Ephesa 2:10 - Matu Chin New Testament 2006

¹⁰ Mami Khrih Jesuh ah pumkhatla awmna rang oen ah thaihu theen sai hamla mami he n'sai poen. Mami lawng sai hamla aroek abah oepsoeh thaihu theen saina oen hing hamla mami he n'sai koep poen.

Matu Bible

¹⁰ Mamih tah Jesuh Khrih ah a suen a kutngo la n'om uh. Tekah khoboe then te Pathen loh a hmoel pai tih ni a soah m'pongpa pai sih.

Ephesa 2:10 Iomraidhean Croise

Mathai 5:16

Tetihvan la nangmi kah aangna te thlaang haiah aang sak ham awm, te tila thaihu theen na sai u te ahimi lawng a huh u vetih vaan ah aka awm nangmi na Pa te a thangpawm u thai ai.

Johan 3:21

Tede a-u khaw asoeng thaihu theen aka sai tah aangna ah law tih a sai thaihu te Pathen kawngaih ni tite aangna lawng a tueng sak.” a tina.

Caeltueih 9:31

Judia Tecoeng atah ram, Galili ram oen Samaria ram kah khrihcabu tah ngaimawngla awm u. Bawipa te hinyahna oen khaw a sak u tih Ciim Muithla kah bawmna rang oen a tha ra u tih puung tare u.

Caeltueih 9:36

Joppa khaaw ah Tabita aka miingna oengca pakhat awm. (Ahih te Krik awl la Dorkas a miingna tih thuingaihna tah, “Sayuk” ti ngaihna ni.) Ahih lawng thaihu theen saina oen khawdeng bawmna ah atue atang boeih te a hawna.

Rom 8:1

Tahe tah Khrih Jesuh oen pumkhatla aka awm thli ham tah thawlh awlcekna awm tlaih nawh.

Rom 8:29

Pathen lawng a tuek tangte thlaang thli te amah Capa angla a coenggna ham a thloekcala a thloeng, te tila a sai he tah amah aka oeng thlaang yahawh tim ah a Capa te ahaamkoek camiing awmthang la awm sak ham ni.

1Korin 3:9

Metihtiah kaimi he tah Pathen ham bii aka bi haih la ka awm u tih nangmi te tah Pathen kah lo la ni na awm u. Nangmi tah Pathen kah impui la khaw na awm u.

2Korin 5:17

A-u khaw Khrih oen a tuhkai u coeng atah, ahih tah thlaang thaai poen ni; a hing ruem tah khum tih athaaila hing poen.

2Korin 5:5

He tila thawleng ham roekbahkung tah Pathen amah ni. Mami ham avan khueh avan toen boeih te aamahkhanla Muithla te mami m'peek u.

2Korin 9:8

Tecoengah Pathen lawngtah na ngoena lak ah athloeila m'peek thai tih namami ham na ngoe boeih te na khueh na toen yoeyah vetih thaihu theen na saina boeih dawngah akhoek anoen lak ah a thloeila na dang ai.

Galati 6:15

Thlaang pakhat lawng yahhuivuen reet oen reet nawh he awlpui tlaih nawh ni; thlaang thaai la awm he ni awlpui poen.

Ephesa 1:1

Pathen kawngaihna oen Khrih kah celtuih pakhat la aka awm kai Pawl lawngah, Khrih Jesuh oen pumkhatla awmna dawngah aka hing tih uep-awm la khaw aka sa Efesa khaaw kah Pathen thlaang thli nangmi tengah ca kavan pat u.

Ephesa 1:4

Mami he amah haiah aka ciim tih cawttbauh kap nawh la awm ham, Khrih oen mami pumkhatla awmna rang oen ah amah koe la awm ham ah dilai he a suen thlan vengah, Pathen lawng mami he n'tuek poen. Amah lawng n'lungna dawngah,

Ephesa 2:13

Tede tahe tah Khrih Jesuh oen pumkhatla awmna dawngah athlathloeila aka awm nangmi te Khrih kah duekna rang oen amah teng na pha u poen.

Ephesa 2:15

Judah Phungawl te awlpeek thli oen phung-alam thli te khaw boeih a phe; te tila a sai te tah amah oen pumkhat la awmna ah thlaangphun pahih te thlaangphun thaai pakhatla sai tih roeproeina te awm sak ham a ngaih dawngah ni.

Ephesa 2:2

Te veng tue ah te nangmi lawng dilai han kah athe lawngpui te na vai u; khawhi dawngah aka awm muithla benkah tharana ukkung awl te na ngaai pe u; te muithla lawngah te Pathen awl aka ngaai nawh thli te tahe ah a uk.

Ephesa 2:6

Mami lawng Khrih Jesuh oen pumkhatla awmna rang oen ah vaan ram ah te amah oen haih uktem van hamla mami he amah oen n'thawh sak haih poen.

Ephesa 4:1

Tedawngah, Bawipa bii ka bi dawngah thongtla kai lawngah awl kan uen u: nangmi te Pathen lawng n'khue veng kah a taring van ah te adoengla khaw sa uh.

Ephesa 4:24

Nangmi lawngah hingna athaai oen ah thoekcau uh, te tah Pathen kah mueisam oen aka lo u la a sai tih aka doeng tih aciim hingna tangtang a tuengna ni.

