Caeltueih 20:2 - Matu Chin New Testament 2006

² Ahih lawngah te kah peng te a hiil adawng tih thathluena awl a thui pe, tecoeng atah Akhaia ram la te cet tih te ah te thla thum awm.

Matu Bible

² Te rhoek pingpang a hil vaengah khaw amih te olka neh muep a thaphoh phoeiah Greek la pawk.

Caeltueih 20:2 Iomraidhean Croise

Luka 3:18

Johan lawng aphunphun la Awlthang Theen te thlaangping tengah a phawng tih a thawlhna te yut u hamla a thuituen.

Caeltueih 14:22

Ahih rawi lawngah oengca thli te tha a peek hih tih oengna dawngah cak poe hamla thathluena awl a thui pe hih. Ahih rawi lawngah, “Mami lawng Pathen ram khuiah kuun ham ah khawdeng patang broela khang ham roe ni,” tila te a cang puei hih.

Caeltueih 15:41

Ahih tah Siria oen Cilicia ben kalawng poe cet tih khrihcabu thli te tha a thlue sak.

Caeltueih 16:12

Te kalawng ah Macidonia peng, lamhacuek khawpui Filipi la te lan lawngpui kalawng ah ka cet u. Te kah khawpui te tah Rom ram uk khuiah awm. Te ah te khawhin sanhlang ka awm u.

Caeltueih 17:1

Pawl oen Silas te Amfipolis oen Apollonia kalawng poe cet hih tih Tesalon khaaw te a pha, te ah te sinakok bok-im pakhat awm.

Caeltueih 17:10

Khaw a yiin thuk atah oengca thli lawng Pawl oen Silas te Berea khaaw la pahoei a tuih u. Ahih rawi lawng a pha atah sinakok bok-im la cet hih.

Caeltueih 2:40

Piter lawng ahimi te awltloe khaw moen a thui pe tih, ‘He kah thlaangthe thli sawah aka law ham koei dantatna kalawng namami oen namami thlawn u lah!” a tina.

Caeltueih 20:1

Awlpuungna te aboet coeng atah Pawl lawng oengca thli te a khue tun tih thathluena awl a thui pe coeng atah sading ngaimawngla an awm uh a tina. Tecoeng atah Makedonia ram la te cet.

Caeltueih 20:11

Tecoengah im han la koep cet, takawi a eh tih a caak u. Ahimi oen mincang khawthaih toe asanhlang awl a thui u coengah Pawl te cet.

Caeltueih 20:3

Siria ram la ceh ham cai de, Judah thlaang thli lawng ahuepla ngawn ham a teeng u tite a ming tih Macidonia ram benla ceh koep hamla te kamthlah.

1Korin 4:19

Tecakhaw Bawipa lawng a ngaih atah nangmi tengla yue ka law vetih te kah aka oekthloen u thlaang thli lawng a thui awl bueng muehla huham tharana a khueh u te khaw kamah lawng ka huh ai.

Kolosa 1:28

Tedawngah kaimi lawng thlaang boeih tengah Khrih kawng he ka thui u. Thlaang boeih lawng Khrih oen pumkhatla awmna ah pakhat rip te thlaangsoep la Pathen haiah pha puei ham cuihna boeih oen ngaithuenna ka peek u tih ka cang puei u.

1Thessalonika 2:11

Ana pa lawng a ca thli te a dawm a thlai angla nangmi pakhat rip te kaimi lawng kan dawm kan thlai u te na ming u.

1Thessalonika 2:3

Nangmi tengah kaimi lawng reenna kavan bih u he asoeng nawh oen kawpoek ciimna nawh oen nawh tih, a-u khaw thailatna ham te ka ngaih u nawh dawngah ni.

1Thessalonika 4:1

Aboetna ah maya manau thli, Pathen kawhoena ham metila na hing u ham a awm tite kaimi tengah na cang u poen. Kaimi tengkah na cang u angla te na hing u hamla awm tih yahawh ngaaila na hingna tare ham Bawipa Jesuh miing oen ah kan ceel u.