Ephesa 2:2 - Matu Chin New Testament 2006

² Te veng tue ah te nangmi lawng dilai han kah athe lawngpui te na vai u; khawhi dawngah aka awm muithla benkah tharana ukkung awl te na ngaai pe u; te muithla lawngah te Pathen awl aka ngaai nawh thli te tahe ah a uk.

Matu Bible

² Hnukbuet ah khaw ta kumhal kah diklai khosing neh yilh dongkah saithainah boei banglam ni te dongah te na pongpa uh. Althanah kah a ca rhoek te a khuiah mueihla a tueng pah coeng.

Ephesa 2:2 Iomraidhean Croise

Mathai 11:19

Thlaanghing Capa a law vengah ahih lawng a caak a awkk dawngah thlaang boeih lawng, “He thlaang he bueh u lah! caruut awlam thlaang ni, mangmu cawikung hue oen thlaangthawlh hue kah a paya ni” na ti u. Tede Pathen cuihna tah soeng tila a saina oen a tueng sak” a tina.

Mathai 13:22

Thliing tim ah aka tla caangti thui-ngaihna tah Vaan ram kawng tah a yaak de dilai khawsakna dawngah lakueng tih dilai han bawilen ngaihna lawng akang ahalh khoep tih caangvui caangthaih aka thaawn nawh oen lo u.

Mathai 13:38

Lo tah he dilai ni; caangti theen tah Vaan ram aka paang thlaang hue ni; varaamcaang tah Seitan kah thlaang hue ni;

Marku 4:19

tede he dilai khawsakna dawngah lakuengna, bawireng ham ngaihna soeprep lawng kuun tih Pathen awl te a tleng khoep dawngah ahimi tah a vui athaih awm nawh.

Luka 16:8

Te kah thaihu kuemkung lawng cuihna oen te tila thaihu a sai dawngah a bawipa lawng a koeh; metihtiah he dilai thlaang thli lawng amami kah thaihu a sai vengah aangna khuiah aka awm thlaang thli lak ah cuih u ngai.” a tina.

Luka 22:31

Jesuh lawng, ‘Simon, Simon! Hutung lah! Lotoenkung lawng caangtak oen caanghii a pekthlee angla athe khui kalawng atheen te thloeng ham, nangmi boeih te noekdak hamla Seitan lawng saithaina nawl a dang poen.

Johan 12:31

Tahe ah dilai he awlcek ham atue apha poen; tahe ah he dilai ukkung thli te atloela a khoe poen ai.

Johan 13:2

Jesuh oen a hubang hue thlembuh a veel u vengah Seitan lawngah Simon Iskariot capa Judas thinkaw khuiah te Jesuh sawah paipi thleep hamla kawpoek te a khueh pe poen.

Johan 13:27

Judah lawng takawi te a lawh khoeng vengah Seitan tah a kaw khuiah kuun. Jesuh lawng ahih nala, “Na sai koei te aloela sai loeih!” a tina.

Johan 14:30

He dilai ukkung te law poen ai, tedawngah nangmi oen awl asan hlang la n'thui u tlaih manawh. Ahih lawng ka sawah huham tharana te khueh thai manawh,

Johan 15:19

Nangmi lawngah dilai koeva la na awm u kawinih dilai lawng amah koeva angla te n'lungna u van ai. Tede nangmi he dilai dawng kalawng kan tuek u poen tih dilai koeva la na awm u tlaih nawh dawngah dilai lawng nangmi n'thina.

Johan 16:11

He dilai ukkung thli he awl a cek poen dawngah awlcekna kawng te a thui ai.

Johan 7:7

Dilai lawng nangmi n'thina moenih, kai ni n'thina, metihtiah kai lawngah ahimi kah athe te ka poer pe dawngah n'thina u.

Johan 8:23

Jesuh lawngah, “Nangmi tah adang ben dilai thlaang la na awm u, tede kai tah asawben kah aka law ni. Nangmi tah dilai thlaang ni, tede kai tah dilai thlaang nawh ni.

Johan 8:44

Nangmi tah na pa Raaibawi kah ca-anau la na awm u tih na pa kah kawngaih te vai hamla na ngaih u. Acuek veng kalawng ahih tah thlaang ngawnkung la awm tih awltak ben ah metuek veng khaw awm nooek nawh, metihtiah ahih ah awltak te a awm roe nawh dawngah ni. Hoem awl a thui vengah a sai nooek bueng te ni a sai, metihtiah ahih tah hoemthuikung la awm tih hoem thui thlaang boeih kah ana pa la awm.

Caeltueih 19:35

Hukhueng atah te kah khawpui ah aana aka khueh cathutkung lawng thlaangping te a duem sak thai. Ahih lawng, “Ka puei, Efesa thlaang thli, Efesa khaaw he tah alenduet Artimis tempal bok-im oen vaan kalawng aka tla thuk lungto cuem te doenkung la na awm u tite thlaang boeih lawng a ming u.

