Ephesa 1:13 - Matu Chin New Testament 2006

¹³ Te tila te nangmi khaw thlawnna avan khuenkung Awlthang Theen awltak awlthang te na yaak u vengah Pathen thlaang la na awm u poen. Nangmi lawngah Khrih te na oeng u tih amah thlaang la na awmna miknoekna te Pathen lawng nangmi sawah thawhcang a heen poen; te tah amah lawng awl a kam tangte Ciim Muithla te nangmi m'peekna rang oen ni.

Matu Bible

¹³ Nangmih khaw amah dongah ni namamih kah khangnah olthangthen oltak olka te na yaak uh. Amah aka tangnah tah olkhueh dongkah Mueihla Cim neh kutnoek n'daeng thil coeng.

Ephesa 1:13 Iomraidhean Croise

Luka 11:13

Thlaangthe la na awm u de ta, na ca thli te thaihu theen peek ham na ming u. Te atah vaan ah aka awm Pa lawng atah Ciim Muithla te aka bih boeih tengah a peek tare ai ta!” a tina.

Luka 24:49

Kamah roe lawngah a Pa lawng avan kam te nangmi tengah kavan tuih ai. Tede asawben kah tharana te nangmi tengah a law thlantoe tah khawpui khuiah te ring uh.” a tina.

Johan 1:17

Pathen lawng Phungawl te Mosi rang oen m'peek, tede awltak oen lungvatna tah Jesuh rang oen ni a law.

Johan 14:26

A Pa lawng ka miing oen avan tuih ham koei Bawmkung Ciim Muithla lawngah soeprep boeih te nangmi m'cang puei vetih kavan thui boeih he nangmi m'ming sak ai.

Johan 15:26

A Pa teng kalawng aka law Bawmkung, Pathen kawng awltak aka phawng Muithla te law ai. Kai lawng a Pa tengkah kavan tuih vetih kamah kawng he a thui ai.

Johan 3:33

Tede a-u khaw ahih kah awl te aka do tah te tila a dona rang oen Pathen tah ataktang ni a thui tila a cak sak.

Johan 6:27

Aka awm poe nawh caak awkk ham bii bi u boel; te lak ah dungyan aka awm caak awkk ham bii te bi uh. Thlaanghing Capa lawng caak awkk te m'peek ai; metihtiah Pa Pathen lawngah ahih sawah amah kah ngaikhuekna miknoek a khueh poen.” a tina.

Caeltueih 1:4

Tecoengah ahimi a tun u vengah he tila awl a thui pe: “Jerusalem he ceh taak u boel, a Pa awlkam akawng alam kavan thui kutdo te ring uh.

Caeltueih 13:26

“Abraham cadil, ka puei Israel thlaangphun thli oen Pathen aka bok Gental thlaangphun thli; thlawnna awlthang he mami tengah m'peek!

Caeltueih 2:33

Ahih tah ana Pa Pathen kah bantang ben ah a ngawlh sak poen tih ana Pa kah awlkam angla Muithla te a dang poen. Tahe ah nangmi lawng na huh u tih na yaak he tah kaimi sawah avan toi amah kutdo ni.

Rom 1:16

Awlthang Theen tah ka uepna rapsaat; aka tangna thlaang boeih thlawnna hamla Pathen kah tharana ni. Lamhacuekla Judah thlaangphun ham tih tecoengah Gental thlaangphun hamla khaw awm.

Rom 4:11

Abraham lawng thlaangdoeng la a awm coengah yahhuivuen a reet, ahih kah yahhuivuen reet he tah a oengna rang oen Pathen lawng thlaangdoeng la a pawm te a tuengna ham miknoek ni. Tedawngah yahhuivuen reetna ohla Pathen a oengna rang oen Pathen lawng thlaangdoeng la a pawm thlaang boeih kah Muithla ben ah Abraham tah Pahaam la awm.

Rom 6:17

Tede Pathen te uem u lah! Anoekbuet atah nangmi he thawlhna sal la na awm u de, tahe tah cangpueina dawngah na huh awltak na dang u te na thinkaw lungbui tak oen na vai u poen.

