Ephesa 2:8 - Matu Chin New Testament 2006

^8-9 Pathen kah lungvatna rang oen ah oengna oen nangmi tah thlawn la na awm u. te tah mami kah yawmna oen nawh ni, Pathen kah kutdo ni. Tedawngah a-u khat ca khaw he kawngah oekthloen u ham awm nawh.

Matu Bible

⁸ Lungvatnah neh tangnah lamloh khang la na om uh coeng. Te te namamih kah moenih Pathen kah kutdoe ni.

Ephesa 2:8 Iomraidhean Croise

Mathai 16:17

Jesuh lawng, “Johan capa Simon, na yo theen phoeih,” He awltak he thlaanghing teng kalawng na tengla law nawh, tede vaan ah aka awm a Pa kah peek ni.

Mathai 20:9

Thlemben khawnoek pa-ngaa kalawng bii aka bi thli te thapang ngun tangka pheek at rip a peek.

Marku 16:16

A-u lawngkhaw a tangna tih baptisma a huh atah thlawn la awm ai; A-u khaw a tangna nawh atah awlcekna a dang ai.

Luka 7:50

Tecoengah Jesuh lawng hutaa nala te, “Na oengna lawng n'thlawn poen: ngaimawng ngaitoe la cet loeih” a tina.

Johan 3:36

A-u khaw a Capa te aka tangna boeih tah dungyan hingna a khueh; a-u khaw a Capa awl te aka ngai nawh tah hingna te khueh nawh vetih Pathen thinsana te a sawah poe awm ai.

Johan 4:10

Jesuh lawng, “Pathen kah peek lungvatna tila doek na ming mai tih nang tengah tui aka bih he a-u tite na ming kawinih, ahih tengah te na bih vetih ahih lawng hingna tui te m'peek ai.” a tina.

Johan 5:24

“Awltak kavan thui u: a-u khaw ka awl a yaak tih kai aka tuihkung te a tangna atah dungyan hingna te a khueh. Ahih te awl cek tlaih manawh, metihtiah duekna kalawng hingna ah kuun poen.

Johan 6:35

Jesuh lawng ahimi nala te, “Kai tah hingna takawi ni, a-u khaw ka tengah aka law tah meveng khaw a bung pawng manawh; a-u khaw kai he aka tangna tah meveng khaw tui hall manawh.

Johan 6:37

A Pa kah peek boeih tah ka tengla law ai. A-u khaw ka tengah aka law boeih tah ka hek manawh.

Johan 6:40

Metihtiah Capa te a huh tih aka tangna boeih lawngtah dungyan hingna te khueh hamla a Pa lawng a ngaih. Tecoengah aboetna khawhin ah ka thawh vetih ka hing sak ai.” a tina.

Johan 6:44

Kai he aka tuihkung a Pa lawngah ka tengla avan mawt nawh atah a-u khat khaw ka tengah law thai manawh; aboetna khawhin ah ahih te ka thawh vetih ka hing sak ai.

Johan 6:65

Tecoengah a thui pe tih, “He kawngah ni a Pa lawng avan tuih nawh atah a-u khaw ka tengla law thai manawh tila acuekca ah kavan thui u teta.” a tina.

Caeltueih 14:27

Antiok khaaw te a pha hih veng atah khrihcabu kah thlaang thli te thik at la a tun sak hih tih ahih rawi rang oen Pathen lawng a sai thli oen Gental thlaang thli lawng a tangna thai ham lawngpui a awng pe kawng te ahimi tengah a thui pe hih.

Caeltueih 15:11

Tetih moenih ta! Ahimi angla mami lawngkhaw n'tangna u van tih Bawipa Jesuh kah lungvatna rang oen thlawnna n'dang u.” a tina.

Caeltueih 16:14

Ahimi timkah hutaa pakhat himbai lingdiik aka yoeikung Tiatira khaaw kah Lidia lawngah kaimi awl te a hutung. Ahih tah Pathen aka bok hutaa pakhat la awm tih Pawl kah awl thui te hutung nguenthuen ham Pathen lawng a thinkaw a awng pe.

