Ephesa 2:3 - Matu Chin New Testament 2006

³ Ataktang atah mami boeih he ahimi angla ni ng'awm u van tih mami lawng pumsa ngaihna angla khaw n'sak u, mami thinkaw oen pumsa lawng ahue angaih boeih te n'sai u. Mami khaw m'mah kah awm ih angla te thlaangtloe angla Pathen thinsana aka yawkk ham koei ni.

Matu Bible

³ Hnukbuet ah mamih boeih khaw pumsa hoehhamnah neh amih taengah kho n'sak uh. Pumsa neh kopoek kah kongaih te n'saii uh dongah a tloe rhoek kah a coengnah bangla kosi kah ca rhoek la n'om uh.

Ephesa 2:3 Iomraidhean Croise

Marku 4:19

tede he dilai khawsakna dawngah lakuengna, bawireng ham ngaihna soeprep lawng kuun tih Pathen awl te a tleng khoep dawngah ahimi tah a vui athaih awm nawh.

Johan 1:13

Ahimi lawng thlaanghing phung angla Pathen kah ca-anau la coengg nawh, ahimi te thlaanghing ana pa kah ca-anau angla a cuun moenih; ahimi kah ana Pa tah Pathen amah ni.

Johan 8:44

Nangmi tah na pa Raaibawi kah ca-anau la na awm u tih na pa kah kawngaih te vai hamla na ngaih u. Acuek veng kalawng ahih tah thlaang ngawnkung la awm tih awltak ben ah metuek veng khaw awm nooek nawh, metihtiah ahih ah awltak te a awm roe nawh dawngah ni. Hoem awl a thui vengah a sai nooek bueng te ni a sai, metihtiah ahih tah hoemthuikung la awm tih hoem thui thlaang boeih kah ana pa la awm.

Caeltueih 14:16

N'cui veng atah thlaang boeih he amami kah ngaihna angla a ceh sak.

Rom 1:24

Tedawngah Pathen lawng te ang thlaang hue te amami kawngaih tuiileh kap thaihu sai ham a peek tih khat oen khat sawah yahpawh koei thaihu a sai u.

Rom 11:30

Nangmi Gental thli lawng anoekbuet atah Pathen awl te na ngaai u nawh, tede tahe ah Judah thlaang thli lawng a awl a ngaai pe u nawh dawngah nangmi lawng Pathen reenna te na dang u.

Rom 13:14

Bawipa Jesuh Khrih kah awva te lo uh, na pumsa kah thawlh sai ngaihna oen thawlhna kah kawkhuekna te toeng u loeih.

Rom 2:14

Gental hue lawng Phungawl khueh u nawh; Tede Phungawl khueh u nawh mai cakhaw Phungawl lawng sai a ti te lungbui cuihna oen a sai veng roekk-ah ahimi ham Phungawl la awm.

Rom 5:10

Mami tah Pathen kah raal la ni n'awm u, tede a Capa duekna rang oen mami he paya laikoei la n'sai poen. Tahe atah Pathen kah paya laikoei la n'awm u poen dawngah Khrih hingna lawng mami he metihtlukla n'thlawn tare ai.

Rom 5:9

Amah kah thisen oen tahe atah mami he Pathen oen ah n'roep u poen. Ahih rang oen Pathen kah thinsana kalawng metihtlukla n'thlawn tare ai!

Rom 6:12

Nangmi lawng na pumsa ngaihna te vai hamla aka duek thai nangmi pum te thawlhna lawng uk tlaih boel seh.

Rom 7:18

Ka khuiah he thlaanghing la ka coenggna ah atheen awm nawh tila ka ming. Ka khuiah atheen sai ngaihna awm mai cakhaw atheen te ka sai thai nawh.

Rom 9:22

Tetih van la te Pathen thaihu sai khaw awm. A thinsana oen a tharana te tueng sak ham a ngaih, tede ahih kah thinsana a yawkk dawngah rawk tih phe ham koeila aka awm thli sawah thinsan kawdawna a khueh.