2Korin 1:22

amah koe la awmna miknoekna te mami sawah a deng tih mami ham a toen oepsoeh boeih te aamahkhanna ham mami thinkaw ah Ciim Muithla pekung tah Pathen amah ni.

2Korin 6:7

awltak awlthang te phawngna oen, Pathen kah huham tharana oen ah Pathen kah tuihyoeihthlaang la ka awmna te ka tueng sak u. Kaimi lawng raal teekna ham khawseh, kamami pum thloetna ham khawseh, doengna te awva angla ka hawna u.

Galati 3:14

Khrih lawng tila a sai he tah, Pathen amah lawng Abraham tengah a awlkam yotheenna te Khrih Jesuh rang oen Gental thlaangphun tengah peek ham oen ah mami lawngkhaw oengna rang oen Pathen lawng peek ham awl a kam Muithla te dang van ham ni.

Ephesa 4:21

Nangmi lawng ahih kawng te na yaak tangtang u poen tih amah kah hubang la na awm u van angla Jesuh dawngah aka awm awltak te nangmi lawng na cang u poen.

Ephesa 4:30

Pathen kah Ciim Muithla te a kaw the sak u boel; Metihtiah Muithla te tah, nangmi te Pathen kah thlaang la na awm u tite miknoekna la awm tih Pathen lawng nangmi loeih sakna Khawhin a pha ai tina kah aamahkhan ni.

1Thessalonika 2:13

Kaimi lawngah Pathen tengah awmngaih ciil ka thuina kawng atloe awm hun. Kaimi lawng Pathen awl te nangmi tengla kavan khuen vengah thlaanghing kah awl angla nawh tih, Pathen kah awl angla te na hutung u tih na do u, te tah ataktang ni. Metihtiah aka oeng nangmi tengah Pathen lawng bii a bi.

2Timothy 2:15

Nang tah bii aka yah puei nawh, Pathen kah awltak te asoengla aka cangpueikung la na awm van angla Pathen kawtlaakna te na dangna ham yawm lah.

2Timothy 2:19

Tede Pathen lawng lungdang a suem te tah cak khak tih hinghuen thai nawh, te sawah te he awl he a thut: “Bawipa lawng amah kah thlaang la aka awm te a ming” tila khaw, “Bawipa kah thlaang la ka awm a ti lawngtah athe saina te a toeng ham awm,” tila te a thut.

2Timothy 3:15

Na camaw veng kalawng ah Aciim Baibal awl na ming poen tite hilh boel. Te Caciim lawngah Khrih Jesuh oengna rang oen thlawnna benla mawtkung cuihna te m'peek thai.

Titus 2:11

Metihtiah, Pathen lawng thlaang boeih kah thlawnna hamla a lungvatna te avan tueng sak poen.

Hebrew 2:3

Te atah hetih aihla aka lenduet thlawnna he mami lawng n'tu la n'sak nawh atah metila mami he sa a sueng ai? Bawipa amah lawng he thlawnna he lamhacuekla a phawng tih aka ya boeih lawngah soeng tila mami tengah a tueng sak poen.

James 1:18

Pathen lawng amah kah thaihu sai aka hing boeih khuiah lamhacuek huen ah awm ham awltak awl oen ah amah kawngaih angla mami he n'sai poen.

James 1:21

Tedawngah nangmi lawng tuiilehkap moeiboe boeih oen athe khawboe ramlang boeih te hoett u loeih. Pathen tengah te nawn u langtah nangmi aka thlawn thai na lungbui khuiah avan ling awl te do u lah.

1Peter 2:10

N'hu veng atah nangmi he Pathen kah thlaang la na awm u nawh de tahe atah nangmi he amah kah thlaang la na awm u poen; anoekbuet atah Pathen kah reenna te na ming u nawh de tahe atah a reenna te na dang u poen.

Olphong 7:2

Tecoeng ah aka hing Pathen kah tacik deng aka pawm vanthlaang pakhat lawng khawcuuk ben kalawng a law hang te ka huh. Ahih lawng dilai oen tuitunlii sawah patang khang sak thaina aka khueh vanthlaang palii hue te angaihhlangla paang tih a khue.