Caeltueih 6:1 - Matu Chin New Testament 2006

¹ Teveng tue kalawng a awm raih coeng atah a hubang thli thlaangmi khaw puung tare hang tih Krik awl la aka cal Judah thlaang oen Judah awl la aka cal Judah thlaang thli te awlpuungna awm. Krik awl aka cal Judah thlaang thli lawng khawhin roekk bawmna fann tangka rekrana ah ahimi tengkah huhai tumtee thli tah navan thloeng bet u ti tih caitoek u.

Matu Bible

¹ Te vaeng tue ah hnukbang rhoek te ping uh tih, amih khuikah nuhmai te vuenhlaem kah bomnah loh a hlavawt hatah Hellenist rhoek loh Hebrew rhoek soah kohuetnah a khueh uh.

Caeltueih 6:1 Iomraidhean Croise

Mathai 23:13

“Phungawl cangpueikung hue oen Farasi hue! nangmi ham khawmap tangkiik! Nangmi thlaangthaipalat hue, nangmi lawng Vaan ram thawhka te thlaang kuun thai nawh ham na khaih khoep u tih namami khaw na kuun u nawh; kuun aka ngaih thli ham khaw awng ham na ngaih u nawh.

Caeltueih 11:20

Tede Saipras oen Sairi khaw kah thlaang, atloe oengca thli te Antiok la cet u tih Gental thlaangphun thli tengah khaw, awlthang te a phawng pe u tih Bawipa Jesuh kawng Awlthang Theen te a thui pe u.

Caeltueih 11:26

Ahih te a huh tih Antiok la avan law puei tih ahih rawi lawng kum at puet khrihcabu kah thlaang thli oen huh u tih thlaang boehoeng mai te a cang puei. Oengca thli he lamhacuek la Antiok ah Khrihca tila a thui cuek u.

Caeltueih 11:29

A hubang thli lawngah amami kah sai thai khoek ah Judia ram ah aka awm oengca thli te bawmcemna peek hamla awl a thui u.

Caeltueih 2:41

Ahih kah awl thui te thlaang broe lawngah a tangna u tih baptisma a huh u, te kah khawhin ah te ahimi bu khuiah thlaang thong thum yunyan lawngah a tawm a thap u.

Caeltueih 2:45

Ahimi lawng amami kah thaihu khuehtoen thli te a yoeih u tih a voetna aka awm thlaang thli te a ngoena angla tangka te arek ara u.

Caeltueih 2:47

Pathen te a thangpawm u tih ahimi te thlaang boeih lawng a hinyah u. Tecoengah thlawnna aka dang thlaang thli te Bawipa lawngah khawhin roekk ah ahimi bu khuiah te a kuun pe sak.

Caeltueih 4:35

Celtuih hue kah kut ah kang a peek u; te tangka te pakhat rip tengah a voetna taring ah arek ara pe u.

Caeltueih 4:4

Tede ahih rawi kah awl thui te aka ya thlaang broe lawng a tangna u tih thlaang thong ngaa yun toela puung hang.

Caeltueih 5:14

Tede, Bawipa te aka tangna hutaa, tawngpa thlaang broe lawngah ahimi bu te a tawm athap tare u.

Caeltueih 5:28

Ahimi lawngah, “Nangmi lawngah te kah thlaang miing oen ah cang puei nawh hamla kavan khaang khak u poen, tede na sai he bueh u lah! Nangmi lawng Jerusalem pum ah na cang puei u tih puung khonghak poen, ahih te kaimi lawng a duek sak tila sai hamla na ngaih u!” a tina u.

Caeltueih 6:2

Tedawngah celtuih paha thlaihih lawng oengca thli te a pum boeih la a khue tun tih, “Kaimi lawng tangka kawng thuikhanna dawngah Pathen kah awl thui ham thlahphaam sut atah soeng nawh.

Caeltueih 6:7

Te tila te Pathen kah awl tah puung tare hang Jerusalem khawpui khuiah a hubang thli khaw puung van tih khawsoeih thli broe lawngkhaw oengna te a do u van.

Caeltueih 9:29

Krik awl la aka cal Judah thlaangphun hue oen khaw awl a thui u tih oelhtaih u, tede ahimi lawngkhaw ahih te ngawn ham a yawm u.

Caeltueih 9:39

Tedawngah Piter te kamthlah pahoei tih ahih rawi oen cet u. A pha veng atah asaw dawtt im han la te a luui puei u. Huhai thli lawng Piter te a veel khoep u tih rap u, Dorkas lawng a hing vengah a sai pe angki oen hinaak himbai thli te a huh sak u.

Caeltueih 9:41

Piter lawng a phoeih tih ahih te a thawh hang. Tecoengah Oengca boeih oen huhai thli te a khue tih ahimi tengah te a hing la a tloeng pe.

Rom 12:7

thlaangtloe ham bii bi koei atah bi ham awm; cang puei koei atah cang puei ham awm;

1Korin 10:10

Thlaangvaang lawng angla te mami lawng a caitoek ham awm nawh, te tila a caitoek u dawngah ahimi te Duekna Vanthlaang lawng a ngawn u.

2Korin 11:22

Ahimi te Hebru thlaangphun aw? Kai khaw Hebru thlaangphun van ni. Ahimi te Israel thlaangphun aw? Kai khaw Israel thlaangphun van ni. Ahimi te Abraham kah cadil thli aw? Kai khaw Abraham cadil van ni.

Philipi 3:5

Kai tah hin reetna khawhin ah yahhuivuen reet la ka awm, thlaangphun ben ah Israel thlaang, Benjamin phun, Hebru thlaangciim la ka awm. Judah hue kah Phungawl vaina ben ah Farasi la ka awm,

1Timothy 5:3

Amah bueng ah khaw aka sa huhai thli te van hinyah.

1Timothy 5:9

Huhai pakhat te a kum sawmruk a kuep thlan atah huhai tumtee thli kah cayin cabu dawngah thuum sak boel. Cayin cabu dawngah aka thuum ham tah vai khat bueng vaa aka sa huhainu te thuum seh.

Hebrew 13:1

Khrihca maya manau la na awm u van angla pakhat oen khat lung u poe lah.

James 1:27

Pa Pathen lawngah aciim acaih bokna oen bokna tangtang la a poek tah, khawdeng lungma aka khang cadah harah thli oen huhai tumtee thli cawm acahna oen ah he dilai thawlhna tuiilehkap dawng kalawng mah oen mah kuemsuemna he ni.

James 4:5

Caciim lawngah, “Pathen lawng mami kaw khuiah avan khueh muithla tah rih-awm hue-angaihna oen betoet,” tila a thui te a thui ngaihna tangtang awm nawh tila poek hau u boel.

James 5:9

Maya manau thli, Pathen lawng nangmi te awl cek nawh hamla nangmi khat oen khat thuitheet u boel. Awlcekkung tah va yoeii poen, oepsoehla awm poen.