Ephesa 3:9 - Matu Chin New Testament 2006

⁹ Pathen lawng ahuepla khaw akhan te metila ataktangla a thoeng hang tite thlaang boeih ming sak ham biitungpui te kai m'peek. Thaihu soeprep Suenkung Pathen lawng n'hu veng atah amah kah awlhuep te a thuh a elh,

Matu Bible

⁹ Cungkuem aka suen Pathen dongah yan lamkah a thuh olhuep kah hnokhoemnah te hlang boeih tueng ham ni.

Ephesa 3:9 Iomraidhean Croise

Mathai 10:27

Yiin samangting ah kavan thui he hingthun khawse ah thui koep uh; ahuepla na yaak te imphu kalawng phawng uh.

Mathai 13:35

He tila a thui he tah Tawngha lawng, “Ahimi tengah awl ka thui vengah thuidoetna ka hawna ai; Dilai a suen cuek kalawng ming nooek nawh awlhuep te ka thui ai,” tila a thui te a soepna ham ni.

Mathai 25:34

Tecoengah Sengpahrang lawng a bantang ben ah aka awm hue te, ‘Law uh, nangmi a Pa kah yotheenna aka paang hue! Law u lang dilai suen cuek veng kalawng nangmi ham a roek abah sut Vaan ram te paang u lah.

Mathai 28:19

Tedawngah dilai dawngkah thlaangphun boeih tengah cet u langtah ahimi te ka hubang la van coeng sak uh; Pa, Capa, Ciim Muithla miing ah baptisma pe uh.

Luka 24:47

amah miing oen thawlh yutna kawng thawlh khawdawp ngaaina kawng awlthang te Jerusalem kalawng a tong vetih thlaangphun boeih tengah a phawng ai.

Johan 10:30

A Pa oen kai he tah pakhat ni.” a tina.

Johan 5:17

Jesuh lawng ahimi nala te, “A Pa lawng bii a bi yoeyah dawngah kai lawngkhaw ka bi van ai.” a tina.

Johan 5:19

Tedawngah Jesuh lawng ahimi te, “Awltak kavan thui u; Capa lawngah amah ngaih ah thaihu khat khaw sai thai nawh; ana Pa lawng a sai thaihu a huh te ni a sai. Ana Pa lawng a sai te Capa lawngkhaw a sai van.

Caeltueih 15:18

Te tila yan veng kalawng he awl aka mingsakkung Bawipa lawng a thui.’ a tina.

Rom 11:25

Ka maya manau thli, nangmi lawng ka cuih ka hoe heet poen tila na poek u nawh ham nangmi te ming sak ka ngaih awlhuep pakhat awm. Te awlhuep tah he ni. Israel thlaang thli a thin a haam khaklal he aboet toe ham nawh ni, Gental thlaang thli Pathen tengah asoepcala apha thlan khui ham bueng ni.

1Korin 2:7

Kai lawng ka phawng cuihna te tah Pathen kah cuihna awlhuep thlaanghing tengah pho sak ohla thuh khak la aka awm tih dilai a suen thlan veng kalawng mami kah ruep-awmna ham avan khueh tangte cuihna te ni.

Ephesa 1:4

Mami he amah haiah aka ciim tih cawttbauh kap nawh la awm ham, Khrih oen mami pumkhatla awmna rang oen ah amah koe la awm ham ah dilai he a suen thlan vengah, Pathen lawng mami he n'tuek poen. Amah lawng n'lungna dawngah,

Ephesa 3:2

Nangmi kah theenna hamla Pathen lawng a lungvatna oen he bii he bi hamla kai m'peek tite ataktangla nangmi lawng na yaak u poen.

Ephesa 6:19

Kai khaw awl thui hamla oepsoehla ka awm vengah ka thui ham koei awl te Pathen lawng m'peekna ham khaw, raltheenna oen ka thuina ham khaw, awlthang theen kah awlhuep te tueng sak thaina ham ah kai ham khaw thangthui uh.

