Ephesa 1:4 - Matu Chin New Testament 2006

⁴ Mami he amah haiah aka ciim tih cawttbauh kap nawh la awm ham, Khrih oen mami pumkhatla awmna rang oen ah amah koe la awm ham ah dilai he a suen thlan vengah, Pathen lawng mami he n'tuek poen. Amah lawng n'lungna dawngah,

Matu Bible

⁴ Mamih he Lungnah neh amah hmuh ah cimcaih tih cuemthuek la om ham diklai a tong hlanah amah dongah mamih n'tuek pataeng coeng.

Ephesa 1:4 Iomraidhean Croise

Mathai 24:22

Tede Pathen lawng te kah atue te a toi sak poen; te tila atue toi sak nawh kawinih a-u khaw deem manawh. Tede Pathen lawng a thlaang tuek hue hamla atue a toi sak ai.

Mathai 24:24

Metihtiah Messiah rawlrap oen tawngha rawlrap thli pho u vetih a coengg thai atah Pathen kah thlaangtuek Pateng thailatna ham kawpoekrai miknoekna oen kawpoekrai thaihu a lentloe a sai u ai.

Mathai 24:31

Pengsara angaihhlangla a tum vetih dilai a kil palii ah vanthlaang thli te a tuih ai, dilai a boetna kalawng khatben toe kah a thlaangtuek thli te ahimi lawng a cawi ai.

Mathai 25:34

Tecoengah Sengpahrang lawng a bantang ben ah aka awm hue te, ‘Law uh, nangmi a Pa kah yotheenna aka paang hue! Law u lang dilai suen cuek veng kalawng nangmi ham a roek abah sut Vaan ram te paang u lah.

Johan 10:16

He kah tuu-im khuiah aka awm nawh ka tuu thli atloe khaw awm hun. Te thli te khaw kavan khuen hun ai; te thli lawngah ka awl he a ngaai ai; tuu huui at la coengg vetih tuudoen pakhat oen awm u ai.

Johan 15:16

Nangmi lawngah kai he nan tuek nawh; nangmi lawng na cet u vetih yoeyahla aka cak a thaih te na thaihna u hamla kai lawng nangmi he kan tuek tih bii kan peek u. Tedawngah nangmi lawng ka miing oen na bih boeih te a Pa lawng m'peek ai.

Johan 17:24

“A Pa! Dilai suen thlan vengah nan lungna tih ruep-awmna nan peek, te kah ruep-awmna te nang lawng ka tengah nan peek thlaang thli lawng a huhna u ham kai ka awmna ah ahimi te awm sak ham ka ngaih.

Caeltueih 13:48

Gental thlaang thli lawng he awl he a yaak u vengah, awmngaih u tangkiik tih Bawipa kah awlthang te a thangpawm u; dungyan hingna paang hamla a tuek thlaang thli te oengca la awm u.

Caeltueih 15:18

Te tila yan veng kalawng he awl aka mingsakkung Bawipa lawng a thui.’ a tina.

Caeltueih 18:10

metihtiah kai lawng kan awm puei dawngah a-u lawngkhaw nang te nganbawh n'yawkk sak manawh, he khawpui khuikah yahawh ngaai he tah kamah kah thlaang la ni a awm u.” a tina.

Rom 8:33

Pathen lawng a tuek thlaang te a-u lawng thawlh a peel thai ai? Pathen amah lawngah na thawlh nawh a tina poen.

1Korin 1:8

Mami Bawipa Jesuh Khrih khawhin ah cawttbauh kap awm nawh hamla amah lawng aboet toela nangmi te n'cak sak ai.

Galati 5:13

Maya manau thli, nangmi te loeih sak hamla ni n'khue u. Tede, te loeihna te namami kah pumsa hue-ngaihna a dipna ham hawna u boel. Te lak atah lungna oen ah nangmi khat oen khat bawmcem uh.

Galati 5:22

Tede Muithla lawng a thoeng sak tah lungna, awmngaihna, ngaimawngna, kawdawna, reenna, theenna, uep-awmna,

Galati 5:6

Khrih Jesuh oen mami pumkhatla ng'awm u atah yahhuivuen reet khaw, reet nawh khaw athloeina awm nawh; awlpui tah lungna oen bii aka bi oengna te ni.

Ephesa 2:10

Mami Khrih Jesuh ah pumkhatla awmna rang oen ah thaihu theen sai hamla mami he n'sai poen. Mami lawng sai hamla aroek abah oepsoeh thaihu theen saina oen hing hamla mami he n'sai koep poen.

Ephesa 3:17

oengna rang oen ah nangmi kah thinkaw lungbui ah Khrih lawng a im te sa seh tila ka thangthui. Nangmi lawng lungna dawngah akung na liing tih thlengyung na thlaakna ham khaw ka thangthui,

Ephesa 4:2

Boe ngaai yoeyah uh, amueltuett la awm uh, na kaw daw sak uh. Nangmi lawng lungna te khat oen khat reenna oen tueng sak uh.

Ephesa 5:2

Khrih lawng mami he n'lungna tih a hingna te mami ham abaw aka tuui huihthlutna oen Pathen kawhoena luciik la a nawn u van angla nangmi kah hingna te lungna lawng uk seh.

