Jesuh kah thongtla Kai Pawl lawng nangmi Gental thlaangphun ham Pathen tengah ka thangthui.

Ephesa 4:17

Tedawngah Bawipa miing oen nangmi te ngaithuenna kan peek u: nangmi lawng Pathen aka bok nawh lukih thlaang thli angla awm u tlaih boel, ahimi kah poekna tah apoei-oepla awm tih a thinkaw tah khawyiin khoep.

Ephesa 4:4

Pathen lawng nangmi n'khue vengah te ngaiuepna pakhat a awm van angla pum pakhat oen Muithla pakhat ni a awm.

Ephesa 5:2

Khrih lawng mami he n'lungna tih a hingna te mami ham abaw aka tuui huihthlutna oen Pathen kawhoena luciik la a nawn u van angla nangmi kah hingna te lungna lawng uk seh.

Philipi 1:27

Tahe ah awlpui tah Khrih kah awlthang lawngah a kuek angla nangmi lawng na hing u ham awm, nangmi tengla ka law thai tih kan huh u vengah khawseh, ka law thai nawh tih kan huh u nawh vengah khawseh, mengtengna pakhat oen acakla na pai u tih awlthang theen oengna dawngah kawngaihna pakhat oen thik at la raal na teek u tite yaak ka ngaih.

Philipi 3:14

Tedawngah kutdo dang hamla lansak benla te adoengla poe ka heng, te kutdo tah sawben hingna ah Khrih Jesuh rang oen Pathen kah khuena te ni.

Kolosa 1:10

Tedawngah Bawipa kah ngaihna angla nangmi lawng na ming thai vetih amah kawhoena te na sai poepa u thai ai. Nangmi kah hingna lawng thaihu theen soeprep boeih a sai vetih Pathen mingna dawngah te na roeng u ai.

Kolosa 2:6

Khrih Jesuh te Bawipa la na pawm u poen dawngah amah oen pumkhatla awm uh.

Kolosa 4:12

Khrih Jesuh kah tuihyoeihthlaang, namami kah paya laikoei Epafras lawng n'toei u. Ahih lawngah thinkaw tak oen nangmi ham thangthui poepa tih nangmi acakla na paina u ham, Khrihca thlaangsoep la na awmna u ham oen ah na oengna te aciimphanla na mingna u ham, Pathen kawngaih te asoepla na vaina u hamla a bih poepa.

1Thessalonika 2:12

Kaimi lawng nangmi te thathluena awl, ngaimawngna awl kavan thui u tih amah Ram oen ah ruep-awmna te paang hamla nangmi khuekung Pathen awmngaihna koei la na hingna u ham kan thuituen u.

2Thessalonika 1:11

Te kawngah ni nangmi ham kaimi ka thangthui u poepa. Amah lawng nangmi n'khuena oen ating atawkk la na hingna u thai ham kaimi lawng mami kah Pathen tengah ka bih u. Pathen lawng amah kah huham tharana oen ah nangmi lawng na ngaih boeih theenna te van soep sak selangtah oengna oen bii na sai te van tluep sak seh.

2Timothy 1:9

Pathen lawng mami he amah thlaang la awm ham n'thlawn tih n'khue u, te tah mami kah saina dawngah nawh tih, a lungvatna tah atue a tong thlan veng kalawng Khrih Jesuh rang oen m'peek poen,

Titus 2:10

a thaihu thli khaw huen pe u boel seh. Te lak atah ahimi lawng thlaang theen la a awmna, ueppang koeila a awm u te tueng sak u seh, teah ni ahimi kah saina boeih dawngah mami thlawnkung Pathen kawng cangpueina te a thangpawm u ai.

Hebrew 13:21

Nangmi lawngah ngaimawngna akung Pathen kah kawngaih te na sai u thai ham thaihu theen na ngoe boeih te m'pe hawn seh; Jesuh Khrih rang oen amah kawngaih te mami kaw khuiah sai hawn seh. Jesuh tengah ruep-awmna tah dungyan toe ayoeyahla awm hawn seh! Amen.

Hebrew 3:1

Pathen kah thlaangkhue, Khrihca thlaangciim maya manau thli! Mami kah bokna phung ben ah Khawsoeih Bawi la awm ham Pathen lawng avan tuih Jesuh kawng te poek u lah.

1Peter 2:11

Ka lungna paya thli, he dilai han ah kamyin kamlai oen thlaangpoeng poedoe angla aka awm nangmi tengah reenna kavan bih! Muithla oen aka raal u poepa pumsa ngaihna lawngah nangmi te n'taa u hau boel seh.

1Peter 3:9

Nangmi lawng athe te athe van oen ah, tapvoepna te tapvoepna van oen ah thung u boel; te lak atah yotheen kam-awm peekna oen thung uh, metihtiah Pathen kah awlkam yotheen kam-awmna te nangmi peek hamla ni amah lawng n'khue u.

1Peter 5:10

Tede nangmi lawng atue soetca ah patang na khang u kawlkalh coeng atah lungvatna boeih kah Pathen, Khrih ah pumkhat la awmna rang oen amah kah dungyan ruep-awmna te paang van hamla nangmi khuekung Pathen amah lawng nangmi te thlaangdoeng la n'khueh vetih acakla pai thaina oen tha-awm tharana te m'peek ai.

2Peter 1:3

Pathen amah kah ruep-awmna oen atheenna pang van hamla mami khuekung Jesuh Khrih mingna rang oen Pathen hinyahna oen ah hing hamla mami kah ngoe soeprep boeih te Pathen kah tharana huham oen m'peek poen.

2Johan 1:5

Tedawngah ka lungna Nutakhong pakhat oen khat boeih lung u sih. He he awlpeek thaai kavan thut moe nih; he tah acuekca veng kalawng yaak tangte awlpeek te ni.