Ephesa 1:17 - Matu Chin New Testament 2006

¹⁷ mami Bawipa Jesuh Khrih kah Pathen, mami kah ruep-awm m'Pa tengah nangmi te Muithla m'peekna hamla ka bih poepa, te Muithla lawngtah nangmi te n'cuih sak vetih Pathen te nangmi tengah avan tueng sak ai, te atah Pathen te na ming u ai.

Matu Bible

¹⁷ Te daengah ni mamih Boeipa Jesuh Khrih kah Pathen, thangpomnah a pa loh amah mingnah dongah pumphoenah neh cueihnah mueihla te nangmih m'paek eh.

Ephesa 1:17 Iomraidhean Croise

Mathai 11:25

Tevengah Jesuh lawng, “Apa, dilai oen vaan kah Bawipa! Thlaangcuih oen aka thoemthai hue tengah na thuh te aka thoemthai nawh hue tengah na tueng sak dawngah kan uem tangkiik.

Mathai 11:27

“Apa lawng thaihu soeprep boeih m'peek poen. Apa nawh tah a-u lawngkhaw Capa te ming nawh. Capa oen amah te m'ming seh tila Capa lawng a tueng sak thlaang thli teng bueng nawh atah a-u lawngkhaw a Pa te ming u manawh.

Mathai 16:17

Jesuh lawng, “Johan capa Simon, na yo theen phoeih,” He awltak he thlaanghing teng kalawng na tengla law nawh, tede vaan ah aka awm a Pa kah peek ni.

Mathai 20:33

Ahih rawi lawng, “Bawipa! Ka mik na van tueng sak ham ka ngaih hih” a tina.

Mathai 6:13

Noekdakna aka rai hlang kaimi sawah pha sak ohla, Seitan kut khui kalawng n'deem sak u lah, tila thangthui uh.’

Luka 12:12

Metihtiah nangmi lawng na thui ham koei te Ciim Muithla lawng n'cang puei ai.” a tina.

Luka 2:14

“Vaan asang koek ah Pathen thangpawm u hawn seh, a lungna thlaang thli a awmna dilai dawngah roepna awm hawn seh,” tila a thui u.

Luka 21:15

metihtiah na raal thli a-u khatca lawngkhaw oelhtaih thai nawh tih taa thai nawh hamla nangmi lawng na thui ham koei awl oen cuihna te kan peek ai.

Johan 14:17

Pathen kawng awltak aka tueng sak Muithla te m'peek ai. Dilai lawng ahih te hu thai nawh, ming thai nawh vetih ahih te do manawh. Tede ahih tah nangmi tengah awm tih na khuiah a awm dawngah nangmi lawngtah na ming u.

Johan 14:26

A Pa lawng ka miing oen avan tuih ham koei Bawmkung Ciim Muithla lawngah soeprep boeih te nangmi m'cang puei vetih kavan thui boeih he nangmi m'ming sak ai.

Johan 16:3

Ahimi lawngah kai he khaw, a Pa khaw a ming u nawh dawngah he ang thli he nangmi sawah a sai u ai.

Johan 17:3

Tecoengah dungyan hingna ti he tah nang lawng na tuih Jesuh Khrih he ming tih Pathen taktak nang te ming he ni.

Johan 20:17

Jesuh lawngah, “Kai he n'tu khaklal boel de lah, a Pa tengla ka cet thlan hun, tede ka manau thli tengla cet langtah, ‘ahimi oen kai kah a pa, kai kah Pathen oen ahimi kah Pathen tengla ka cet poen ai ti’ tila thui peh.” a tina.

Caeltueih 6:10

Tede Stefen lawngah Muithla kah peek cuihna oen awl a thui dawngah ahimi lawng taa u thai nawh.

Caeltueih 7:2

Stefen lawngah, “Maya manau oen a pa thli, ka awl thui he hutung u lah! Mami kah patuer Abraham he Haran ah awm hamla a ceh thlan ah Mesopotemia khaaw ah a awm vengah te ruep-awm Pathen te a tueng pe tih,

Rom 1:28

Pathen kawng cuihna taktak te thlaanghing lawng a thinkaw khuiah khueh ham a ngaih u nawh dawngah aciimcaih nawh thinkaw lungbui khueh ham Pathen lawng a thlahphaam. Tedawngah sai koei nawh athe thaihu a sai u.

