Caeltueih 3:13 - Matu Chin New Testament 2006

¹³ Abraham, Isak oen Jakob Pathen, mami patuer hue kah Pathen lawngah amah kah tuihyoeih-thlaang Jesuh te aciim ruep-awmna te a peek poen. Tede nangmi lawng aana khuehkung thli kut ah na peek tih Pilat lawng ka thlah silang tah ka loeih sak ai tila awl a khueh coengah Pateng khaw Pilat haiah nangmi lawng na thana u.

Matu Bible

¹³ Abraham Pathen, Isaak Pathen, Jakob Pathen, a pa rhoek kah Pathen loh, a ca Jesuh te a thangpom coeng. Anih te Pilat mikhmuh ah na voeih uh tih hlah hamla lai a tloek lalah na aal uh.

Caeltueih 3:13 Iomraidhean Croise

Mathai 11:27

“Apa lawng thaihu soeprep boeih m'peek poen. Apa nawh tah a-u lawngkhaw Capa te ming nawh. Capa oen amah te m'ming seh tila Capa lawng a tueng sak thlaang thli teng bueng nawh atah a-u lawngkhaw a Pa te ming u manawh.

Mathai 20:19

thlaangphun tloe kut dawngah a peek u ai. Thlaangphun tloe hue lawng ahih te nuihbu kamring la a khueh u ai, athe akhana u ai, a bawh u coengah a ngawn u ai. Tede athum hin ah tho koep ai,” a tina.

Mathai 22:32

Pathen lawng, ‘Kai tah Abraham Pathen, Isak Pathen, Jakob kah Pathen la ka awm! ti. Aka hing thli kah Pathen la awm tih aka duek thli kah Pathen nawh ni,’ tila a thui.

Mathai 27:2

Ahih te thiirui oen a khih coengah a ceh puei u tih Rom ram ukbawi Pilat kut ah a peek u.

Mathai 28:18

Jesuh lawng ahimi tengla cet phai tih. “Dilai oen vaan kah saithaina aana boeih kai m'peek poen.

Marku 15:11

Tede khawsoeih ahaamca thli lawng thlaangping te a ceemtuh tih Barabbas dai lat te thlah sak ham Pilat tengah a bih u.

Luka 22:57

Tede Piter lawng a oelh tih, “Hutaa nang, ahih te ka ming moenih” a tina.

Luka 23:4

Tecoengah Pilat lawng khawsoeih ahaamca thli oen thlaangping te, “He thlaang he a thawlhna ka hu nawh.” a tina.

Luka 6:37

“Thlaangtloe te awl cek boel, tetih atah Pathen lawng nangmi te awl n'cek van manawh; thlaangtloe te sal-aphaam boel, tetih atah Pathen lawng nangmi te n'sal-aphaam van manawh; thlaangtloe sawah khawdawp ngaai u lah, tetih atah Pathen lawng na sawah khawdawp a ngaai van ai.

Johan 12:16

Tevengah te a hubang hue lawng he kah thaihu he yaakming u thai nawh; tede Jesuh he ruep-awm la a thawh coeng veng atah Caciim lawng ahih kawng a thui tih ahih hamla ni ahimi lawng a sai pe u tite a yaakming u.

Johan 18:40

Ahimi lawngah paang u tih, “Ahih te van thlah boel! Barabbas te van thlah!” ti u. (Barabbas tah thlaanghuuen ni.)

Johan 19:11

Jesuh lawngah, “Nang lawng ka sawah aana na khueh he Pathen lawng m'peek dawngah ni. Tedawngah na kut dawngah kai aka pekung te a thawlhna bo tare ngai,” a tina.

Johan 19:12

He tila a thui te Pilat lawng a yaak vengah Jesuh thlah ham oen ah loeih sak ham along a-im te a tlap. Tede thlaangping lawngah paang koep u tih, “Nang lawng ahih te na loeih sak atah nang tah Sengpahrang sangluel kah paya tlaih nawh ni! A-u khaw amah oen amah te sengpahrang ni aka ti boeih tah Sengpahrang sangluel te aka raalna thlaang poen ni!” ti u.