Caeltueih 5:3

Piter lawng ahih nala, “Ananias, n'tu ah na thinkaw te Seitan na uk sak, na khueh toen na yoeih thaihu phu te namah ham na paih thoem tih Ciim Muithla te na thai na lat na?

Rom 12:2

He dilai khawsak siing angla khaw sa u tlaih boel, tede Pathen lawng nangmi thinkaw a khui ben te asoepbirla van thaw pan hawn seh. Te atah aka theen thaihu, aka soep thaihu oen amah kawtlaak te nangmi lawng na ming u thai ai, he tah Pathen amah kawngaih ni.

1Korin 5:10

Te tila ka thui te thlaanghalh paadak thlaang, apueh asawm aka ngaih thlaang, thlaanghuuen paacaan thlaang thli, kutsaimuei aka bok thlaang thli oen pawlneeng u boel tila ka thuingaihna nawh ni. Te ang thlaang thli teng kalawng thloeng u sih ti mai kawinih he dilai he ceh taak ngala ham ni a awm poen ai.

1Korin 6:11

Thlaang khatsut tah te tila te thoem na awm u. Tede nangmi tah na thawlhna avan ciim sak poen; Nangmi ngoen tah Pathen tengah na tlungmu u poen; Bawipa Jesuh Khrih rang oen Pathen kah Muithla rang oen ah nangmi tah Pathen oen na roeproei u poen.

2Korin 4:4

He dilai kah raaibawi pathen lawng ahimi kah thinkaw te yiinna khuiah a khueh dawngah ahimi lawngah tangna u nawh. Ahih lawngah Pathen oen aka lo u tangtang Khrih kah ruep-awmna kawng Awlthang Theen dawng kalawng aka thoeng aangna, ahimi sawah aka vangg aangna te huh nawh ham a dah khoep.

Galati 1:4

Mami he tahe vengkah atue the khui kalawng loeih sak ham mami kah Pa Pathen kawngaihna te a vai tih mami kah thawlh dawngah Khrih lawng amah oen amah te pe u.

Ephesa 1:21

Te huen atah vaan kah ukkung boeih, saithaina aana aka khueh boeih, huham tharana boeih oen ah bawi boeih sawah te Khrih lawng a uk. He dilai oen aka law ham koei dilai ah khaw saithaina aana aka khueh miing boeih sawah ahih kah miing tah miinglue koek la awm.

Ephesa 2:11

Nangmi Gental thlaangphun te Judah thlaangphun lawngah, “yahhuivuen aka reet nawh thlaang” ti u. Judah phun lawng amami tah, “Yahhuivuen aka reet thlaang” ti u. (Yahhuivuen reet tite tah pumsa dawngah tueng sak na mai ni). N'hu vengah nangmi metila na awm u tite poek uh.

Ephesa 2:13

Tede tahe tah Khrih Jesuh oen pumkhatla awmna dawngah athlathloeila aka awm nangmi te Khrih kah duekna rang oen amah teng na pha u poen.

Ephesa 2:3

Ataktang atah mami boeih he ahimi angla ni ng'awm u van tih mami lawng pumsa ngaihna angla khaw n'sak u, mami thinkaw oen pumsa lawng ahue angaih boeih te n'sai u. Mami khaw m'mah kah awm ih angla te thlaangtloe angla Pathen thinsana aka yawkk ham koei ni.

Ephesa 4:17

Tedawngah Bawipa miing oen nangmi te ngaithuenna kan peek u: nangmi lawng Pathen aka bok nawh lukih thlaang thli angla awm u tlaih boel, ahimi kah poekna tah apoei-oepla awm tih a thinkaw tah khawyiin khoep.

Ephesa 4:22

Tedawngah pumsa ngaihna lawng thailatna oen phe la aka awm na hing ruem te tah hoett u loeih.

Ephesa 5:6

Nangmi te awlpoei awlpit oen a-u lawngkhaw n'thailatna boel seh; he ang kawngah he amah awl te aka ngaai nawh tah Pathen thinsana te a yawkk ai.

Ephesa 5:8

Namami roe khaw n'hu vengah yiinna khui khawsakna ah na hing u poen, tede nangmi lawng Bawipa kah thlaang la na awm u coeng kalawng tah aangna khuiah na awm u poen. Tedawngah aangna khuiah aka awm thlaang angla te khaw sa uh.

Ephesa 6:12

Metihtiah mami lawng thlaanghing te n'teek u nawh tih vaan benkah muithla the kah tharana, ukkung thli, saithaina aana khuehkung thli, tahe yiinna san kah khawhipuempa tharana huham oen ni n'teek u.

