Ephesa 1:11 - Matu Chin New Testament 2006

¹¹ Thaihu soeprep boeih he Pathen kah khawkhana oen awltloekna angla ni boeih a awm; Khrih oen pumkhatla awmna rang oen ah Pathen lawng amah kah a thlaang la awm ham mami he n'tuek poen, te tah a cuekca veng kalawng amah kah kamthlahna khawkhannna poen ni.

Matu Bible

¹¹ A kongaih kah mangtaengnah bangla boeih pongthoo tih, a mangtaengnah vanbangla a nuen rhoek long tah amah dongkah te m'pang uh van coeng.

Ephesa 1:11 Iomraidhean Croise

Caeltueih 13:48

Gental thlaang thli lawng he awl he a yaak u vengah, awmngaih u tangkiik tih Bawipa kah awlthang te a thangpawm u; dungyan hingna paang hamla a tuek thlaang thli te oengca la awm u.

Caeltueih 2:23

Pathen lawngah amah khawkhanna angla Jesuh te nangmi kut ah peek hamla awl a khueng oepsoeh poen; ahih te thinglam dawng na tai u tih thlaangthawlh thli kah kut oen na ngawn u poen.

Caeltueih 20:27

Metihtiah Pathen kah a kamthlahna te thuh phah muehla apum boeih la nangmi tengah biit kavan thui poen.

Caeltueih 20:32

Tahe tah nangmi he Pathen kah doencangna oen amah kah lungvatna awlthang khuiah kan peek u poen, te lawngah nangmi te n'roeng sak vetih amah kah thlaang boeih hamla a toen oepsoeh yotheen kam-awmna te m'peek ai.

Caeltueih 26:18

Nang lawng ahimi te a mik na daai sak vetih yiinna kalawng aangna la, Seitan kah tharana khui kalawng Pathen tengla na mang sak ai, te dengah ni ahimi lawng kai he oengna rang oen ah thawlh khawdawp ngaaina te a khueh u vetih Pathen kah thlaangtuek thli tim ah ahuen amawl a dang u van ai’ tila avan thui” a tina.

Caeltueih 4:28

Nang lawngah namah kah huham tharana oen aka awm ham koei na thui sut soeprep boeih te sai hamla ahimi tah tun u.

Rom 11:34

Caciim lawng, “Bawipa kah thinkaw te a-u lawng a ming? a-u lawngah poekna a peek thai?

Rom 8:17

Mami tah amah kah ca-anau la n'awm u veng kalawng a thlaang hue ham a khueh pe kam-awm yotheenna te n'dang van ai. Pathen lawng Khrih ham a khueh pe te mami lawngkhaw m'paang van ai; metihtiah Khrih kah patangraina te n'cuut u atah, mami lawng amah kah ruep-awmna te khaw m'paang van ai.

Rom 8:28

Pathen lawngtah amah aka lungna thli ham oen amah lawng a kamthlahna angla a khue thlaang thli lawng atheenna ham thaihu boeih he a sai pe tila m'ming u.

Rom 8:29

Pathen lawng a tuek tangte thlaang thli te amah Capa angla a coenggna ham a thloekcala a thloeng, te tila a sai he tah amah aka oeng thlaang yahawh tim ah a Capa te ahaamkoek camiing awmthang la awm sak ham ni.

Rom 8:30

Tedawngah Pathen lawng athloekla a thloeng thlaang thli te a khue; te tila a khue thlaang thli te amah oen a roep u sak tih a ruep-awmna te khaw a paang sak.

Rom 9:11

Tede capa pakhat a tuek te tah amah kah mengtengna te asoepna ham ni; tedawngah Pathen lawng Rebekka te, “Ahaamca lawng anoca kah bii a bi pe ai,” a tina. He awl he tah ahih rawi boeinau te a cuun thlan vengah a thui ni, ahih rawi lawng athe atheen n'tu khat khaw a sai hih thlan ah ni a thui; tedawngah Pathen kah tuekna he tah amah kah khuena dawngah akung asut tih ahih rawi boeinau kah saina dawngah nawh ni.

Galati 3:18

Metihtiah Pathen kah kutdo he Phungawl dawngah pangtung kawinih amah kah awlkam dawngah pangtung thai manawh. Tecakhaw Pathen lawng Abraham te kutdo a peek te tah amah lawng awl a kam dawngah ni.

Ephesa 1:14

Muithla he tah Pathen lawng a thlaang thli tengah awl a kam te mami lawng n'dang ngai ai tila aamahkhan la awm tih amah kah thlaang thli tengah loeihna aka soep te Pathen lawng a peek ai tila mami kah ngaitluepna la khaw awm. Mami lawngah amah kah ruep-awmna te thangpawm u lah sih!

Ephesa 1:18

Nangmi te me ang ngaiuep sak ham n'khue tih a thlaang thli hamla a kam pe kawpoek rai yotheen kam-awmna te metihtlukla a yahawh tih,

Ephesa 1:5

Jesuh Khrih rang oen mami he a ca la sai ham Pathen tah cai oepsoeh poen, te tah amah kah awmngaihna oen a kamthlahna ni.

Ephesa 1:8

ahih lawng mami m'peek te tah lentloe maimah aw;

Ephesa 1:9

Pathen lawng a cuihna boeih oen a ming athaina oen ah a kamthlahna te a sai tih Khrih rang oen soep sak ham a ngaih ahuep khawkhanna te mami m'ming sak poen.

Ephesa 3:11

Pathen lawng amah kah dungyan kamthlahna angla a sai tih mami kah Bawipa Khrih Jesuh rang oen a coeng poen.

Kolosa 1:12

Tedawngah a aangna ram ukna khuiah Pathen lawng a thlaang thli ham oepsoehla a khueh thaihu te nang lawng paang thai koei la saikung Pa te awmngaih oen koeh uh.

Kolosa 3:24

A thlaang thli ham a khueh pe kutdo te Bawipa lawng nangmi m'peek ai tite hilh u boel. Bii na bi pe Manghai Bawi tangtang tah Khrih ni.

Titus 2:14

Mami he athe-arana boeih dawng kalawng thlawn ham oen mami he thlaang ciim la sai tih amah bueng kah koe la awm ham oen ah theenna te thinkaw thluembuek oen aka sai ham, amah kah hingna roe te mami hamla a peek.

Titus 3:7

a lungvatna rang oen Pathen oen mami roeproei ham oen ah mami kah ngaiuep dungyan hingna te khueh thaina ham ni.

Hebrew 6:17

Pathen lawng a mengtengna te thlauh tlaih nawh tite amah kah awlkamna aka dang ham koei thlaang thli tengah aciimphanla tueng sak ham a ngaih, tedawngah a awlkam te awltaap oen a cak sak.

James 2:5

Maya manau thli aw, hutung u lah! Pathen lawngah he dilai dawngkah khawdeng thlaang thli he oengna ah kuirang la awm ham, amah aka lungna thlaang thli ham a kam pe vaan ram te pang hamla a tuek.

1Peter 1:4

Pathen lawng a thlaang thli hamla a khueh pe yotheen kam-awmna yahawh hlang te pang van hamla n'ngaiuep u. Te yotheen kam-awmna te tah amah lawng nangmi ham vaan ram ah avan kuem tih te huen atah honn thai nawh, rong-athaang thai nawh tih muingen thai nawh.

1Peter 3:9

Nangmi lawng athe te athe van oen ah, tapvoepna te tapvoepna van oen ah thung u boel; te lak atah yotheen kam-awm peekna oen thung uh, metihtiah Pathen kah awlkam yotheen kam-awmna te nangmi peek hamla ni amah lawng n'khue u.