Kolosa 1:23

Tedawngah, nangmi lawng thincak oen ayung na pengnelna dawngah te oengna oen acakla pai uh, awlthang theen na yaak vengkah na khueh u ngaiuepna dawng kalawng namah oen namah te thoeihnawng tlaih boel. He awlthang theen he dilai pum kah thlaang boeih tengah a phawng u tih he awlthang theen hamla Kai, Pawl khaw tuihyoeihthlaang la ka awm.

Kolosa 1:26

te awlthang te yan veng atah thlaangphun boeih tengah phawng ohla a thuh, tede tahe tah a thlaang thli tengah a phawng poen.

Kolosa 3:3

Metihtiah nangmi tah na duek u poen tih nangmi kah hingna tah Khrih oen haih Pathen dawngah thuh u poen.

Kolosa 4:3

Te tila na thangthui u vengah Khrih awlhuep phawngthaina ham, Pathen tengkah atue theen ka dang thaina u hamla kaimi ham khaw thangthui u van. Tahe thong ah ka tlaak he khaw awlhuep ka phawng dawngah ni.

2Thessalonika 2:13

Bawipa lawng a lungna maya manau thli, nangmi kawngah kaimi lawng Bawipa tengah awmngaih awl thui poepa ham awm. Metihtiah Muithla kah huham tharana rang oen Pathen kah aciim thlaanghing la coeng ham oen ah nangmi lawng awltak te na oengna rang oen thlawnna te na dangna u ham Pathen lawng nangmi te lamhacuekla n'tuek u.

1Timothy 3:16

Mami kah bokna dawngah aka awm alenduet awlhuep he a-u lawngkhaw oelhtaih thai manawh; Ahih tah thlaanghing pumsa la va thoeng, soeng tangtang tite muithla lawng a tueng sak, vanthlaang thli lawng a huh u, Ahih kawng te thlaangphun boeih tengah a thui u tih dilai peng tawm thlaang lawng a oeng u, tecoengah ahih tah vaan la luui hang poen.

2Timothy 1:9

Pathen lawng mami he amah thlaang la awm ham n'thlawn tih n'khue u, te tah mami kah saina dawngah nawh tih, a lungvatna tah atue a tong thlan veng kalawng Khrih Jesuh rang oen m'peek poen,

2Timothy 4:17

Tede kai lawngah awlthang asoepla ka phawng thaina ham oen ah Gental thlaang boeih lawng a yaakna ham Bawipa lawng n'awm puei tih tharana m'peek, tedawngah duekna dawng kalawng ka loeih.

Titus 1:2

Mami kah bokna tah dungyan hingna ngaiuepna dawngah kung a sut. Hoem awl aka thui nawh, Pathen lawng dilai a suen thlan veng kalawng he hingna he mami peek ham awl a kam poen tih;

1Peter 1:20

Ahih te tah dilai suen thlan vengah Pathen lawng a tuek poen tih he kah atue khawhin aboetna tue vengah nangmi ham avan tueng sak.

Olphong 13:8

Dilai a suen thlan ah miing thut la aka awm tih ngawn la aka awm tuuca kah hingna cabu khuiah a miing aka thuum nawh dilai thlaang boeih lawngah satluung te a bok u ai.

Olphong 14:6

Vaan alaklung ah atloe vanthlaang pakhat aka sawng te ka huh. Ahih lawngah dilai thlaang boeih nam tawm boeih oen thlaangphun boeih, awlcawm awlcee oen ram tawm boeihboeih ah phawng hamla dungyan awlthang theen a phueih tih,

Olphong 17:8

Nang lawng na huh satluung te n'cui atah hing de, tahe tah hing tlaih nawh; Ahih tah boetna aka awm nawh ungrawm khui kalawng thoeng hang vetih ngawn la awm ai. Dilai he a suen thlan veng kalawng hingna cabu khuiah miing aka thuum nawh dilai han thlaang thli lawng, n'hu vengah hing de tahe ah aka hing tlaih nawh tih aka hing koep ham koei satluung te a huh u vengah a kawpoek rai u ai.

Olphong 4:11

“Kaimi kah Bawipa oen Pathen! Nang lawngah ruep-awmna, hinyahna oen huham tharana te dang hamla tuueng ta-ngak, Metihtiah soeprep thaihu he nang lawng na sai tih na kawngaih angla, te thli te na awm sak tih na hing sak,” tila a thui u.