Kolosa 1:21

N'cuiveng atah nangmi lawng athe thaihu thli na sai u tih, na poek u dawngah Pathen oen na thla u.

2Timothy 4:10

Dema lawngtah dilai he a thintlawhna dawngah kai he n'ceh taak tih Tesalon khaw la cet poen. Kresen tah Galati ram la cet tih Titas tah Dalmatia ram la cet.

James 1:27

Pa Pathen lawngah aciim acaih bokna oen bokna tangtang la a poek tah, khawdeng lungma aka khang cadah harah thli oen huhai tumtee thli cawm acahna oen ah he dilai thawlhna tuiilehkap dawng kalawng mah oen mah kuemsuemna he ni.

James 1:7

Te ang thlaang lawngtah a thinkaw melh rap nawh tih a saina boeih ah kawpoek a thlumthle dawngah Pathen tengkah thaihu khatca khaw ka dang ai tila a poek ham awm nawh.

James 4:4

Nangmi uep-awm nawh thlaang hue! Dilai oen ah beroep u he Pathen kah raal la awm tite na ming u nawh aw? A-u khaw dilai kah paya beroep la awm ham aka ngaih tah amah oen amah te Pathen kah raal la sai u.

1Peter 1:14

Pathen awl te ngaai uh, nangmi lawng n'tu khaw na ming u nawh vengah namami kawngaih la na hing u angla te hing u tlaih boel.

1Peter 4:3

Pathen aka ming nawh thlaang thli lawng a sai u angla te nangmi lawng sai van hamla atue atang akhoek anoen te n'hu vengah na hawna u poen. Nangmi lawng na hingna te sai koei nawh yahpawhna, cuk-halhna, yuu ruuina, yuukung tai la ah so-atena, cingdoek halangna, tuiilehkap kutsaimuei bokna dawngah na hawna u poen.

2Peter 2:14

Ahimi lawng thlaanghalhnu nawhtah atloe te bueh hamla ngaih u nawh; amami kah thawlh saina dawngah a kaw riim u nawh. Ahimi lawng oengna tha aka yoek thlaang thli te thawlhna dong dawngah a man sak. A thinkaw tah apuehngaihna oen betoet. Ahimi tah Pathen kah kawsi aka yawkk thlaang poen ni.

1Johan 3:10

Pathen kah ca-anau thli oen Seitan kah ca-anau thli a lawhna hih nawh noekna tah he tila ni: a-u khaw asoeng thaihu aka sai nawh boeih, thlaangtloe te aka lungna nawh boeih tah Pathen kah ca-anau thli nawh ni.

1Johan 3:8

A-u khaw thawlhna aka sai poepa tah Seitan thlaang ni, metihtiah Seitan tah acuek veng kalawng thawlhna a sai roe poen. He kawng ah he Seitan kah sai boeih te phe ham ni Pathen Capa tah a law.

1Johan 4:4

Tede ka ca ka nau thli nangmi tah Pathen thlaang la na awm u tih tawngha rawlrap thli te na taa u poen, metihtiah nangmi khuiah aka awm Muithla tah dilai koeva la aka awm thlaang thli kah muithla lak ah ahu-aham a awm ngaai dawngah ni.

1Johan 5:19

Dilai pum he Seitan kah ukna khuiah awm de mami tah Pathen kah thlaang la ng'awm tite m'ming u.

1Johan 5:4

metihtiah Pathen kah ca-anau boeih lawngtah dilai a taa thai. Mami lawng oengna rang oen dilai n'taa u.

Olphong 12:9

Dilai pum thailatnakung Seitan, tihnawhtah Raaibawi aka miingna suenyan kah ruultluung bohlang te a vanthlaang thli oen dilai la avan thlaak haih.

Olphong 13:14

Ahih lawngah lamhacuek kah satluung haiah sai sak ham a peek kawpoekraina te a saina rang oen dilai han thlaang boeih te athai alatna. Samsen oen tloek la awm tih boengha a caak de aka hing lamhacuek satluung te hinyah peekna la ahih kah kutsaimuei pakhat dilai thlaang thli te a sai sak.

Olphong 13:8

Dilai a suen thlan ah miing thut la aka awm tih ngawn la aka awm tuuca kah hingna cabu khuiah a miing aka thuum nawh dilai thlaang boeih lawngah satluung te a bok u ai.

Olphong 16:17

Apasarihna vanthlaang lawng amah kah beeldung te yilh dawngah a hok. Tempal bok-im khui, bawingawlhcoen dawngkah angaihhlangla awl pakhat va thoeng tih, “Boeih poen!” tila a thui.

Olphong 20:2

Ahih lawng-ah suenyan kah ruultluung Raaibawi tihnawhtah Seitan te a tuuk tih kum thong khat khui khawh hamla thiirui oen a piin.