Caeltueih 26:11 - Matu Chin New Testament 2006

¹¹ Sinakok bok-im ah khaw ahimi te dan ka tat sak u tih amami kah oengna te hoett sak hamla ka yawm. Ahimi sawah ka thin sa soeh tih ahimi te heemtek hamla ram tloe kah khawpui toela ka pan.

Matu Bible

¹¹ Tunim takuem ah khaw amih te tholhphu ka paek taitu tih, soehsal ham khaw ka tanolh coeng. Te vaengah taoe ka angsai tih kho voel duela amih te ka hnaemtaek.

Caeltueih 26:11 Iomraidhean Croise

Mathai 10:17

Ngaithuen uh, nangmi te tuuk hamla thlaang va law ai, awlcekna yung la n'khuen u vetih sinakok bok-im ah khaw m'bawh u ai.

Marku 13:9

Nangmi lawng ngaithuen oen awm uh. Metihtiah nangmi te n'tuuk u vetih awlcekna yung la n'khuen u ai. Sinakok bok-im ah nangmi te m'bawh u ai; Nangmi lawng kai kawng dawngah ukkung thli oen sengpahrang thli haiah ahimi te Awlthang Theen thui pe hamla na pai u ai.

Marku 3:28

Ataktang kavan thui u, thlaang he a thawlhna boeih oen awlthe awlkha a thui boeih te khawdawp a ngaai pe thai ai.

Luka 15:17

Hukhueng atah a lungcuih pan tih tila ti, ‘A pa kah bii aka bi thlaang thli lawng caak lek awkknaa nawh la buh a khueh u, kai tah he ah he ka lamlum tawm poen!

Luka 21:12

He kah thaihu boeih he a thoeng thlan ah nangmi te n'tuuk u vetih n'heemtek u ai; nangmi te sinakok ah awlcek ham n'ceh puei u vetih thongim ah n'thlaak ai; kai kawngah sengpahrang thli oen ukkung bawi thli haiah n'khuen ai.

Luka 6:11

Ahimi te a thin sa soeh u tih Jesuh he metila n'sai lah ai tite a thui u.

Caeltueih 13:45

Judah thlaang thli lawngah thlaangping te a huh u vengah ahimi lawng uett-eena thinkaw a khueh u; Pawl lawng a thui te khaw a oelh ataih u tih amah te khaw aphawh akhah u.

Caeltueih 18:6

Pawl te ahimi lawng a oel khaklal u tih ahih kawng te athela a thui u vengah a himbai dawngkah laidiik te a khoek thil tih, “Nangmi lawng na ha-ata u atah namami kah thebuh la awm seh! Ka sawah thoeng boel seh. Tahe kalawng tah Gental thlaang thli tengla ka cet poen ai.” a tina.

Caeltueih 22:19

Tevengah kai lawng, ‘Bawipa, Sinakok boeih ah ka cet tih nang aka tangna thlaang thli te ka tuuk tih ka bawh te ahimi lawng atheenla a ming u.

Caeltueih 22:5

Kai lawng awltak ka thui tite Khawsoeih Bawi oen awlcekna Khonsil ah aka thuum boeih aka mingkung sausi la awm. Ahimi lawngah Damaskas khaw kah Judah thlaang thli tengah a thut pe u ca te khaw kai lawng ka lawh, tecoeng atah te kah thlaang thli te tuuk hamla, ahimi te thiirui oen khih tih dan tat ham Jerusalem la koep van khuen hamla te ka cet.” a tina.

Caeltueih 9:1

Teveng yun ah te Sawl lawngah Bawipa kah a huvai thli te heem-atek tih ngawn hamla a teeng mangkhak. Ahih lawng Khawsoeih Bawi tengla cet tih,

James 2:7

Nangmi m'peek u miing theen te ahimi lawngah athela a thui u.

2Peter 2:16

amah te a thawlh dawngah toelthaam la awm. Amah kah marang lawng thlaanghing awl la cal tih te tawngha kah a ngau avawk oen a sai te a toeng sak.