Caeltueih 22:1 - Matu Chin New Testament 2006

¹ “Maya manau thli oen a pa hue, nangmi haiah kamah ka phungtuna awl he hutung u lah!” a tina.

Matu Bible

¹ “Ka hlang rhoek, manuca rhoek neh a pa rhoek, tahae ah nangmih taengkah ka olthungnah he hnatun uh lah,” a ti nah.

Caeltueih 22:1 Iomraidhean Croise

Luka 12:11

Ahimi lawngah nangmi te sinakok ah khaw, ram ukbawi oen ukkung thli haiah khaw n'khuen u vengah namah oen namah te metila ka phungtu u vetih me ang awl ka thui ai ti khaw lakueng a boel.

Luka 21:14

Namah oen namah te metila ka phungtu u ai tite lakueng u boel, thincak la awm oepsoeh uh,

Caeltueih 13:26

“Abraham cadil, ka puei Israel thlaangphun thli oen Pathen aka bok Gental thlaangphun thli; thlawnna awlthang he mami tengah m'peek!

Caeltueih 19:33

Judah thlaang thli lawng Alekzandar te thlaangping hai la a ceh sak tih thlaang khatsut lawngtah ahih lawng ni awlpuungna he a thoeng sak cawini tila a poek u. Tecoeng atah Alekzandar lawng thlaangping te sap duem hamla a kut oen noekna a sai pe tih amah phungtuna awl te thui ham a yawm.

Caeltueih 23:1

Pawl lawng Khonsil ah aka thuum thlaang thli te a bueh rangpatang tih, “Ka puei, Israel thlaang thli! Kai tah tahe toe ah khaw ka sakna dawngah athe atheen mingna thinkaw he Pathen haiah ciim.” a tina.

Caeltueih 23:6

Te kah thlaangvaang te Sadusi thlaang tih thlaang vaang te tah Farasi thlaang ni tite Pawl lawng a huh vengah awlcekna Khonsil ah te paang tih, “Ka puei, Israel thli, Kai he Farasi thlaang pakhat ni, Farasi thlaang thli kah capa ni. Thlaang duek thli tho koep ai tite ngaiuepna ka khueh dawngah ni he ah he awl n'khee u.” tila a thui.

Caeltueih 24:10

Ram ukbawi lawng Pawl te awl thui ham noekna a peek tih Pawl lawngah, “Nang tah he thlaangphun sawah kum san hlang awlcekkung la na awm poen tite ka ming, kamah phungtuna awl he na haiah nan thui sak dawngah ka awmngaih.

Caeltueih 25:16

Tede kai lawngah, taya a cawi u thlaang pakhat te taya cawikung thli oen haitang u tih thawlh a peelna boeih dawngah amah oen amah phungtuna awl a thui thlan atah a-u khat khaw thlaang kut ah peek hamla Rom thlaang thli kah phung alam nawh ni ka tina.

Caeltueih 25:8

Tecoengah Pawl lawng amah phungtuna awl te a thui: “Kai lawngah Judah thlaang thli kah Phungawl te khaw Tempal bok-im khaw, Rom sengpahrang sangluel sawah khaw thawlhpalhna ka sai nawh.” a tina.

Caeltueih 26:24

Te tila Pawl te amah oen amah a phungtu u vengah Fitas lawng, “Pawl na cuih taal poen! Cuihna asangsang na cangna lawng ng'ngau sak poen.” a tina.

Caeltueih 28:17

Hin thum a awm coengah Pawl lawng te kah aka awm Judah thlaang mawtkung thli te tun a khue. Ahimi te a tun u atah, Pawl lawng ahimi nala te, “Ka puei Israel thlaang thli, kai lawngah mami Judah thlaang puei khaw, mami kah patuer hue teng kalawng n'dang u phung khaw ka oelh ka taih nawh de Jerusalem thongim ah n'thlaak u tih Rom thlaang thli kah kut dawngah m'peek u.

Caeltueih 7:2

Stefen lawngah, “Maya manau oen a pa thli, ka awl thui he hutung u lah! Mami kah patuer Abraham he Haran ah awm hamla a ceh thlan ah Mesopotemia khaaw ah a awm vengah te ruep-awm Pathen te a tueng pe tih,

Rom 2:15

Phungawl lawng sai a tite a thinkaw ah thut la awm poen tila amami kah khawboe ramlang lawngah a tueng sak. Amami kah poekna lawngah meveng ah nuem tah ahimi te a pai puei vengah soeng tila amami kah athetheen pekbona thinkaw oen a tueng sak.

1Korin 9:3

Kai he thlaang kah coel-acaa la ka awm vengah kamah oen kamah ka phungtuna tah he ni:

2Korin 12:19

Nangmi haiah kamami kah thlip adahna hamla a yawm puet tila khaw nan poek u mai ai. Tetih nawh ni! Khrih lawngah kaimi thui sak hamla a ngaih angla te Pathen haiah ka thui u, ka lungna ka paya thli, kaimi lawng ka sai boeih he nangmi bawmna ham ni ka sai u.

2Korin 7:11

Nangmi kah kawthena te Pathen lawng metila a hawna tite ming u lah: nangmi te tha avan thlue sak poen; na thawlh u nawh tite tueng sak ham metihtlukla na kaw a thluembuek u! Na thin sa u, na lakueng u, nan ngaai tangkiik u poen, doengna te sai ham na ngaih u poen; sai thawlhna te dan peek ham oepsoehla na awm u! He thaihu boeih dawngah he nangmi tah thawlhpalhna awm nawh tite namami lawng na tueng sak u poen.

Philipi 1:17

Thlaangtloe hue lawng atah lungna tangtang oen Khrih kawng te thui u nawh tih amami ham ngaihna kawpoek oen a thui u; ahimi lawng atah thong ah kai ka awm vengah he kai ham raina te sai tare hamla te a poek u.

Philipi 1:7

Nangmi he kan thintlawhna ni! He tila nangmi tengah thinkaw ka khueh he khueh ham tueng roe ni. Metihtiah kai he nangmi lawng nan lungduetna tih tahe thong ka tlaak vengah khaw, awlthang theen te yalpawla ka pai puei tih acakna ham bii ka bi vengah khaw Pathen kah peek bii dawngah he nangmi boeih khaw na thuum u van.

2Timothy 4:16

Lamhacuek awlcekna ah kamah oen kamah ka phungtu u vengah te a-u khat lawngkhaw m'pai puei nawh; n'ceh taak boeih u. Ahimi sawah athela Pathen lawng poek mai boel seh!

1Peter 3:15

Tede na thinkaw lungbui oen Khrih hinyah uh, na Bawipa la khueh langtah hinyah u lah. Nangmi lawng na kaw khuiah ngaiuepna na khueh u te thuicaih hamla pakhat khat lawng nangmi te n'doet u atah meveng tue ah khaw ahimi kah awldoet te thung hamla oepsoehla awm uh.