Philipi 1:6

Tedawngah nangmi tim ah he ang bii theen aka tongkung Pathen lawng Khrih Jesuh Khawhin a pha toe he bii he a bi poe ai tila ka tangna.

Philipi 2:13

metihtiah amah kah mengtengna te vai thai ham oen vai ngaihna thinkaw khueh ham Pathen lawng na kaw khuiah bii a bi poepa.

Kolosa 1:10

Tedawngah Bawipa kah ngaihna angla nangmi lawng na ming thai vetih amah kawhoena te na sai poepa u thai ai. Nangmi kah hingna lawng thaihu theen soeprep boeih a sai vetih Pathen mingna dawngah te na roeng u ai.

Kolosa 3:10

He thlaang thaai hingna saikung Pathen lawng amah mueime oen aka lo u tare ham boet ohla athaai sak poepa. Te tila athai sak he tah nangmi lawng amah te atheenla na mingna ham ni.

2Thessalonika 2:17

atheen te na sai u tih awltheen te thui poepa ham thincakna oen ah tharana te m'pe hawn seh.

1Timothy 2:10

Tede bokna ben ah thinkaw pengnel hutaa hue lawng a sai ham tueng angla te thaihu theen saina oen thoekcau u seh.

1Timothy 5:10

Thaihu theen saina, ca-anau thli atheenla cawm-acahna, kamyin kam lai lungna, khrihca paya laikoei thli ham bii aka yawm, khawdeng lungma thlaang aka bawm, thaihu theen saina dawngah miing theenna aka dang huhainu te thuum seh.

1Timothy 5:25

Tetihvan angla thaihu theen sai he khaw tueng pheng tih huh thai koeila aka awm thlan te khaw thuh thai la awm manawh.

1Timothy 6:18

Ahimi lawngah atheen thaihu sai ham, bii theen te bina oen kuirang la awmna u ham, moeihoeihla thlaangtloe a do adan thaina u ham van thui peh.

2Timothy 2:21

A-u khaw athe thaihu boeih te a ceh taak tih aciim acaihla aka awm tah bii phutlo dawngah a hawna ai, metihtiah ahih tah thloeng u tih thaihu theen sai ham oepsoehla aka toen u tih a bawipa kah hawna koeila a awm dawngah ni.

2Timothy 3:17

te ah ni Pathen bii aka bi thlaang lawngah thoemthaina soep vetih thaihu theen phun soeprep sai hamla phawlip te asoepcala a khueh ai.

Titus 2:14

Mami he athe-arana boeih dawng kalawng thlawn ham oen mami he thlaang ciim la sai tih amah bueng kah koe la awm ham oen ah theenna te thinkaw thluembuek oen aka sai ham, amah kah hingna roe te mami hamla a peek.

Titus 2:7

Soeprep boeih ah namah roeroe he khawboe ramlang theen ben ah oett koeila awm. Hinyah koei la awm lang na cangpueina dawngah ataktangla awm.

Titus 3:1

Na thlaang thli lawng ukkung thli oen aana khuehkung thli kah awl a ngai u tih ahimi te a hinyahna u ham oen thaihu theen sai ben ah oepsoehla a awm poepa ham thui peh.

Titus 3:14

Mami kah thlaang thli te bii theen a bi tih angoe taktak dangna ham cang puei uh. Ahimi lawng poei-oepla awm mailai u boel seh.

Titus 3:8

He awl tah awltak ni. He kah awl he awlpuila na khueh ham ka ngaih, Pathen aka oeng thlaang thli lawngtah thlaang boeih boeih ham thaihu theen saina ben ah amami kah atue atang te a hawna ham awm, te tah aka theen tih aphu aka awm ni.

Hebrew 10:24

Mami lawngah theenna te sai ham oen ah lungna te tueng sak ham pakhat oen khat bawmcem u silang pakhat oen khat thintlo u sih. Te lak atah, nangmi lawng Bawipa Khawhin tah yoeii poen tila na ming u dawngah pakhat oen khat thaphawh u tare sih.

Hebrew 13:21

Nangmi lawngah ngaimawngna akung Pathen kah kawngaih te na sai u thai ham thaihu theen na ngoe boeih te m'pe hawn seh; Jesuh Khrih rang oen amah kawngaih te mami kaw khuiah sai hawn seh. Jesuh tengah ruep-awmna tah dungyan toe ayoeyahla awm hawn seh! Amen.

1Peter 2:12

Nangmi kah khawboe ramlang he Pathen aka ming nawh thlaang thli tim ah atheen soeh ham awm, ahimi lawng nangmi te athe saikung la m'peel mai cakhaw nangmi kah moeiboe theen te a huh u vetih Pathen a lawna Khawhin ah amah te a thangpawm u badai.

1Johan 1:7

Tede ahih tah aangna la a awm angla mami lawng aangna ah ng'awm u atah pakhat oen pakhat pawlneengna mami lawng n'khueh u tih a Capa Jesuh thisen oen soeprep thawlhna kalawng mami n'silh poen.

1Johan 2:6

a-u lawngkhaw Pathen oen pumkhatla ka awm a ti atah Jesuh Khrih angla awm van ham awm.