Johan 19:15

Ahimi lawngah paang koep u tih, “Ahih te ngawn! Ahih te ngawn! Thinglam dawngah ahih te ngawn!” ti u. Pilat lawng ahimi nala, “Nangmi kah sengpahrang he thinglam dawng ngawn sak ham na ngaih u aw?” tila a doet. Khawsoeih ahaamca thli lawngah, “Sizar Sengpahrang sangluel nawh tah atloe sengpahrang ka khueh u nawh.” a tina u.

Johan 7:39

Jesuh lawng amah te aka tangna thlaang thli lawng a dang ham koei Muithla kawng te ni he tila a thui. Te kah atue vengah ahih te Muithla pe thlan hun, metihtiah Jesuh te ruep-awm la thawh sak thlan hun.

Caeltueih 22:14

Ahih lawng, ‘Mami patuer hue kah Pathen lawng amah kawngaih te ming hamla amah kah aka doeng tuihyoeihthlaang te huh sak ham oen ah amah awl roe oen a thui awl te yaak hamla nang he n'tuek poen.

Caeltueih 24:14

Ka sai tangtang tila nang tengah ka thui tah he ni: Ahimi lawng soeng nawh a ti u, Lawngpui te ka vai tih kamami patuer hue kah Pathen te ka bok. Tede kai lawngkhaw Mosi kah Phungawl oen tawngha thli kah cabu dawng a thut boeih te ka tangna. Thlaangthe khaw, thlaang theen khaw, duekna kalawng tho koep ai tite ahimi angla kai lawngkhaw ka ngaiuep van.

Caeltueih 3:12

Piter lawng thlaangping te a huh vengah ahimi nala, “Ka puei Israel thlaang thli, n'tu kawngah he thaihu dawngah he na kawpoek a rai u tih kaihih he alet uekcuekla nan bueh u? Kaihih lawngah kamahih kah huham tharana oen Pathen haiah theenna oen ah he kah thlaang he a ceh sak tila na poek u aw?

Caeltueih 3:26

Tedawngah Pathen lawng a Tuihyoeih-thlaang te a tuek tih nangmi lawng thawlhna te na ceh taak u tih nangmi boeih te yotheenna peek hamla nangmi tengah lamhacuekla avan tuih.” a tina.

Caeltueih 4:27

Metihtiah Herod oen Pontias Pilat tah he khawpui khuiah Gental thlaang thli oen Israel thlaang thli oen ah nang kah aciim Tuihyoeihthlaang Messiah la na sai Jesuh te oel khak hamla tun u tangtang.

Caeltueih 4:30

Thlaang tlo thli lawng a sa a dingna ham na kut te van thueng langtah aciim Tuihyoeihthlaang Jesuh miing oen ah kawpoekraina oen kawpoekrai miknoekna te sai lah.” tila thangthui u.

Caeltueih 7:32

‘Kai tah na patuer hue kah Pathen, Abraham, Isak oen Jakob mi kah Pathen ni.’ a tina. Mosi lawng a rih uuet ah thuen tih bueh ha nawh.

Rom 9:5

Ahimi tah Hebru thlaangphun cuunkung patuer miingthang thli kah cadil la awm u, thlaanghing ben atah Khrih pateng ahimi kah a phun ni. Soeprep boeih ukkung Pathen tah yoeyahla a thaang theen hawn seh! Amen.

Hebrew 2:9

Tede mami lawngah Pathen kah lungvatna oen thlaang boeih ham duek hamla vanthlaang thli lak ah ahem bet la aka awm Jesuh te n'huh u. Te tila te duekna patang a khangna rang oen tahe atah ruep-awmna oen hinyahna lumuek te a muek poen tite n'huh u.

Olphong 1:18

Kai tah aka hing ni! Kai tah ka duek, tede tahe ah kai tah dungyan toe yoeyahla ka hing poen. Kai lawng duekna oen thlaangduek khaaw celkhui sawah ukna aana ka khueh.

Olphong 1:5

duekna kalawng lamhacuekla aka tho, thincak sausi la aka awm, dilai sengpahrang boeih ukkung la aka awm Jesuh Khrih teng kalawng lungvatna oen ngaimawngna tah nangmi tengah awm hawn seh. Mami n'lungna tih a duekna oen mami he thawlhna kalawng aka loeih sak tih,