1Korin 4:7

Nangmi te thlaangtloe lak ah asangluelh la a-u lawng n'sai? Na khueh soeprep boeih he Pathen peek nawh aw? Na khueh na toen u te ayoe peek kutdo nawh angla metila na oekthloen u thai?

2Korin 7:1

Ka lungna paya thli, he awlkam boeih he mami tengah ni a sai. Tedawngah pumtaksa khawseh, muithla khawseh, aka ciim sak nawh soeprep boeih dawng kalawng mami he ciimcaih u silang Pathen hinyahna oen aciimsuekla hing u sih.

Galati 3:22

Tede Caciim lawngah, ‘dilai pumpui he thawlh tharana huiah awm; tedawngah Jesuh Khrih oengna dawngah akung asut awlkam kutdo te aka oeng thlaang tengah a peek’ tila a thui.

Ephesa 2:2

Te veng tue ah te nangmi lawng dilai han kah athe lawngpui te na vai u; khawhi dawngah aka awm muithla benkah tharana ukkung awl te na ngaai pe u; te muithla lawngah te Pathen awl aka ngaai nawh thli te tahe ah a uk.

Ephesa 4:22

Tedawngah pumsa ngaihna lawng thailatna oen phe la aka awm na hing ruem te tah hoett u loeih.

Kolosa 1:21

N'cuiveng atah nangmi lawng athe thaihu thli na sai u tih, na poek u dawngah Pathen oen na thla u.

1Thessalonika 4:13

Maya manau thli ngaiuepna aka khueh nawh thlaang thli angla nangmi na kaw a the nawh ham aka duek thli kawng awltak te nangmi ming sak hamla ka ngaih.

1Thessalonika 5:6

Tedawngah mami tah thlaangtloe angla ihdut ham awm nawh, mami lawng hinghang u silang huertuela awm u sih.

1Timothy 6:9

Tede kuirang la coengg ham aka ngaih thli tah suek-halhna khuiah tla u, ngau-athuuna soeprep oen rih awm hue-ngaihna dong dawngah man u tih te lawngah ahimi te sungna oen rawkna benla te a ceh puei.

Titus 3:3

Metihtiah n'hu vengah mami khaw ng'ngau u tih awl ngaai nawh lawnghang la ng'awm u. Pumsa ngaihna oen awmtheenna soeprep kah sal la ng'awm u. Mami kah hingna he uett-eena oen thaihu naai ah mami lawng n'hawna; Mami te thlaang tloe lawng n'thina tih ahimi te mami lawng n'thina van.

1Peter 1:14

Pathen awl te ngaai uh, nangmi lawng n'tu khaw na ming u nawh vengah namami kawngaih la na hing u angla te hing u tlaih boel.

2Peter 2:14

Ahimi lawng thlaanghalhnu nawhtah atloe te bueh hamla ngaih u nawh; amami kah thawlh saina dawngah a kaw riim u nawh. Ahimi lawng oengna tha aka yoek thlaang thli te thawlhna dong dawngah a man sak. A thinkaw tah apuehngaihna oen betoet. Ahimi tah Pathen kah kawsi aka yawkk thlaang poen ni.

2Peter 2:18

Ahimi lawng oekthloenna oen awlpoei awlpit te a thui u tih, thawlhpalhna aka ceh taak pek thlaang thli te tuukna ham asoeng nawh pumsa hue-ngaihna te a hawna.

1Johan 2:16

Dilai thaihu soeprep, pumsa ngaihna, thlaang lawng a huh tih a ngaih thaihu, he dilai dawngkah thaihu soeprep thlaang lawng a phoekthloerna khatca mai khaw Pa teng kah aka law thaihu nawh ni.

1Johan 2:8

Tede nangmi tengla kavan thut awlpeek he athaai ni; metihtiah he tah athaai ni tila asoengna tah Khrih ah huh la awm tih nangmi dawngah khaw huh la awm. Metihtiah yiinna tah khum tih aangna tangtang te aang poen.