Ephesa 5:27

Te tila khrihcabu tah atheenna boeih boeih oen aka awm tih thawlhna aka awm nawh, atloe soepna nawh oen angaw-aha, aru-arii oen cawttbauh aka awm nawh la te amah tengah peek ham angaih dawngah ni.

Philipi 2:15

te tila te he dilai dawngah aka awm thlaangthe thli oen thlaangthawlh thli lakli ah Pathen kah thlaangsoep ca anau angla thawlhna aka awm nawh, aciim acaih thlaang la nangmi tah na awm u ai, hingna awl te ahimi na peek vengah te ahimi tim ah vaan ah aka vaang aisi angla aang u lah.

Kolosa 1:22

Tede tahe tah a Capa kah thlaanghing pumsa la a duekna rang oen Pathen lawng amah paya theen la n'sai poen. Te tila a sai he tah amah haiah nangmi te ciimcaih tih cawttbauh aka kap nawh la lawh ham ni.

Kolosa 2:2

He tila ka bi he nangmi lawng raltheenna oen na betoet u vetih lungna dawngah pakhat oen khat beroep u ham, aka soeng yaakmingna lawng a thoeng sak ngaitluep ngaimawngna aka soep te na khuehna u thai ham ka ngaih dawngah ni. He tila nangmi lawngah Pathen kah awlhuep te na ming u thai ai, te awlhuep tah Khrih amah he ni.

Kolosa 3:12

Nangmi tah Pathen thlaang la na awm u; amah lawng nangmi te n'lungna tih amah hamla nangmi te n'tuek. Tedawngah thlaang kah hailam poekna, reenna, komyomna, boe-ngaaina, kawdawna oen ah khukdah u lah.

1Thessalonika 3:12

Nangmi khat oen khat khawseh, thlaang boeih na lungna u te khawseh kaimi lawng nangmi kan lungna abo van angla Pathen lawng van roeng sak tare seh.

1Thessalonika 4:7

Pathen lawng mami he cuk-halhna dawngah bawlneeng sak hamla n'khue nawh tih aciim acaihla awm ham ni n'khue u.

2Timothy 1:9

Pathen lawng mami he amah thlaang la awm ham n'thlawn tih n'khue u, te tah mami kah saina dawngah nawh tih, a lungvatna tah atue a tong thlan veng kalawng Khrih Jesuh rang oen m'peek poen,

2Timothy 2:10

Tedawngah Pathen kah thlaangtuek thli lawngtah Khrih Jesuh teng kalawng aka law thlawnna te a dang u tih dungyan ruep-awmna te a pangna u ham patang raina boeih boeih he ka ueh.

2Timothy 2:19

Tede Pathen lawng lungdang a suem te tah cak khak tih hinghuen thai nawh, te sawah te he awl he a thut: “Bawipa lawng amah kah thlaang la aka awm te a ming” tila khaw, “Bawipa kah thlaang la ka awm a ti lawngtah athe saina te a toeng ham awm,” tila te a thut.

James 2:5

Maya manau thli aw, hutung u lah! Pathen lawngah he dilai dawngkah khawdeng thlaang thli he oengna ah kuirang la awm ham, amah aka lungna thlaang thli ham a kam pe vaan ram te pang hamla a tuek.

1Peter 1:2

Jesuh Khrih awl te na ngaai tih amah kah thisen oen ciim sak hamla Pathen kah mengtengna angla nangmi tah tuek la na awm u tih amah Muithla lawng thlaangciim la n'sai u. Lungvatna oen ngaimawngna tah nangmi tengah asoepbirla awm hawn seh.

1Peter 1:20

Ahih te tah dilai suen thlan vengah Pathen lawng a tuek poen tih he kah atue khawhin aboetna tue vengah nangmi ham avan tueng sak.

1Peter 2:9

Tede nangmi tah a tuek thlaangphun, seng-pahrang kah khawsoeih, thlaangphun ciim, Pathen kah thlaangphun la na awm u. Yiinna khui kalawng amah kah aangna khuila nangmi khuekung Pathen lawng kawpoekrai a sai te thui sak ham nangmi te n'tuek u.

2Peter 3:14

Tedawngah ka paya thli, te Khawhin te na lamtoen u vengah Pathen huh ah aka ciim tih cawttbauh kap ohla awm ham yawm u lang amah oen roeproeicala awm uh.

1Johan 4:16

Te tila Pathen lawng mami n'lungna te kamami roeroe lawng ka ming u tih ka tangna u. Pathen tah lungna ni, a-u khaw lungna dawngah aka awm tah Pathen oen pumkhatla awm tih Pathen khaw ahih oen pumkhatla awm.

Olphong 13:8

Dilai a suen thlan ah miing thut la aka awm tih ngawn la aka awm tuuca kah hingna cabu khuiah a miing aka thuum nawh dilai thlaang boeih lawngah satluung te a bok u ai.

Olphong 17:8

Nang lawng na huh satluung te n'cui atah hing de, tahe tah hing tlaih nawh; Ahih tah boetna aka awm nawh ungrawm khui kalawng thoeng hang vetih ngawn la awm ai. Dilai he a suen thlan veng kalawng hingna cabu khuiah miing aka thuum nawh dilai han thlaang thli lawng, n'hu vengah hing de tahe ah aka hing tlaih nawh tih aka hing koep ham koei satluung te a huh u vengah a kawpoek rai u ai.