Caeltueih 2:1 - Matu Chin New Testament 2006

¹ Pentikos hin a pha vengah oengca thli boeih te ahuen pakhat ah kang tun u.

Matu Bible

¹ Pentekos hnin a pha vaengah pakhat la tun boeih om uh.

Caeltueih 2:1 Iomraidhean Croise

Caeltueih 1:5

Johan lawngtah tui oen baptisma te a peek, tede khawhin meyoeh khaw a awm aih thlan ah Ciim Muithla oen baptisma te na dang u poen ai.” tila a thui pe.

Caeltueih 1:8

Tede nangmi sawah Ciim Muithla a law vengah nangmi tah tharana oen na betoet u vetih Jerusalem ah, Judia peng boeih oen ah Samaria peng ah, tecoengah dilai aboetna kheng toela kai kah sausi la na awm u ai.

Caeltueih 2:46

Khawhin roekk ah Tempal bok-im ah te pum u, amami im ah buh veel haihna te a sai u tih lunghoeih lungpaih la awmngaihna thinkaw oen a caak u.

Caeltueih 20:16

Pawl lawngah Asia ram khuiah poei-apah ham ngaih nawh tih Efesa khaaw te kaan tih tuisangphaw oen ceh phaat ham kamthlah. Acoeng thai atah Pentikos khawhin vengah Jerusalem te aloela pha ham a ngaih.

Caeltueih 4:24

Te awl te oengca thli boeih lawng a yaak u vengah ahimi boeih lawng thik at la haawl u tih Pathen tengah thangthui u: “Vaan oen dilai, tuitunlii oen ah a khuiah aka awm boeih saikung Bawipa!

Caeltueih 4:31

Ahimi lawng a thangthui coeng boet atah ahimi a tunna ahuen te hinghuen. Ahimi tah Ciim Muithla oen betoet u tih Pathen awl te thin awm tangkiik la a thui u.

Caeltueih 4:32

Oengca thli lawngah thinkaw oen lungbui khat la kang a khueh u. A-u lawngkhaw a khueh thaihu te kamah kah thaihu ni ti u tlaih nawh tih ahimi lawng a khueh thaihu boeih te khat oen khat avanpila ree u.

Caeltueih 5:12

Celtuih hue lawngah thlaangping tim ah kawpoekrai miknoekna oen kawpoekrai thaihu te broela a sai u. Oengca thli boeih tah Solomon Imthloeih ah te kueng tun u.

Rom 15:6

Te atah nangmi boeih lawng thik at la awlkaa pakhat la te mami Bawipa Jesuh Khrih kah ana Pa oen Pathen te na thangpawm thai ai.

1Korin 16:8

Efesa khaaw ah he pentikos khawhin toe ah ka awm ai.

Philipi 1:27

Tahe ah awlpui tah Khrih kah awlthang lawngah a kuek angla nangmi lawng na hing u ham awm, nangmi tengla ka law thai tih kan huh u vengah khawseh, ka law thai nawh tih kan huh u nawh vengah khawseh, mengtengna pakhat oen acakla na pai u tih awlthang theen oengna dawngah kawngaihna pakhat oen thik at la raal na teek u tite yaak ka ngaih.

Philipi 2:2

Tedawngah nangmi te he tila kan uen, poekna pakhat la khuehna, pakhat oen khat lungna, thinkaw lungbui khat la khuehna oen ah ka awmngaihna te soep sak u lah.