Ephesa 3:19 - Matu Chin New Testament 2006

¹⁹ Ahih kah lungna te meveng khaw asoepla ming thai koeila awm nawh de, nangmi lawng a lungna te na ming u ngai ai, tedawngah Pathen pumsa soepna boeih oen nangmi na betoet u ham ka thangthui.

Matu Bible

¹⁹ Mingnah aka baetawt Khrih kah lungnah khaw ming ham om. Te daengah ni Pathen kah a soepnah te a cungkuem la na cung uh eh.

Ephesa 3:19 Iomraidhean Croise

Mathai 5:6

“Pathen kawngaih te amami ngaihna bo koek la sai ham aka khueh tah yotheen kam-awmna aka dawng thlaang la awm; Pathen lawng ahimi kah kawngaihna te a soep pe sak ai!

Johan 1:16

Amah kah abetoet lungvatna khui kalawng yotheen kam-awmna khat coeng khat te mami m'peek.

Johan 17:3

Tecoengah dungyan hingna ti he tah nang lawng na tuih Jesuh Khrih he ming tih Pathen taktak nang te ming he ni.

Rom 8:35

Tedawngah a-u lawng mami he Khrih kah lungna dawng kalawng m'pekbo thai ai? Raina, heemtekna, khawkhana, khawdengna, mueirihtamyiin duekna lawngah m'pek thai ai aw?

Rom 8:39

dilai sawah aka awm thaihu, dilai dangah aka awm thaihu lawngkhaw mami kah Bawipa Jesuh Khrih rang oen Pathen kah lungna dawng kalawng, a thaihu suen boeih khuikah me ang lawngkhaw m'pek thai roe manawh.

2Korin 5:14

Thlaang boeih hamla thlaang pakhat duek tih ahih kah a duekna ah te thlaang boeih duek van tite m'ming u dawngah Khrih kah lungna lawngah mami he n'uk poen.

Galati 2:20

tedawngah aka hing he tah kai tlaih nawh tih ka khuiah aka hing tah Khrih poen ni. Tahe kah hingna he tah kai n'lungna tih hingna pekung Pathen Capa oengna rang oen ka hing.

Ephesa 1:23

Khrihcabu he tah soeprep boeih aka soepsakkung amah roe te asoepbirna Khrih kah a pum ni.

Ephesa 3:18

te atah Pathen thlaang thli oen thik at la Khrih kah lungna metihtlukla adung tih asang, akau tih asan tite nangmi lawng na ming u ai.

Ephesa 5:2

Khrih lawng mami he n'lungna tih a hingna te mami ham abaw aka tuui huihthlutna oen Pathen kawhoena luciik la a nawn u van angla nangmi kah hingna te lungna lawng uk seh.

Ephesa 5:25

Vaa-aca thli, Khrih lawngah khrih-cabu te a lungna tih a hingna te a peek angla yuu-aca thli te lungna uh.

Philipi 1:7

Nangmi he kan thintlawhna ni! He tila nangmi tengah thinkaw ka khueh he khueh ham tueng roe ni. Metihtiah kai he nangmi lawng nan lungduetna tih tahe thong ka tlaak vengah khaw, awlthang theen te yalpawla ka pai puei tih acakna ham bii ka bi vengah khaw Pathen kah peek bii dawngah he nangmi boeih khaw na thuum u van.

Philipi 4:7

Te tila na bih atah thlaanghing kah yaakmingna voel ah aka awm Pathen ngaimawngna lawng Khrih Jesuh oen pumkhat la awmna rang oen ah nangmi kah thinkaw oen lungbui te ading-apuek la avan khueh ai.

Kolosa 1:10

Tedawngah Bawipa kah ngaihna angla nangmi lawng na ming thai vetih amah kawhoena te na sai poepa u thai ai. Nangmi kah hingna lawng thaihu theen soeprep boeih a sai vetih Pathen mingna dawngah te na roeng u ai.

1Peter 1:8

Nangmi lawng amah te na hu u nawh de na lungna u, tahe ah na hu u nawh de na tangna u. Tedawngah awl oen thui thai nawh awmngaihna alentloe oen asang koek kawhoena te na khueh u,

2Peter 3:18

Mami kah Bawipa Jesuh Khrih lungvatna oen mingna dawngah roeng hang uh. Amah tengah ruep-awmna tah tahe kalawng ayoeyah awm hawn seh. Amen.