Caeltueih 16:31

Ahih rawi lawngah, “Bawipa Jesuh te tangna lah, namah oen na imkhuikaw lawng thlawnna na dang u ai.” a tina.

Rom 10:14

Tede ahimi lawng a tangna nawh atah bawmna dang ham metila a miing te a khue thai ai? Ahimi lawng awlthang te a yaak nawh atah metila a tangna thai ai? Awlthang te a thui nawh atah metila ahimi lawng a yaak thai ai?

Rom 10:17

Tedawngah oengna tah awlthang yaakna dawng kalawng va law tih awlthang tah Khrih te thuina dawng kalawng va law.

Rom 4:16

Tedawngah te kah awlkamna tah oengna dawngah akung asut tih Abraham cadil boeih tengah Pathen kah ayoe peek kutdo la awm, phungawl aka vai hue ham bueng nawh tih Abraham angla aka oeng thli boeih khaw awm van. Metihtiah Abraham tah Muithla ben ah mami boeih kah Pahaam la a awm dawngah ni.

Rom 4:5

Tede biibina ohla a oengna dawngah pangtung tih thlaangthawlh te thlaangthawlh nawh la aka toehkung Pathen te aka tangna tah a oengna te Pathen lawng doengna la a khueh pe.

Rom 9:16

Tedawngah soeprep he mami thlaanghing kawngaih oen saina dawng nawh tih Pathen kah reenna rang oen ni.

Galati 3:14

Khrih lawng tila a sai he tah, Pathen amah lawng Abraham tengah a awlkam yotheenna te Khrih Jesuh rang oen Gental thlaangphun tengah peek ham oen ah mami lawngkhaw oengna rang oen Pathen lawng peek ham awl a kam Muithla te dang van ham ni.

Galati 3:22

Tede Caciim lawngah, ‘dilai pumpui he thawlh tharana huiah awm; tedawngah Jesuh Khrih oengna dawngah akung asut awlkam kutdo te aka oeng thlaang tengah a peek’ tila a thui.

Ephesa 1:19

aka oeng mami khuiah bii aka bi a tharana te metihtlukla a bo tite na mingna thai hamla nangmi kah thinkaw te avan awng tih amah kah aangna te na dangna hamla ka bih. Mami kah akhui ben ah bii aka bi tharana he tah,

Ephesa 2:10

Mami Khrih Jesuh ah pumkhatla awmna rang oen ah thaihu theen sai hamla mami he n'sai poen. Mami lawng sai hamla aroek abah oepsoeh thaihu theen saina oen hing hamla mami he n'sai koep poen.

Ephesa 2:5

Mami lawng awl n'ngaai nawh dawngah muithla ben ah n'duek vengah te Khrih oen haih mami he n'hing sak. Nangmi thlawn la na awm u he tah Pathen kah lungvatna rang oen ni.

Philipi 1:29

Tedawngah amah te oeng doek ham bueng nawh tih ahih hamla patang khang ham khaw Khrih kah bii te nangmi m'peek u poen.

Kolosa 2:12

Metihtiah nangmi lawng Baptisma na dang u vengah te Khrih oen haih up la na awm u poen tih duekna kalawng Khrih thawhsakkung Pathen kah huham tharana te nangmi lawng na oengna rang oen ah Khrih oen na tho haih u van poen.

2Thessalonika 1:9

Ahimi lawng dungyan rawkna, dantat patangna te a khang u ai, Bawipa lawng amah kah thlaang boeih teng kah ruep-awmna oen ah amah aka oeng thlaang boeih tengkah hinyahna te dang ham,

Hebrew 6:4

Amami kah oengna aka hoett thli te metila thawlhna a yut koep ai? Ahimi tah Pathen kah aangna khuiah awm u poen, vaan kutdo te khaw ateng alai u poen tih ahimi lawng a huh koei Ciim Muithla khaw a dang u poen;

1Peter 1:5

Atue boetna apha vengah tueng sak hamla a khueh oepsoeh thlawnna te oengna rang oen ah Pathen kah huham tharana lawng akhoem abeel tih nangmi ham vaan ah avan khueh ro na pang ham koei ni.