Caeltueih 8:1 - Matu Chin New Testament 2006

¹ Ahih a ngawn u te Sawl lawngkhaw a kaw tlaak puei van. Te khawhin kalawng tah Jerusalem kah Khrihcabu ah heem-atek patang-khangna te tong u poen. Celtuih thli thui muehla oengca thli boeih tah Judia peng oen Samaria ram ah yan khonghak.

Matu Bible

¹ Anih a ngawnnah te aka rhoih la Saul khaw om. Te vaeng tue ah a nah la hlangboel hnaemtaeknah te Jerusalem ah om. Te dongah caeltueih rhoek bueng pawt atah hlang boeih loh Judea neh Samaria paeng tom la palang uh.

Caeltueih 8:1 Iomraidhean Croise

Mathai 22:6

khatsut lawng a tuihyoeihthlaang thli te a tuuk tih a bawh u, a ngawn u.

Mathai 23:34

Tedawngah kavan thui u: nangmi tengah tawngha oen thlaangcuih hue oen ah cangpueikung kavan tuih ai; nangmi lawng khatsut te na ngawn u ai, khatsut te sinakok bok-im khuiah na bawh u vetih ahimi te khaaw tloe la na vai reroe u ai.

Mathai 5:13

“Nangmi tah thlaangphun boeih ham lungkeh la na awm u. Tede lungkeh he a aalna a moelh atah aal sak koep ham coengg thai tlaih nawh, apoeila awm poen, tedawngah ram la voeih tih thlaang lawng a caawt mailai ham ni a awm poen.

Johan 15:20

‘Sal he tah a bawipa lak ah lenduet nawh’ kan tina te hilh u boel. Ahimi lawng kai he n'heem atek atah nangmi te khaw n'heem atek van ai; ahimi lawng kai kah cangpueina he a vai u atah nangmi kah cangpueina te khaw a vai u van ai.

Johan 16:2

Nangmi te sinakok bok-im khui kalawng n'hek u vetih nangmi te aka ngawn thlaang thli lawng Pathen bii ni ka bi u tila a poekna atue te law ai.

Caeltueih 1:8

Tede nangmi sawah Ciim Muithla a law vengah nangmi tah tharana oen na betoet u vetih Jerusalem ah, Judia peng boeih oen ah Samaria peng ah, tecoengah dilai aboetna kheng toela kai kah sausi la na awm u ai.

Caeltueih 13:1

Antiok khaaw kah khrihcabu khuiah tawngha thli oen cangpueikung thli khatsut tah thoem awm u: Te thli te tah, Barnabas, Simeon (Thlaangmuuem a ti u te), Lucias (Sairin khaw kah), Manaen (ukkungbawi Herod kah thawnpuei) oen ah Sawl, he hue ni.

Caeltueih 13:36

Devid lawng a hing khuiah Pathen kawngaihna te a sai, tecoengah duek tih an patuer thli oen haih a up u de phuel khuiah a rawkk te rong.

Caeltueih 2:47

Pathen te a thangpawm u tih ahimi te thlaang boeih lawng a hinyah u. Tecoengah thlawnna aka dang thlaang thli te Bawipa lawngah khawhin roekk ah ahimi bu khuiah te a kuun pe sak.

Caeltueih 22:20

Tecoengah nang kah sausi la aka awm Stefen te a ngawn u vengah te kamah khaw ka awm, ahih te ngawn ham ka ngaih puei van tih ahih aka ngawnkung thli kah hi-acuu te ka khoem pe.’ ka tina.

Caeltueih 26:10

Jerusalem ah te tila te ka sai. Kai lawng khawsoeih ahaamca thli tengkah saithaina aana te ka dang tih Pathen kah thlaang yahawh hlang mai te thong ah ka thlaak; Ahimi te a ngawn u vengah khaw ngawn ham roe la kai lawng ka ngaih puei van.

Caeltueih 5:18

Ahimi lawngah celtuih hue te a tuuk u tih rangpui kah thongim ah te athlaak u.

Caeltueih 5:20

“Cet u langtah Tempal bok-im khuiah te pai u lang he kah hingna a thaai kawng he thlaang boeih tengah thui uh” a tina.

Caeltueih 5:33

Awlcekna Khonsil ah aka thuum thlaang boeih lawng he awl he a yaak u vengah a thin sa soeh u tih celtuih thli te duek sak ham a ngaih u.

Caeltueih 5:40

Ahimi lawng celtuih thli te a khuila a khue koep u tih cungpoelh oen a tam u, Jesuh miing oen awl thui tlaih nawh ham awl a peek u tih tecoengah ahimi te a thlah u.

Caeltueih 7:38

Ahih tah ramhum huhang ah Israel thlaang thli te aka tunsakkung, mami kah patuer hue oen khaw, Sinai Tlaang ah awl aka thui pe vanthlaang oen khaw awm haih tih Pathen kah hingna awl te mami tengah van phasakkung la awm.

Caeltueih 7:54

Awlcekna Khonsil ah aka thuum thlaang boeih lawng Stefen kah awl thui te a yaak u vengah a thin sa soeh u tih thinsa uuet ah a naw te cakcak a rueng u.

Caeltueih 7:58

ahih te khawpui adaubenla akhup athalla a mawt u tih lungto oen mat a de u. Sausi la aka awm thlaang thli lawngah amami kah himbaidung thli te cadawng pakhat Sawl aka miingna te a kuem sak u.

Caeltueih 8:14

Jerusalem ah aka awm celtuih thli lawng Samaria khaaw kah thlaang thli lawngkhaw Pathen awl te a tangna u van poen tite a yaak u vengah Piter oen Johan te ahimi tengla a tuih u.

Caeltueih 8:2

Bokna ben ah tlungmu thlaang khatsut lawngah Stefen rawkk te a kuem u, a kaw the u tih rap u.

Caeltueih 8:4

Aka yan khonghak oengca thli lawngah peng tawm ah cet u tih awlthang a thui u.

Caeltueih 8:5

Filip tah Samaria ram kah khawpui la te cet tih te kah aka awm thlaang thli tengah Messiah kawng te a thui pe.

Caeltueih 9:31

Judia Tecoeng atah ram, Galili ram oen Samaria ram kah khrihcabu tah ngaimawngla awm u. Bawipa te hinyahna oen khaw a sak u tih Ciim Muithla kah bawmna rang oen a tha ra u tih puung tare u.

Rom 1:32

He tila aka hing thlaang thli tah duek ham awm tila Pathen phungawl lawng a thui te a ming u. Tede he ang thaihu amami kah sai bueng ohla thlaangtloe lawng a sai u te khaw a kawtlaak puei u.

Philipi 1:12

Maya manau thli, ka tengah aka thoeng thaihu he awlthang theen a puungna ham aka bawmcem tangtang la coengg ti he nangmi ming sak ka ngaih.

Hebrew 11:27

Mosi lawng sengpahrang kah thinsana te rih tlaih ohla Iyipt ram a pooeng taak te tah oengna rang oen ni. Huh nawh Pathen te ahih lawng hu nooek ang a ti maila mel koep ham a thana.