Caeltueih 3:16 - Matu Chin New Testament 2006

¹⁶ Ahih kah a miing huham tharana lawng he kah khowkheem thlaang he tharana te a peek. Nangmi lawng na huh tih na ming u he tah ahih kah a miing oengna rang oen ni sai la a awm; nangmi boeih lawng na huh u angla Jesuh oengna lawng ni ahih he a sa ading sak.

Matu Bible

¹⁶ A ming neh tangnah dongah aka hoeih te na hmuh uh coeng. Te dongah a ming loh a hoeih sak te ming uh. Amah lamkah tangnah loh anih he nangmih boeih hmaiah hing soepnah a paek.

Caeltueih 3:16 Iomraidhean Croise

Mathai 14:29

Jesuh lawng, “Va law lah!” a tina. Tedawngah Piter te lowng khui kalawng rum tih Jesuh tengla tui sawah cet.

Mathai 9:22

Jesuh lawng a hu benla mang tih hutaa te a huh vengah, “Ka canu na ngaai mawng sak; na oengna lawng n'hoeih sak poen,” a tina. Teveng tue roe ah hutaa te hoeih pahoei.

Johan 14:12

Awltak kavan thui u, a-u khaw kai he aka tangna lawngtah kai lawng ka sai he a sai van ai, thaihu alentloe Pateng khaw a sai ai, metihtiah kai tah Pa tengla ka ceh ham a awm poen dawngah ni.

Johan 7:23

Tecoengah Mosi kah Phungawl te phe nawh ham ah Sabbath khawhin ah camaw tawngpaca te yahhui-vuen na reet u atah kai lawng Sabbath khawhin ah thlaang te aciimthlaula ka hoeih sak dawngah he n'tu ah na thin a sa u?

Caeltueih 14:9

Ahih tah te ah te ngawl tih Pawl kah awl thui te a hutung. Pawl lawngah, ahih lawngtah a tangna dawngah hoeih thai ai tite a huh, tedawngah rangpatangla a bueh heet tih,

Caeltueih 16:18

Te tila te khawhin sanhlang ahih tah paang khiing, Pawl te thinsabat la a khueh aih dawngah a hu la maang dak tih raaithe nala te, “Jesuh Khrih miing oen ah ahih kaw khui kalawng co loeih kan tina he!” a tina. Tevengca roe ah ahih kaw khui kalawng raaithe te co pahoei.

Caeltueih 3:6

Tede Piter lawng ahih nala, “Tangka ka khueh thamhalh nawh, tede ka khueh te kan peek: Nazaret Jesuh miing oen ah awl kan peek, tho langtah cet lah!” a tina.

Caeltueih 3:8

Ahih tah sawi tih pet, pai hang tih yingyawi. Tecoengah ahih rawi oen Tempal bok-im khuila te kuun, sawipet ruila cet tih Pathen te a thangpawm.

Caeltueih 4:10

Nangmi boeih oen ah Israel thlaang boeih lawng a ming ham tah he kah thlaang lawngah hoeih heet tih nangmi haiah a pai he tah, nangmi lawng thinglam dawngah na ngawn u tih duekna kalawng Pathen lawngah a thawh sak koep, Nazaret khaaw kah Jesuh Khrih kah a miing tharana rang oen ni.

Caeltueih 4:30

Thlaang tlo thli lawng a sa a dingna ham na kut te van thueng langtah aciim Tuihyoeihthlaang Jesuh miing oen ah kawpoekraina oen kawpoekrai miknoekna te sai lah.” tila thangthui u.

Caeltueih 4:7

Ahimi lawngah celtuih rawi te amami haiah a pai sak tih a-u kah a miing na hawna? tila a doet u.

Rom 3:22

Jesuh Khrih te oengna rang oen Pathen lawng thlaangdoeng la a khueh. Khrih aka tangna boeih hamla doengna te Pathen lawng a sai dawngah a-u tengah khaw alangna roe awm nawh:

1Korin 13:2

Kai lawngah thlaang kawthawhna awl te thui thaina kutdo te ka khueh cakhaw; kai lawngah cuihna boeih ka khueh tih awlhuep boeih te yaakming thaina ka khueh cakhaw, kai lawngah tlaang sawm thoeih sak thaina oengna boeih te ka khueh cakhaw lungna ka khueh nawh atah kai he ahong la ni ka awm.