Rom 15:6

Te atah nangmi boeih lawng thik at la awlkaa pakhat la te mami Bawipa Jesuh Khrih kah ana Pa oen Pathen te na thangpawm thai ai.

1Korin 12:8

Muithla lawng thlaang pakhat te cuihna oen aka betoet awlthang te a peek tih thlaang pakhat te tah mingna oen abetoet awlthang te Muithla lawng a peek.

1Korin 14:6

Tedawngah maya manau thli, nangmi tengla ka law vengah mingnawh awl la ka cal kawinih nangmi hamla kai he hoeikhangna awm ai aw? Awm tang manawh! Pathen tengkah awlphawng pakhat mai khaw, cuihna mai khaw, tawngha kah awlthang mai khaw, cangpueina mai khaw kavan khuen nawh atah nangmi ham hoeikhangna awm nawh.

1Korin 2:10

Tede a awlhuep te amah Muithla rang oen ah mami he Pathen lawng m'ming sak poen. Muithla lawngtah soeprep boeih Pathen kah kamthlahna adungkoek thuh elh la aka awm te pateng khaw pheng a tlap.

1Korin 2:8

He dilai ukkung thli a-u khat lawngkhaw cuihna he ming u nawh. Ahimi lawng ming u kawinih ruep-awmna Bawipa te thinglam dawngah ngawn u manawh.

2Korin 12:1

Oekthloenna lawng he thaihu theen khat khaw sai nawh de, ka oekk u de lah ai. tede tahe ah Bawipa kah peek huhthlaam oen awlphawng te ka thui lah ai.

Ephesa 1:3

Mami Bawipa Jesuh Khrih kah ana Pa oen Pathen te koeh u lah sih! Metihtiah Khrih oen pumkhatla awmna ah vaan ben kah Muithla yotheen kam-awmna soeprep peekna oen mami he yotheenna m'peek u.

Ephesa 3:5

Yan veng atah he awlhuep he thlaang thli te ming sak nawh, tede tahe tah Pathen lawng amah Muithla oen amah kah aciim celtuih thli oen tawngha thli tengah a tueng sak poen.

Ephesa 4:13

Tedawngah mami boeih lawng oengna dawngah khaw, Pathen capa mingna dawngah khaw pakhatla te avan-at la ng'awm u ai; mami lawng poekna aka soep thlaang la ng'awm vetih Khrih kah asoepna tangtang asang koek te m'pha van ai.

Philipi 3:15

Mami boeih muithla ben ah kawpoek soep la aka awm lawngtah he ang kawpoek he khueh roe hamla awm, tede nangmi timkah thlaang khatsut lawng poekna tloe na khueh u atah te poekna te Pathen lawng nangmi tengah aciimphanla avan tueng sak ai.

2Timothy 2:25

amah aka ngaih nawh thlaang thli te lunghoeih lungpaih la toelthaam ham awm. Tetih atah ahimi te Pathen lawngah thawlh yutna atue theen a peek vetih awltak te a ming u ai.

Titus 1:1

Pathen kah tuihyoeihthlaang oen Jesuh Khrih kah celtuih kai Pawl lawng ca kavan pat. Pathen lawng a tuek thlaang thli kah oengna cak sak ham oen mami kah bokna oen awltak cangna ah ahimi te mawt hamla tuek la ka awm tih n'tuih.

James 2:1

Ka maya manau thli, ruep-awmna akung, mami kah Bawipa Jesuh Khrih te aka oeng thlaang la na awm u dawngah, thlaang he asaw ahan kah na huhna dawngah meveng khaw nangmi lawng voemtoei u boel.

2Peter 1:3

Pathen amah kah ruep-awmna oen atheenna pang van hamla mami khuekung Jesuh Khrih mingna rang oen Pathen hinyahna oen ah hing hamla mami kah ngoe soeprep boeih te Pathen kah tharana huham oen m'peek poen.

2Peter 3:18

Mami kah Bawipa Jesuh Khrih lungvatna oen mingna dawngah roeng hang uh. Amah tengah ruep-awmna tah tahe kalawng ayoeyah awm hawn seh. Amen.

Olphong 7:12

“Amen! Thaangtheenna, ruep-awmna, cuihna, awmngaihkoehna, hinyahna, huham tharana oen tha-awmna tah Pathen kah koeva la dungyan dungyan toe awm hawn seh! Amen!” tila a thui u.