Caeltueih 4:1 - Matu Chin New Testament 2006

¹ Piter oen Johan lawng thlaangping tengah awl a thui hih lii vengah te khawsoeih khatsut thli oen tempal bok-im aka toet raalkapbawi thli oen ah Sadusi khatsut hue te avan pha u.

Matu Bible

¹ Pilnam ham a thui uh vaengah khosoih rhoek, bawkim kah imtawt boei neh Sadducee rhoek loh amih te a paan uh.

Caeltueih 4:1 Iomraidhean Croise

Mathai 16:12

Tevengah a hubang hue lawng, ngaithuen uh, ati he takawi dawngah a hawna tawlru nawh tih Farasi oen Sadusi hue kah cangpueina ni tila a yaakming u.

Mathai 22:16

Tecoengah amami kah hubang khatsut hue oen Herod kah thlaang khatsut hue te Jesuh tengla a tuih u tih, ahimi lawng,” Saya, nang lawngtah awl doeng na thui tila ka ming u. Pathen kah kawngaihna a kawng he khaw thlaang lawng metila a poek ti khaw rih ohla na cang puei tih a-u kah mik-hai khaw na bueh nawh.

Mathai 27:20

Khawsoeih ahaamca hue oen Judah ahaamca hue lawng Barabbas te thlah tih Jesuh te ngawn hamla Pilat tengah bih ham ah rangpui te a ceemtuh.

Mathai 27:41

Tetih van angla khawsoeih ahaamca hue oen Phungawl cangpueikung hue oen ah Judah ahaamca hue lawngkhaw a tamdeng u van tih,

Mathai 3:7

Farasi thlaang oen Sadusi thlaang thli Baptisma dang ham a law u te Johan lawng a huh vengah ahimi te, “Ruul hue, aka law ham koei Pathen kah dantatna kalawng na loeih u thai ai tila a-u lawng avan thui u?

Luka 20:1

Hin at ah Jesuh lawng Tempal bok-im khuiah thlaang thli te a cang puei tih Awlthang Theen te a phawng, khawsoeih ahaamca thli oen Phungawl cangpueikung thli, bokna ben kah ahaamca thli thik at la haih law u tih,

Luka 22:4

Tedawngah Judas tah khawsoeih ahaamca thli oen tempal bok-im aka toet raal bawi thli tengla cet tih Jesuh te ahimi kut ah peek thaina ham koei akawng te a thui u.

Johan 15:20

‘Sal he tah a bawipa lak ah lenduet nawh’ kan tina te hilh u boel. Ahimi lawng kai he n'heem atek atah nangmi te khaw n'heem atek van ai; ahimi lawng kai kah cangpueina he a vai u atah nangmi kah cangpueina te khaw a vai u van ai.

Johan 18:3

Tedawngah Judas lawng Rom raalkap bu khat oen ah Farasi thlaang thli oen khawsoeih ahaamca hue lawng a tuih tempal bok-im aka toet thlaang vang te dum la a ceh puei. Ahimi lawng pawmcunghaiha oen oep u tih haiim oen haithoei te a khuen u.

Caeltueih 4:6

Ahimi te Khawsoeih Bawi Annas oen Kaiafas, Johan, Alekzandar oen ah Khawsoeih Bawi kah atloe imkhuikaw thli oen huh u.

Caeltueih 5:17

Tecoengah Khawsoeih Bawi oen a paya boeih, te kah aka awm Sadusi thlaang boeih lawng celtuih thli te a uett aham u; tedawngah ahimi lawng thaihu pakhat khat sai hamla awl a khueng u.

Caeltueih 5:24

Khawsoeih ahaamca thli oen tempal bok-im aka toet raalkap bawi thli lawng te awl te a yaak u vengah celtuih thli he me tih ni a ti oh kai tite a kawpoek rai u.

Caeltueih 5:26

Tevengah tempal bok-im aka toet bawi lawng amah kah thlaang thli te a ceh puei tih celtuih hue te avan khuen koep u. Tede amami te thlaangping lawngah lungto oen n'de hau ai tite a rih u tih a mangkhakla tah sai u nawh.

Caeltueih 6:12

Te tila te ahimi lawng thlaang rangpui oen ahaamca thli oen ah Phungawl cangpueikung thli te thinkaw a phawh pe u. Ahimi lawng Stefen te a tuuk u tih awlcekna Khonsil haiah a khuen u.

Caeltueih 6:7

Te tila te Pathen kah awl tah puung tare hang Jerusalem khawpui khuiah a hubang thli khaw puung van tih khawsoeih thli broe lawngkhaw oengna te a do u van.