Ephesa 1:7 - Matu Chin New Testament 2006

⁷ Metihtiah Khrih kah duekna rang oen mami n'loeih u, te tah mami kah thawlhna boeih khawdawp a ngaai poen tina ni. Pathen lungvatna tah metihtlukla a bo,

Matu Bible

⁷ A thii lamloh amah dongah tlannah n'dang uh. A lungvatnah dongkah khuehtawn vanbangla tholhdalhnah dongkah khodawkngainah te khaw n'dang uh.

Ephesa 1:7 Iomraidhean Croise

Mathai 20:28

Te tila ni Thlaanghing Capa khaw thlaangtloe te bii bi sak ham law nawh tih thlaang kah bii bi ham oen thlaang yahawh te tlang ham oen ah hingna peek ham ni a law,” a tina.

Mathai 26:28

“He tah ka thi ni. Pathen kah awlkhueh thaai acakna oen thlaang boeih kah thawlh khawdawp ngaaina hamla ka hok ka thisen ni.

Mathai 6:12

Thlaangtloe lawng kaimi sawah a saithawlh te khawdawp ka ngaai u angla, Kaimi kah saithawlh he khawdawp van ngaai lah.

Marku 14:24

Jesuh lawng, “He tah thlaang yahawh hamla ka hok ka thi ni, Pathen awlkam acakna ka thi ni.

Luka 1:77

A thlaang thli nala te nangmi kah thawlhna te khawdawp avan ngai vetih thlawnna na dang u ai tila na thui pe ai.

Luka 24:47

amah miing oen thawlh yutna kawng thawlh khawdawp ngaaina kawng awlthang te Jerusalem kalawng a tong vetih thlaangphun boeih tengah a phawng ai.

Johan 20:23

Nangmi lawng thlaang kah thawlhna te khawdawp na ngaai pe u atah ahimi te khawdawp ngaai la awm ai; nangmi lawng ahimi kah thawlhna te khawdawp na ngaai pe nawh atah ahimi tah khawdawp ngaai nawh la awm ai” a tina.

Caeltueih 10:43

A-u khaw ahih te aka tangna boeih tah a miing huham tharana oen ah a thawlhna te khawdawp a ngaai pe ai tila tawngha boeih lawng ahih kawng te a thui u.” a tina.

Caeltueih 2:38

Piter lawng ahimi nala te, “Nangmi boeih lawngah na thawlhna yut u langtah na thawlhna boeih khawdawp ngaaina hamla Jesuh Khrih miing oen ah baptisma hu u lah; te atah Pathen kah kutdo Ciim Muithla te na dang u ai.

Caeltueih 20:28

Tedawngah namah oen namah te ngaithuen u langtah nangmi lawng na doen hamla Ciim Muithla lawng m'peek tuu thli te doen-acaang u lah. Pathen lawng amah Capa duekna rang oen amah koe la a khueh Pathen Khrihcabu tuudoen la te awm u lah.

Caeltueih 3:19

Tedawngah nangmi kah thawlhna te khawdawp a ngaaina ham thawlhna yut u langtah Pathen tengla meel u lah.

Rom 2:4

Tihnawhtah Pathen kah alentloe reenna, khawdawp ngaaina, kawdawna thli te tula khaw na sak u nawh aw? Pathen kah lungvatna te thawlh yutna ham lawngpui nuehkung ni tite ataktangla na ming u.

Rom 3:24

Tede, Pathen kah ayoe peek reenna kutdo Jesuh Khrih mami boeih loeihsakkung rang oen thlaang boeih he thlaangdoeng la a khueh.

Rom 3:25

Pathen lawng Jesuh Khrih he a thisen rang oen thawlh khawdawp ngaaina saikung la a khueh tih te khawdawp ngaaina tah Jesuh Khrih oengna rang oen ni. Pathen lawng he tila thawlh khawdawp ngaaina a sai he tah a doengna te tueng sak a ngaih dawngah ni. Yan veng atah a kaw daw tih thlaanghing thawlhna te hu nawh angla awm;

Rom 9:23

Tecoengah amah kah aka soep ruep-awmna te tueng sak a ngaih tih amah kah reenna aka dang mami sawah a ruep-awmna te avan toi, mami he a ruep-awmna dang hamla a roek a bah tangte poen ni.

1Korin 1:30

Tede nangmi tah Pathen lawng Khrih Jesuh oen pumkhatla n'awm sak poen tih Pathen lawng Khrih he mami kah cuihna la avan sai poen. Ahih rang oen ah mami tah Pathen oen roeproeina awm poen; mami tah Pathen kah a thlaangciim la n'coengg u tih mami he n'loeih sak poen.

2Korin 8:9

nangmi lawng mami Bawipa Jesuh Khrih kah lungvatna te na ming u; ahih tah bawi soeh mai de nangmi kah theenna ham khawdeng thlaang la coengg, he tila khawdeng la a awmna oen ah nangmi te kuirang thlaanglen la coengg sak ham a ngaih dawngah ni.

Ephesa 1:14

Muithla he tah Pathen lawng a thlaang thli tengah awl a kam te mami lawng n'dang ngai ai tila aamahkhan la awm tih amah kah thlaang thli tengah loeihna aka soep te Pathen lawng a peek ai tila mami kah ngaitluepna la khaw awm. Mami lawngah amah kah ruep-awmna te thangpawm u lah sih!

