Ephesa 2:5 - Matu Chin New Testament 2006

⁵ Mami lawng awl n'ngaai nawh dawngah muithla ben ah n'duek vengah te Khrih oen haih mami he n'hing sak. Nangmi thlawn la na awm u he tah Pathen kah lungvatna rang oen ni.

Matu Bible

⁵ Mamih he tholhdalhnah ah duek la aka om rhoek pataeng Khrih neh n'thoh sak tih lungvatnah lamloh khang la na om uh coeng.

Ephesa 2:5 Iomraidhean Croise

Luka 15:24

Metihtiah ka capa he duek poen de tahe ah hing koep; ahih tah vi vik poen de tahe ah phumpho koep.’ a tina. Tecoeng atah poei te a sai u.

Johan 5:21

Ana Pa lawng thlaangduek a thawh sak tih hingna a peek angla Capa lawngkhaw amah lawng a ngaih thlaang thli te hingna a peek.

Johan 6:63

Hingna pekung tah Pathen Muithla ni; thlaanghing tharana tah a poei ni. Nangmi tengah kavan thui awl lawngah hingna aka pe Pathen Muithla te avan law puei.

Caeltueih 15:11

Tetih moenih ta! Ahimi angla mami lawngkhaw n'tangna u van tih Bawipa Jesuh kah lungvatna rang oen thlawnna n'dang u.” a tina.

Rom 16:20

Mami kah ngaimawngna kungpui Pathen lawngah Seitan te nangmi kah khowtang ah a neet yue poen ai. Mami Bawipa Jesuh kah lungvatna tah nangmi tengah awm hawn seh.

Rom 3:24

Tede, Pathen kah ayoe peek reenna kutdo Jesuh Khrih mami boeih loeihsakkung rang oen thlaang boeih he thlaangdoeng la a khueh.

Rom 4:16

Tedawngah te kah awlkamna tah oengna dawngah akung asut tih Abraham cadil boeih tengah Pathen kah ayoe peek kutdo la awm, phungawl aka vai hue ham bueng nawh tih Abraham angla aka oeng thli boeih khaw awm van. Metihtiah Abraham tah Muithla ben ah mami boeih kah Pahaam la a awm dawngah ni.

Rom 5:10

Mami tah Pathen kah raal la ni n'awm u, tede a Capa duekna rang oen mami he paya laikoei la n'sai poen. Tahe atah Pathen kah paya laikoei la n'awm u poen dawngah Khrih hingna lawng mami he metihtlukla n'thlawn tare ai.

Rom 5:6

Mami lawng n'tu khaw n'sai thai nawh vengah Pathen lawng atue atang a nuen tih mami thlaangthawlh hamla Khrih Jesuh tah duek.

Rom 5:8

Tede, thlaangthawlh la n'awm vengah Khrih tah mami ham a duekna oen Pathen lawng mami he metila n'lungna tite a tueng sak poen.

Rom 8:2

Metihtiah Khrih Jesuh oen pumkhatla hingna ah mami aka ceh puei Muithla kah phungawl lawng duekna oen thawlhna phungawl khui kalawng mami te n'loeih sak poen.

Ephesa 2:1

Anoekbuet atah nangmi lawng awl na ngaai u nawh tih na thawlh u dawngah muithla ben ah na duek u.

Ephesa 2:8

Pathen kah lungvatna rang oen ah oengna oen nangmi tah thlawn la na awm u. te tah mami kah yawmna oen nawh ni, Pathen kah kutdo ni. Tedawngah a-u khat ca khaw he kawngah oekthloen u ham awm nawh.

Ephesa 5:14

Metihtiah aciimphanla aka tueng thaihu boeih tah aangna la te thoeng hang. Tedawngah, “Aka ip thli tho u loeih, duekna dawng kalawng tho uh, Khrih tah na sawah aang poen ai” tila a thui.

Kolosa 2:13

Yan atah nangmi he phungawl khueh nawh Gental thlaang la na awm u tih namami kah thawlhna dawngah Muithla ben ah na duek u. Tede tahe tah Pathen lawng nangmi te Khrih oen haih ng'hing sak poen. Pathen lawng mami kah thawlhna boeih te khawdawp a ngaai poen.

Titus 2:11

Metihtiah, Pathen lawng thlaang boeih kah thlawnna hamla a lungvatna te avan tueng sak poen.

Titus 3:5

mami he ahih lawng n'thlawn poen. Te tah mami kah thaihu theen saina dawngah nawh tih a lungna oen ni mami he ahih lawng n'thlawn. Ciim Muithla rang oen athaaila cuunna oen athaaila hingna pekung lawng n'silh dawngah ni.

Olphong 22:21

Bawipa Jesuh Khrih kah lungvatna tah thlaang boeih sawah awm seh. Amen.