Ephesa 1:18

Nangmi te me ang ngaiuep sak ham n'khue tih a thlaang thli hamla a kam pe kawpoek rai yotheen kam-awmna te metihtlukla a yahawh tih,

Ephesa 1:6

Amah kah ruep-awm lungvatna oen a lungna a Capa dawng kalawng mami he ayoela kutdo m'peek dawngah Pathen te thangpawm u sih!

Ephesa 1:8

ahih lawng mami m'peek te tah lentloe maimah aw;

Ephesa 2:4

Tede Pathen kah reenna tah yahawh tih mami n'lungna te tah abo tangkiik dawngah,

Ephesa 2:7

He tila a sai he tah Khrih Jesuh dawngah mami ham a lungna avan tueng sak lungvatna tah atloe boeih lak ah bo ngai tite yoeyahla tueng sak a ngaih dawngah ni.

Ephesa 3:16

Nangmi kah akhuiben thinkaw tharana ham amah Muithla rang oen ah a ruep-awm bawilenna dawngkah tharana te nangmi m'peekna ham ka bih tih,

Ephesa 3:8

Kai tah Pathen kah thlaang boeih lak ah huhsit koek la ka awm de, Khrih kah thuilek thuina nawh a bawilenna kawng Awlthang Theen te Gental thlaangphun tengah thui hamla,

Philipi 4:19

Kai kah Pathen lawng amah kah bawilen kuirangna oen nangmi kah ngoena boeih te Khrih Jesuh rang oen ah m'peek ai.

Kolosa 1:14

a Capa rang oen mami tah n'loeih u tih mami thawlhna boeih te khawdawp avan ngaai poen.

Kolosa 1:27

Pathen kah mengtengna tah thlaang boeih hamla a khueh pe lenna oen ruep-awm tangkiik awlhuep te a thlaang boeih tengah phawng hamla ni. Te awlhuep tah nangmi khuiah aka awm Khrih te ni, thuingaihna tah Pathen kah ruep-awmna te nangmi lawng na khueh u van ai tina ni.

Kolosa 2:13

Yan atah nangmi he phungawl khueh nawh Gental thlaang la na awm u tih namami kah thawlhna dawngah Muithla ben ah na duek u. Tede tahe tah Pathen lawng nangmi te Khrih oen haih ng'hing sak poen. Pathen lawng mami kah thawlhna boeih te khawdawp a ngaai poen.

Kolosa 2:2

He tila ka bi he nangmi lawng raltheenna oen na betoet u vetih lungna dawngah pakhat oen khat beroep u ham, aka soeng yaakmingna lawng a thoeng sak ngaitluep ngaimawngna aka soep te na khuehna u thai ham ka ngaih dawngah ni. He tila nangmi lawngah Pathen kah awlhuep te na ming u thai ai, te awlhuep tah Khrih amah he ni.

1Timothy 2:6

Te tah atue atang apha khuek vengah Pathen lawng thlaang boeih thlawn ham a ngaih te tueng sakna ni.

Titus 2:14

Mami he athe-arana boeih dawng kalawng thlawn ham oen mami he thlaang ciim la sai tih amah bueng kah koe la awm ham oen ah theenna te thinkaw thluembuek oen aka sai ham, amah kah hingna roe te mami hamla a peek.

Titus 3:6

Pathen lawng mami thlawnkung Jesuh Khrih rang oen mami sawah acoeihpokla Ciim Muithla te avan toi tih,

Hebrew 9:22

Ataktang atah Phungawl lawng a kuek angla thaihu cungkuem he thisen oen ciim tih thisen bueng oen ni thawlh khawdawp ngaaina a awm.

1Peter 2:24

Mami lawng thawlhna ah duek tih doengna ah hing hamla Khrih amah lawng a pum dawngah mami thawlhna te thinglam dawng a phueih poen. Ahih kah boengha ngaw oen nangmi tah na hoeih u poen.

1Peter 3:18

Metihtiah Khrih tah thlaangthawlh boeih yuengla vai at ah akhoek koeng la duek poen, nangmi te Pathen teng ceh puei ham thlaangthawlh yueng la thlaangdoeng te duek. Ahih te pumsa ben atah duek de, muithla ben atah hing koep tih,

1Johan 2:12

Ka ca ka nau thli Khrih rang oen nangmi kah thawlhna te khawdawp a ngaai poen dawngah nangmi tengah he ca he kavan thut.

1Johan 2:2

Metihtiah, Khrih amah roe he mami kah thawlh khawdawp ngaaina Luciik la awm tih mami kah thawlhna bueng nawh tih thlaang boeih kah thawlhna te khawdawp a ngaai.

1Johan 4:10

Lungna ti he tah he tila ni: mami lawng Pathen n'lungna te nawh ni, tede amah lawng mami he n'lungna tih mami kah thawlhna khawdawp ngaaina ham a Capa avan tuih he ni.

Olphong 14:4

Te thli tah amah oen amah kuemsuem u tih hutaa tawngpa thawlhna aka sai nawh cadawng cuem la awm u tih tuuca a cehna roekk ah a vai u. Ahimi te tah thlaang boeih tim kah tlang tangte la awm u tih Pathen oen Tuuca tengah a nawn lamhacuek ni.

Olphong 5:9

Ahimi lawng, “Nang tah cayaawl te lawh ham oen tacik te phe tih thlam hamla na tuueng roe. Metihtiah n'ngawn u tih nang kah Luciik duekna oen thlaangphun soeprep, awlcawm awlcee, ram tawm oen namtawm te Pathen ham na lai poen.